NAMBAR 12:7 - Pathien Lekhabu Inthieng (BSI)

⁷ Ka siehlaw Mosie hi chu chuong ang chu a ni nawh; ka sûngkuo thu po poa chun ring a um a nih;

NAMBAR 12:7 ပူးပေါင်းရင်းမြစ်များ

JOB LEKHABU (THE BOOK OF JOB) 1:8

Chun, LALPA chun Setan kuoma chun, “Ka siehlaw Job hi i ngaituo hlak am? Hnuoi chunga hin ama anga mi fel le, mi tluong le, Pathien ṭi mi le, suol nghatsan mi an um si nawh a,” a tih a.

INPÂKNA HLABU 105:26

A siehlaw Mosie chu a tir a, A mi thlang Aron leh.

FESUOKNA 33:11

LALPA chun Mosie chu inhma- tuoin, miin a ruol a biek angtakin a biek hlak a. Chun, Mosie chu riebûk tieng a kîr nâwk a, a rawngbâwltu Joshua, Nun naupa, tlangvâl ruok chun puon in chu a mâksan nawh.

MATTHAI 11:11

Titakzetin ka hril cheu hi, nuhmei sûnga insieng laiah Baptistu Johan nêka ropui lem an la suok ngai nawh, nisienlakhawm, vân rama mi chîn deu khawm ama nêkin an ropui lem sih a.

MATTHAI 11:9

Annawleh, ieng lei takin am in fe suok kha? Zâwlnei en dingin maw? A ni ngei kha, ka ti cheu hi, zâwlnei nêk khawma ropui lem,

THILTHAWHAI 7:31

Chun, Mosiein a hmu chun, a thil hmu chu mak a ti êm a; chun, en dinga a va hnai laiin, Lalpa rawlin,

1 KORINTH 4:2

Hitaka hin enkawltu chu mi ringum ni a ngai bawk a nih.

DÂN PAHNINA 18:18

An unauhai laia inthawkin nangma ang zâwlnei siempêk ka ta; a bauah ka thuhai sieng ka ta, a kuoma thu ka pêk taphawt chu an kuomah hril a tih.

DÂN PAHNINA 34:5

Chuongchun, LALPA siehlaw Mosie chu LALPA thu angin Moab rama chun a thi tah a.

1 TIMOTHE 3:15

Nisienlakhawm, ka la um sâwt tâk duoiin Pathien sûnghai laia mi iengtin am an um ding ti i hriet theina dingin ka ziek a nih; Pathien sûnghai chu Pathien hring kohran, thutak ban le innghatna chu an nih.

JOSUA 1:1

LALPA siehlaw Mosie chu a thi hnung chun, Mosie rawngbâwltu Nun naupa Josua kuoma chun LALPAIN,

JOSUA 1:2

“Ka siehlaw Mosie chu a thi tah a; tho la, nang le hieng mipui po pohai le hin Jordan hi kân unla, anni Israel thlahai ngei ka ipêk rama chun fe ro.