NAMBAR 23:9 - Pathien Lekhabu Inthieng (BSI)

⁹ Iengtin am Pathien vaukhâwng lo chu vaukhâwng ka ta? Lungpui chunga inthawk dâmin anni chu ka hmu sih a, Tlânga inthawk dâmin anni chu ka hmuh a; Ngai ta, hnam a tuma um det sa a nih, Hnam danghai le angkhata inngai ngai lo.

NAMBAR 23:9 ပူးပေါင်းရင်းမြစ်များ

EZRA 9:2

An naupasalhai le annihai ta ding ngei khawma an naunuhmeihai an nei sih a; chuongchun, chi inthieng chu annia hin hieng rama mihai le hin ân chawkpawl tah a; anih, hi bawsietnaa hin mi ṭhahai le rorêltuhai hi a hmaṭhuoi an ni nghe nghe a nih,” an ta.

ESTHER 3:8

Chun, Haman chun lal Ahasuer kuoma chun, “I ram sûng rambung po poa mihai laia indara umdar chi khat an um a nih; an dânhai chu mi dang- hai dân hrim hrima inthawkin a danglam bîk rieu a, lal dânhai khawm hi an zâwm chuong bawk nawh a; chuleiin, anni ngaithei zing hi lal ta dinga ṭhathnemna a ni nawh.

FESUOKNA 33:16

Kei le i mihai hin i lunginsietna kan hmu tah ti iengtin am inhriet a ta? Hnuoi chunga um mi dang po poa inthawk kei le i mihai ṭheha kan umna chu keini le i fe ve zingnaa chun a ni naw ding am a nih?” a tih a.

JEREMIA 46:28

Aw ka siehlaw Jakob, ṭi naw rawh, LALPA chun a tih; i kuomah ka um sih a, nang ka hnawt hmangna che tienga hnamhai po po chu suk- tâwp vawng ka ta, nang ruok chu suktâwp letdêr naw ning cheh a; rorêlnain sukdik lem ka ti cheh a, ieng kawnga khawm hrem loin mâksan naw ning che,” tiin.

JEREMIA 49:31

Tho unla, hnam nuomsipa khawsa le pawisak hrim nei lo an khâta chênga, dai kawtkhâr amanih, kawtkhâr thîrhai amani khawm nei lo hai chu thaw ro, LALPA chun a tih.

AMOS 9:9

“Ngai ta u, thu ka pêk ding a ni sih a, chun, sihria bu an rel angin, Israel sûngkuohai chu hnam po po lai chun rel ka tih; nisienlakhawm, a mal chîn tak khawm hnuoi chungah tla naw ni.

MIKA 7:14

Karmel tlâng kâra khawsâwt- taka um i rochan berâm ruol, I mihai chu i hembâwk hmangin châwm la, inhma ang khan Basan le Gileada châwmin um tâwl raw hai se,

2 KORINTH 6:17

Chuleiin, “Anni laia inthawkin hung suok unla, A tumin um ro, thil inthiengnaw hrim khawm them naw ro, Lalpain a tih,” Chuongchun, “Lâwm ka ti cheu a,

DÂN PAHNINA 32:8

A Chunghnungtak chun hnamhai ram a pêk laia, Mihriem nauhai a ṭhe lai khan, Hnamhai ramri chu a khang a, Israel thlahai zât ang peiin.

DÂN PAHNINA 33:28

Chun, Israel chu râlmuongtakin a um a, Jakob tuisunsuo chu a pumbil a, Bu le uoin rama chun, Anih, a vânhaiin dâidâw an infartir a,

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭha- hnemngaia, ama ta dinga a sukthieng theina dingin ei aiin ân pêk kha.

1 PETER 2:9

Nisienlakhawm, inthima in- thawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni sih a.