NAMBAR 18:9 - Pathien Lekhabu Inthieng (BSI)

⁹ Meia raw mahla thil inthienghai chu i ta nîng a ta; an thilinhlân tinrêng an beiphit thilinhlân dâm, an suol thâwina thilinhlân dâm, an thiemnaw thâwina thilinhlân ka kuoma an hung inhlân ding chen- in nang le i naupasalhai puol nîng a tih.

NAMBAR 18:9 ပူးပေါင်းရင်းမြစ်များ

2 LALHAI 12:17

Chun, Suria lal Hazael chun Gath khuo a hang rûn a, a hang lâk a; chun, Hazael chu Jerusalema fe pei a tum a.

NEHEMIA 10:36

Dâna ziek anga kan naupasal le kan ran pieng hmasa takhai, kan bâwng ruol le berâm ruol laia pieng hmasa takhai khawm kan Pathien ina rawngbâwltu thiempuhai kuoma kan Pathien ina ṭhuoi ding dâm;

EZEKIEL 42:13

Chun, ama chun ka kuomah, “Hmârtienga pindanhai le simtienga pindanhai, hmun âwl hmaa umhai hi, pindan inthieng, thiempu LALPA hnaituhaiin thil inthiengtakhai an fâkna ding a nih; chutaka chun thil inthiengtakhai chau chu sieng an tih, bu thilinhlân dâm, suol thilinhlân dâm, bawsietna thilinhlân dâm chu; chu hmun chu ân thieng sih a.

EZEKIEL 44:29

Bu thilinhlân dâm, suol thilin- hlân dâm, bawsietna thilinhlân dâm chu fâng an ta; Israel laia thilhlân tinrênghai chu an ta nîng a tih.

LEVI DÂN 10:17

“Iengdinga suol inthâwina chu hmun inthienga in fâk naw am a na? Hi hi thil inthieng tak, mipui rîtlona in phur theina dinga a pêk cheu, LALPA hmaa intlanna in isiempêk dinga a pêk cheu a ni sih a.

LEVI DÂN 14:13

Chun, suol inthâwina le pum- rawhmang thilinhlân an thatna hlak hmun, hmun inthienga chun berâmte chal chu a that ding a nih; suol inthâwina ang bawkin bawsiet in- thâwina khawm chu thiempu chan- puol a nih a; thil inthiengtak a nih.

LEVI DÂN 2:10

Fâkmi thilinhlâna lâk mahla- hai chu Aron le a naupasalhai chan- puol ding nîng a tih; chu chu LALPA ta dinga mei hmanga thilinhlânhaia thil inthieng tak chu a nih.

LEVI DÂN 22:11

Thiempuin ama suma an châwk ruok chun fa thei a tih; chun, a ina pienghai chun a fâk ding chu fa thei an tih.

LEVI DÂN 22:7

Nisa a tlâk hnung ruok chun inthieng tâng a ta, chu hnung chun thil inthienghai laia mi khawm chu fa thei tâng a tih; a fâk ding a ni leiin.

LEVI DÂN 4:22

“Rorêltuin thil a suksuol a, LALPA a Pathienin thaw lo dinga thu a pêkhai po po kha a ieng ieng khawm a thaw pal a, thiemnaw a chang a,

LEVI DÂN 4:27

“Vantlâng laia mi tukhawmin LALPAIN thaw lo dinga a thupêkhai a ienga khawm suksuol palin, thiem- naw lo chang ta sienla,

LEVI DÂN 5:1

“Tukhawm a thil hmua manih, a thil hrieta manih hretu a nih a, inkhâmtirtu rawl a hriet khawma hril nuom lotu chun, a hril nuom nawna suola a rîtlona maw chu phur a tih.

LEVI DÂN 5:6

a thil suol thaw ta leia bawsiet inthâwina dingin, ran ruol laia mi berâmte amanih, kêl amanih suol in- thâwinaa hmang dingin LALPA kuomah hung chawi a ta; thiempu chun a suol leia intlanna siempêk a tih.

LEVI DÂN 6:17

Chawl ṭhanga em ding a ni nawh. Mei hmanga ka thilinhlân an chanvo dinga ka thilpêk a nih; chu chu suol inthâwina le bawsiet in- thâwina ang bawkin thil inthiengtak a nih.

LEVI DÂN 6:19

Chun, LALPA chun Mosie a biek a,

LEVI DÂN 6:30

Suol inthâwina, a thisen, hmun inthienga intlanna siemna dinga in- tuokna puon ina hung lâk ruok chu fâk ding a ni nawh a; raw el ding a nih.

LEVI DÂN 7:1

“Hi hi bawsietna inthâwina dân ding chu a nih: Thil inthieng tak a nih.

LEVI DÂN 7:6

Thiempu sungkuoa pasal ta- phawt chun chu chu fâng an ta; hmun inthienga fâk ding a nih; chu chu thil inthieng tak a nih.

LEVI DÂN 7:7

Bawsiet inthâwina chu suol inthâwina ang bawk a na, dân ang- khat a nih; chutaka intlanna siemtu thiempu chun, chu chu a nei ding a nih.

NAMBAR 18:10

Hmun inthieng takah fâng in ta, pasal po poin fâng in tih; in ta dingin inthieng nîng a tih.

DÂN PAHNINA 18:1

“Thiempu Levi mihai, Levi hnam po po chun Israel mihai lai chanvo le rochan an nei ding a ni nawh a; LALPA kuoma meia thilin- hlân le a chana mi chu an fâk ding a nih.