NAMBAR 22:12 - Pathien Lekhabu Inthieng (BSI)

¹² Pathien chun Balaam kuomah, “An kuoma chun i fe ding a ni nawh. Chuong mihai chu ṭawngsie în phur ding a ni nawh, mi hamṭha an nih,” a ta.

NAMBAR 22:12 ပူးပေါင်းရင်းမြစ်များ

INṬANNA 12:2

Chuongchun, chi ropuitakah siem ka ti cheh a, mal khawm sâwm ka ti cheh a, i hming sukropui bawk ka tih: nang malsâwmna nîng i tih.

2 CHANCHIN SUINA 31:10

Zadok sûngkuoa mi, thiempu laltak Azaria chun a dawn a, “Mipui haiin LALPA ina an thilpêkhai an hung chawi china chun kan fâkin a huntâwk kan nei tah a; a chuong tamtak hman kan nei rau a; LALPA chun a mihai chu mal a sâwm sih a, hi siekhâwm nasatak hi kan fâk mahla chu a ni hi,” an ta.

INPÂKNA HLABU 144:15

Chuong anga um mihai chu lâwmtakin an um hlak a: Anih, LALPA Pathiena nei mihai chu lâwmtakin an um hlak.

INPÂKNA HLABU 146:5

Jakob Pathien ṭhangpuitua nei chu lâwmtakin a um hlak; LALPA Pathiena beiseina neitu chu.

ISAI 61:9

Chuongchun, an thlahai chu hnam tin lai chun hriet nîng an ta, an nauhai chu mi tin laia hriet ni bawk an tih; anni hmu taphawt chun LALPA malsâwm chi an nih ti hrieng an tih.

MIKA 6:5

Aw ka mihai, LALPA thilthaw fel chu in hriet theina dingin, Moab lal Balak thu rawt le Beor naupa Balaamin a dawn dân, Sittima in- thawka Gilgal chenin thil umziehai kha, tuhin hre zing ro.”

NAMBAR 22:11

‘Ngai ta, Aigupta rama in- thawka hung hnam chun leihnuoi an hung dâp a; hung la ṭawngsie mi vân phurpêk rawh, ka do theiin ka hnawt suok thei khiet rawi mawh,’ tiin,” a ta.

NAMBAR 22:13

Chuongchun, Balaam chu zîngkâr a tho a, Balak mi lienhai kuoma chun, “In rama chun fe nâwk ta ro khai, LALPAIN in kuoma fe dinga suok a phal naw a nih,” a ta.

NAMBAR 22:6

lunginsiettakin hung la, hieng mihai hi ṭawngsie mi vân phur pêk ta khai; keia ta ding chun an hrât taluo a nih, kan that theiin, kan hne theiin, kan rama inthawk hi kan hnawt suok thei khiet rawi mawh; mal i sâwm taphawthai chu malsâwmin an um a; ṭawngsie în phur taphawthai chu ṭawngsephurin an um ti ka hriet sih a,” tiin a vân ko tir a.

NAMBAR 23:23

Jakobrawi chungah dawi invêtna a um nawh a. Israelhai chungah dawi invêtna a um bawk nawh. Jakobrawi le Israelhai chunga Pathien thilthaw chu suklang pei a nih.

NAMBAR 23:3

Balaam chun Balak kuomah, “I pumrawhmang thilinhlân bula hin lo ngîr zing la, kei chu hang fe tum ka ta, LALPA chu mi be dingin a hung el khawm a ni thei a; chun, a mi hril taphawt chu hril ka ti che,” a ta. Chuongchun, tlâng kawl vel vula hin a hang fe tah a.

NAMBAR 23:8

Iengtin am Pathien ṭawngsie inphur naw chu inphur thei ka ta?

NAMBAR 24:9

An kûn a, sakeibaknei angin an bawk a. Sakeibakneihai ang elin, tuin am chawktho a ta? Malsâwmtu taphawt cheu chu malsâwmin um sienla, Ṭawngsie inphurtu taphawt cheu chu ṭawngsephurin um raw hai se,” tiin.

MATTHAI 27:19

Chun, rorêlna ṭhungphaa ân ṭhung lai chun, a nuhmeiin, “Kha mi feltak chunga khan iengkhawm thaw naw rawh; vawisûn hin ama leiin mangah thil tamtak ka tuor a nih,” tiin ân chah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:29

Pathienin a thilthlâwnpêkhaia le a konaa chun a lungril a lêt ngai si nawh a.

EPHESI 1:3

Ei Lalpa Isu Krista Pathien le Pa chu inpâkin um raw se. Ama chun vân hmunhaia thlarau tieng mal- sâwmpêkna tinrêngin Kristaa chun mal a mi sâwm a.

DÂN PAHNINA 2:7

LALPA in Pathien chun in thaw taphawthaia chun mal a sâwm hlak cheu a, hi thlalêr lientak hi in fe thleng dân dâm chu a hriet sih a; hieng kum sâwmli sûng po hin LALPA chu in kuomah a um a, ieng- khawm in tlasam naw kha, tiin thu pe rawh,’ tiin.

DÂN PAHNINA 23:5

Nisienlakhawm, LALPA in Pathien chun Balaam thu chu a pawm nuom nawh a, LALPA in Pathien chun a hmangai cheu leiin LALPA in Pathien chun ṭawngsie chu in ta dingin malsâwmnaah ân chang- tir lem tah a.

DÂN PAHNINA 28:6

in invâk suok chu malsâwmin um in ta, in hung kîr khawm chu mal- sâwmin um in tih.

DÂN PAHNINA 33:29

I hamṭha de, aw Israel, Nang ang hrim tu am an um a, LALPA sandam mihai? Nangma ṭhangpuitu phaw, I ropuina kâwlhnâm a nih, I hmêlmahai i kuomah intuklût an ta, An hmun insânghai chu chîl i tih,” a ta.

DÂN PAHNINA 7:14

Hnam po po laia chun malsâwm ni bîk in ta, nangni lai a nuhmei a pasalin a ching hrim hrim um naw ni hai, in ran laia khawm.