NAMBAR 13:22 - Pathien Lekhabu Inthieng (BSI)

²² Simtienga chun an hang fe phawt a, Hebron an va tlung a, chutaka chun Anak thlahai, Ahiman mihai, Sesai mihai, Talmai mihai an um a, (Hebron chu Aigupta rama Zoan inngir hma kum saria inngir tah a nih).

NAMBAR 13:22 ပူးပေါင်းရင်းမြစ်များ

INṬANNA 13:18

Chuongchun, Abram chun a puon in chu a tâwl a, Hebrona um Mamre thingsaisuo kâwlhaia chun umhmun a va khuor a, chutaka chun LALPA ta dingin mâichâm a siem a.

INṬANNA 23:2

Sara chu Kanaan rama Kiriath-arbaa chun a thih a (chu chu Hebron khuo a nih): chun Abraham chu Sara chunga ṭap ding le sûn dingin a hung a.

2 SAMUEL 2:1

Chun, chu hnunga chun David chun, “Juda ram khâwlai ama- niah ka hang fe ding?” tiin LALPA a rawn a. Chun, LALPA chun a kuomah, “Hang fe raw khai,” a ta. David chun, “Khâwlai am ka hang fe ding?” a ta. Chun, ama chun, “Hebronah,” a ta.

2 SAMUEL 2:11

Davidin Hebrona Juda chihai chunga ro a rêlna chu kum sari le thla ruk a ni tah a.

2 SAMUEL 21:16

Chun, Isbi-benod, mi lien naupasalhai laia mi, a fei rikzie chu dâr Shekel za thum, kâwlhnâm thar pai chun David chu that a tum a.

INPÂKNA HLABU 78:12

An thlatuhai mithmuah thilmakhai a thaw hlak a, Aigupta rama Zoan phûla chun.

INPÂKNA HLABU 78:43

Khânga Aigupta ramah inchiknahai a sieh a, Zoan phûlah thilmakhai a sie bawk a;

ISAI 19:11

Zoan khuoa mi lienhai chu an invêt ngawt el; Pharao remruottu vartakhai remruot chu sa remruot ang el a hung ni tah; Pharao kuomah, “Mi var naupa, tienlai lalhai naupa ka nih,” iengtiziea ti hlak am in nih a?

ISAI 19:13

Zoan khuoa mi lienhai chu mi invêt an hung ni tah a, Noph khuoa mi lienhai chu hlêmin an um tah: Aigupta hnamhai kia lunghai chun Aiguptahai chu an invâkhmangtir tah.

ISAI 30:4

A mi lienhai chu Zoan khuoah an um a, a palaihai chun Hanes khuo an tlung ta sih a.

NAMBAR 13:17

Chuongchun, Mosie chun Kanaan ram enthla dingin anni rawi chu a tir a, an kuomah, “Simtieng fe phawt unla, tlângram tieng chun fe pei unla.

NAMBAR 13:28

Amiruokchu, a rama mi umhai chu mi hrâttak tak el an na, khuohai khawm kul nei, ropuitak tak an nih; chun, Anak thlahai khawm kan hmu bawk a.

NAMBAR 13:33

chutaka chun Anak thlahai, mi lienhai, âwmkhautak tak el kan hmuh a, keini chu khâu ang chauin kan inhmu el a nih; anni khawma khâu ang chauin an mi hmu hrim a,” tiin a ṭha naw tiengin an hril a.

DÂN PAHNINA 9:2

mi lientak tak le insângtak tak in hriet ta sahai Anak thlahai, ‘Anak thlahai chu tuin am ngam ei ta?’ in ti hlakhai ram chu.

JOSUA 10:36

Chun, Josua chu Israelhai po po leh Eglona inthawkin Hebron tieng an hang feh a, an do tah a,

JOSUA 21:13

Chun, thiempu Aron thlahai chu Hebron, mi thattuhai inhumhim- na khawpui le, a khaw kâwlvêlhai, Libna le a khaw kâwlvêlhai,

RORELTUHAI 1:10

Chun, Juda chun Kanaan mihai Hebrona umhai chu a va thawh a (a hma chun Hebron hming chu Kiriath- arba a nih), chuongchun, Sesai, Ahiman le Talmai chu an that a.

1 SAMUEL 30:31

Hebrona umhai dâm, David le a mihai chêttlatna hmun po poa um Juda upa, a ruolhai kuoma chun a thawn a.