NAMBAR 22:5 - Pathien Lekhabu Inthieng (BSI)

⁵ Ama chun Amaw rama Euphrates vadung panga Pethora Beor naupa Balaam kuomah mi a tir a, “Ngai ta, hnam pakhat Aiguptaa inthawka hung suok an um a, leihnuoi a dâpin an hung dâp a, keia mi dep tâwtah an um a;

NAMBAR 22:5 ပူးပေါင်းရင်းမြစ်များ

INṬANNA 13:16

Chun, i thlahai chu hnuoia pilvut ang elin la siem ka tih: chuongchun, miin hnuoia pilvut hi an tiem sêng chun i thlahai khawm chu tiem sêng ni bawk an tih.

INPÂKNA HLABU 105:24

A mihai chu nasatakin a sukpung a, Anni dotuhai nêkin a sukhrât ta lem a.

FESUOKNA 10:15

A ram pumpui chu an dâp khup el sih a, ram chu ân thim khup el bawk a; rama hna hring tinrêng le, thing rahai, riel ihlahai chu an fâk ta ngei a; Aigupta ram pumpuia chun loa thlaihna, thing le thil a hring hrim a um ta dêr nawh a.

MIKA 6:5

Aw ka mihai, LALPA thilthaw fel chu in hriet theina dingin, Moab lal Balak thu rawt le Beor naupa Balaamin a dawn dân, Sittima in- thawka Gilgal chenin thil umziehai kha, tuhin hre zing ro.”

NAMBAR 23:7

Chun thu chu a hril tah a, “Aram rama inthawkin Balak chun a mi ṭhuoi a, Saktieng tlânga Moab lal chun; ‘La hung la, Jakob rawihai ṭawngsie mîn phurpêk rawh, Hung la Israelhai hi mi hung vaukhâwngpêk ta!’

NAMBAR 31:8

An mi thathai laia chun Midian mihai lalhai khawm an ṭhang veh a; Midian mihai lal panga Evi, Rekem, Zur, Hur le Reba hai, Beor naupa Balaam khawm kâwlhnâmin an that a.

DÂN PAHNINA 23:4

Aigupta rama inthawka in hung suok laia bei le tuia an lo tuok naw cheu leiin le, ṭawngsie inphur ding cheua Mesopotamia rama Pethor khuoa Beor naupa Balaam an ruoi lei khan.

DÂN PAHNINA 23:5

Nisienlakhawm, LALPA in Pathien chun Balaam thu chu a pawm nuom nawh a, LALPA in Pathien chun a hmangai cheu leiin LALPA in Pathien chun ṭawngsie chu in ta dingin malsâwmnaah ân chang- tir lem tah a.

JOSUA 13:22

Beor naupa Balaam aisânthiem khawm Israel thlahaiin mi dang an thathai laia chun kâwlhnâmin an that sa ve a.

JOSUA 24:9

Chun, Moab lal Zippor naupa Balak a hung inthawk a, Israel mihai chu a lo do a, chun, Beor naupa Balaam kha ṭawngsie inphurtir ding cheuin ân kotir a,

JUDA 1:11

An chung a rik ie! Kaina lampui chu an hraw a, hlaw hmu dingin Balaam suol lampuia chun an tlân rak rak a. Kora helnaa chun an bohmang ta kha.

THUPUONGSUO 2:14

Nisienlakhawm, tlâwmtêin demna che ka nei, khataka Balaam inchûktirna thu pawm tuhai amanih in umpui lei khan, ama chun milim biekna sa an fâkna ding le, an inditna dingin Balak chu Israel thlahai hmaah tlûkna sie ân chûktir kha.