NAMBAR 18:7 - Pathien Lekhabu Inthieng (BSI)

⁷ Nang le i naupasalhai hin mâi- châm le puonzâr sûngtieng in thiempu sin chu thâwng in tih. Chun, nangin rawngbâwl i tih, thiempu sin hi in rawngbâwl sin dingin ka pêk cheu a nih; hnam dang hung inrawl ve phawt chu sukhlum nîng an tih,” a ta.

NAMBAR 18:7 ပူးပေါင်းရင်းမြစ်များ

INPÂKNA HLABU 115:10

Aw Aron sûnghai, LALPA chu ring ro, Ama chu anni ṭhangpuitu le an phaw a nih.

FESUOKNA 28:1

“I unaupa Aron hi Israel thlahai laia inthawkin ama le a naupasalhai hi, thiempu sina ka hmaha rawng an bâwl theina dingin Aron le Aron naupasalhai, Nadab le Abihu, Eleazar le Ithamar hi i kuomah la tum rawh.

FESUOKNA 29:9

an kâwng chu kâwngkhiin hrên i ta, lukhim inkhimtir i ta, thiempu nina chu kumkhaw dânah nei an tih: chun, Aron le a naupasalhai chu i hlânthieng ding a nih.

EZEKIEL 44:15

“Amiruokchu, thiempu Levi mihai, Zadok naupasalhai, keimaa inthawka Israelhai an invâk hmang lai khawma ka hmun inthieng enkawlna sin kawltuhai chu, ka ta dinga rawngbâwl dingin keia hnaiah hung an ta; sathâu le thisen chu inhlân dingin ka hmaa chun ngîr an tih, Lalpa PATHIEN chun a tih;

EZEKIEL 44:16

ka hmun inthienga chun lût an ta, ka rawng mi bâwlpêk dingin ka dawkân hnaia chun hung an ta, ka sin chu kawl an tih.

EZEKIEL 44:8

Chun, ka thil inthienghai vêng ṭhatna sin chu in kawl nawh a, amiruokchu, chu ka hmun inthienga chun in aia ka sinhai kawltu dinghai in ruot lem a.

LEVI DÂN 16:2

LALPA chun Mosie kuomah, “I unaupa Aron hril la, puonzâr sûng hmun inthiengah, bâwm chunga zângaina ṭhungpha hmaa chun a hung zing zing ding a ni nawh, thi rawi a tih; zângaina ṭhungpha chungah sûm lai ka hung inlâr ding a ni sih a.

LEVI DÂN 7:35

Hi hi a nih, Aron le a nau- pasalhai chanpuol dinga, LALPA kuoma mei hmanga thilinhlânhaia inthawka sie hran, anni chu thiempu sin thawh a, LALPA rawngbâwl dinga inhlân an nia inthawka an chanpuol ding chu;

NAMBAR 1:51

Chun, biekbûk chu a suok ding po leh Levi mihai chun ṭhiek hlak an ta, chun, biekbûk chu keizar ding a ni po leh, Levi mihai chun keizar hlak an tih, hnam dang a hung inrawl ve taphawt chu sukhlum ding nîng a tih.

NAMBAR 16:40

Mosie hmanga a kuoma LAL- PAIN a lo hril ta ang chun, Aron thla ni lo hnam dang hrim hrim LALPA hmaa riminhnik raw dinga an fe hnai nawna ding le, Kora le a pâwlhai anga an hung um nawna dingin.

NAMBAR 18:20

LALPA chun Aron kuomah, “An rama chun rochan nei naw ti niu a, anni lai chun chanvo nei naw bawk in tih: Israel thlahai laia i chanvo le i rochan chu keima hi ka nih.

NAMBAR 18:3

I sina chun ṭhangpui an ti cheh a, puon in tieng sin po po chu chang an ta, amiruokchu, hmun inthieng bûrlebêl le mâichâm chu hung hnai naw raw hai se, an thi nawna dingin, anni amanih, nang amani khawm.

NAMBAR 3:10

Aron le a naupasalhai chu ruot i ta, an thiempu nina chu chang zing an tih; hnam dang hung inrawlhai chu sukhlum nîng an tih,” tiin.

NAMBAR 3:38

Biekbûk saktieng pang intuok- na puon in bul, nisa suokna tieng panga puon in zartu ding chu Mosie le Aron le a naupasalhai nîng an tih, hmun inthienga chun Israel thlahai puolin a ṭûl taphawt chu thâwng an tih; hnam dang hung inrawl taphawt chu sukhlum ding nîng an tih.

MATTHAI 10:8

Damnawhai sukdam unla, mithi- hai keitho unla, phârhai sukthieng unla, khawhrihai hnawt dawk ro, a thlâwnin in hmuh a, a thlâwnin pe ro.

JOHAN 3:27

Johanin a dawn a, “Mihriemin iengkhawm an nei thei nawh, vâna mi pêk a ni naw chun,

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chan- chin chu Jentailhai kuoma hril ding le,

DÂN PAHNINA 18:2

An unauhai laia chun rochan an nei ding a ni nawh a, an rochan chu an kuoma a hril angin LALPA a ni sih a.

HEBRAIHAI 5:4

Chun, tûkhawmin chu chawi- mawina chu mâni ta dingin an inbel ngai nawh. Aron anga Pathien iko an ni naw chun.

JOSUA 18:7

Levi mihai hin chu chu nangni lai chanvo an nei ve nawh a, LALPA thiempu sin hi an chanpuol a ni sih a; chun, Gad mihai, Reuben mihai le Manasse hnam zâtvehai khan chu Jordan râl saktienga khan an chan- puol chu LALPA siehlaw Mosien a lo pêk kha an lo chang tah a,” a ta.

1 PETER 5:2

Nangni laia Pathien Pâwlhai chu enkawl ro. Thaw ding a ni lei ni loin, Pathien thu anga inhâwk pum lemin, hlêpna tirdakum dit lei ni loin, lungrila inhâwktak lemin,

1 PETER 5:3

in chanhai chungah insuklal bawk loin, pâwlhai enkhi dingin insiem lemin inrawi ro.

1 SAMUEL 2:28

Chun, Israel hnam po po laia ka mâichâma hang fe a, riminhnik raw a, ka hmaa zakawsîng hâk dingin ka thiempu dingin ama chu ka ruot a ni naw am a nih? I thlatuhai chu Israel mihai pumrawhmang thil inhlân po po ka pêk a ni naw am a nih?