NAMBAR 27:13 - Pathien Lekhabu Inthieng (BSI)

¹³ Chun, i hang hmu zo chun i unaupa Aron chu a chipuihai kuomah ṭhuoi a ni ang bawkin nang khawm ṭhuoi ni tâng i tih.

NAMBAR 27:13 ပူးပေါင်းရင်းမြစ်များ

DÂN PAHNINA 10:6

(Chun, Israel thlahai chu Beeroth Bene-Jaakana inthawkin Mosera-ah an feh a; chutaka chun Aron chu a thih a, an phûm a, chun, a naupa Eleazarin a aiawin thiempu sin a thawh a.

NAMBAR 31:2

“Midian mihai chungah Israel thlahai phuba la rawh; chu zoa chun i chihai kuomah ṭhuoi ni tâng i tih,” tiin.

DÂN PAHNINA 32:50

Chuongchun, i unaupa Aron Hor tlângah a thih a, a chihai kuoma ṭhuoi a ni ta ang bawk khan i hang lâwnna tlânga chun thîng i ta; i chihai kuoma ṭhuoi nîng i tih;

NAMBAR 33:38

Thiempu Aron chun LALPA thupêkin Hor tlânga chun a hang feh a, Israel thlahai Aigupta rama inthawka an hung suok kum sâwmli kum thla ngana, ni khat niin chutaka chun a thih a.

INṬANNA 25:17

Chun, Ismael dam sûng kum chu hi hi a nih, kum za le sâwmthum pasari hi: chun, a thlarau ân thlah a, a thi tah a, a chipuihai kuoma ṭhuoiin a um ve tah a.

INṬANNA 25:8

Abraham chun a thlarau ân thla tah a, a lua kêlsam ṭo hiela tartakin, tarkûna damin a thi tah a, a chipuihai kuoma ṭhuoiin a um ve tah a.

DÂN PAHNINA 1:37

“Nangni leiin ka chunga khawm LALPA chu a lunginsen a, ‘Nang khawm hi chutaka chun lût naw ti nih.

DÂN PAHNINA 4:22

Kei chu hi rama hi thi ding ka na, Jordan vadung chu ka kai naw ding a nih; nangni ruok chu kai in ta, chu ram ṭhatak chu hluong in tih.

DÂN PAHNINA 31:14

LALPA chun Mosie kuomah, “Ngai ta, i thi hun a hung hnai tah a; Josua chu ko la, inbiekna puon ina chun vân lang ro, thu ka pêk ding a nih,” a ta. Mosie le Josua chu an feh a; inbiekna puon ina chun an vân lang a.

DÂN PAHNINA 31:16

Chun, LALPAIN Mosie kuom- ah, “Ngai ta, i pi le puhai kuomah i ininnghil ding a ni tah a, hieng mihai hi tho an ta, an va umna dinghai laia chu rama pathienhai kuoma chun uirêng an ta, mi nghatsan an ta, ka thuthlung an kuoma ka thlung chu bâwsieng an ta.