NAMBAR 12:6 - Pathien Lekhabu Inthieng (BSI)

⁶ Ama chun, “Ka thu hi ngai ro, nangni lai hin zâwlnei in um chun ama chu kei LALPA hi inlârnain inhriettir ka ta, mang tieng bieng ka tih.

NAMBAR 12:6 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin LALPA thu chu Abram kuomah mang angin a hung tlung a.

INṬANNA 20:7

Chuongchun, tuhin mi nuhmei kha pe kîr nâwk rawh; ama chu zâwl- nei a ni sih a, ṭawngṭaipêk a ti cheh a; chun, dam el i tih: i pêk kîr nâwk naw chun i thi ngei ding a nih ti hre rawh, nang le i nei po pohai leh,” a tih a.

INṬANNA 28:12

Chun, mang a nei a, hnuoi chunga hin leilâk a lo indawh a, a tâwp chun vân a sun a; a chunga chun Pathien vântirkohai ṭum le kaiin a hmuh a.

INṬANNA 28:16

Chun, Jakob chu a in a hung har a, “Hi hmuna hin LALPA chu a um ngei el, ka lo hriet si nawh,” a tih a.

INṬANNA 37:5

Chun, Josef chun mang a nei a, a uhai kuoma a hril chun ama chu an theida zuol tah a.

INṬANNA 37:9

Chun, mang dang a nei nâwk a, a uhai chu a hril nâwk a, “Ngai ta u, mang ka nei nâwk a, nisa, thla le arasi sâwmpakhat khin chibai an mi lo bûk chu tie,” a tih a.

INṬANNA 46:2

Chun, Pathienin zâna a mang- haia chun Israel chu a biek a, “Jakob, Jakob,” a tih a. Ama chun, “Hitaka hi ka um,” a tih a.

2 SAMUEL 7:4

Chun, chu zân vêk chun Nathan kuomah LALPA thu a hung tlung a,

1 LALHAI 3:15

Chun, Solomon chu a hang har a, ngai ta, mang a lo ni zing el a; chun, Jerusalemah a feh a, LALPA thu- thlung bâwm hmaah a ngîr a, pumrawhmang thilinhlân le inremna thilinhlân ân hlân a; a siehlaw po pohai ta dingin ruoi a ṭheh a.

1 LALHAI 3:5

Chun, Gibeon khuoa chun zânah LALPA chu Solomon kuomah a mangah a hung inlâr a; chun, Pa- thienin, “Hni ta, ieng am a na ka pêk ding che?” a ta.

JOB LEKHABU (THE BOOK OF JOB) 33:15

Mangah, zâna mitthlaa thilhmua, Îmu indêntakin mihai chu a hung zêl phah a, Khum chunga îmu inhniktaka a in lai chun a hril a.

JOB LEKHABU (THE BOOK OF JOB) 4:13

Îmu inhniktaka mi in re ṭhiep lai, Zâna thilhmulâwkna ka ngai tuo laiin,

INPÂKNA HLABU 105:15

“Ka hriek nâlhai chu tâwk naw unla, Ka zâwlneihai pawi hrim hrim khawm tâwk naw ro,” tiin.

INPÂKNA HLABU 89:19

Chuong lai chun i mi inthienghai kuomah inlârnaah thu i hril a, “Mi pakhat hrâttak chunga chun ṭhangpuina kân nghat a, Mi pakhat, mihai laia inthawka thlang suok chu ka chawimawi tah a.

FESUOKNA 7:1

Chun, LALPAIN Mosie kuomah, “En ta, Pharao kuoma chun Pathien angah ka siem cheh a; chun, i unaupa Aron chu i zâwlnei nîng a tih.

JEREMIA 23:25

‘Mang ka nei, mang ka nei,’ tia ka hminga thukhêla thuhriltuhai, zâwlneihaiin an hril chu ka hriet a.

JEREMIA 23:28

Zâwlnei mang nei chun a mang chu hril sienla, keima thu hretu chun keia thu chu ringumtakin hril bawk raw se. Bu le a kûng chun ieng am inangna an nei a? LALPA chun a tih.

EZEKIEL 1:1

Kum sâwmthumna kum, a thla linaa, ni nga ni chun, Kebar vadung panga salhai laia ka um lai chun, vânhai a hung inhawng a, chun, Pathiena thil hmulâwkhai chu ka hmu tah a.

DANIEL 10:8

Chuongchun, ka khât chaua mâksanin ka um a, hi thilhmulâwk ropuitak hi ka hmu tah a; chun, keimaa chun hrâtna hrim hrim a um ta nawh a: ka hmêl mawina chu sietnaa ân chang ta leiin, hrâtna hrim ka nei ta nawh a.

DANIEL 2:19

Chun, zâna thilhmulâwkin Daniel kuoma chun chu thurûk chu phuongin a um tah a. Chun, Daniel chun vâna Pathien chu ân pâk tah a.

DANIEL 7:1

Babulon lal Belsazzar inlal kum khatnaa chun Daniel chun mang neiin a khum chunga chun a lua thil hmulâwkhai chu a hmu tah a; chun, mang chu a ziek a, chuong thilhai umzie chu a hril bawk a.

DANIEL 8:2

Chun, thil hmulâwka chun ka hmuh a; Hieng ang hi a lo nih a, thilhmulâwk ka hmu lai chun, Elam rama lal in, Susaa chun ka lo um a; thil hmulâwka chun ka hmuh a; Ulai vadung kâwlah ka lo um a.

HOSEA 12:11

Gilead chu rîtlona a ni naw am a nih? Teplo el an nih annâwm; Gilgala chun bâwngchal an inhlân hlak a. Anih, an mâichâmhai chu leilet changkuonga Lung dêng khâwm ang el an nih.

JOEL 3:1

“Ngai ta u, chuong niahai le chuong pha chun, Juda le Jerusa- lem sala an um chu ka ṭhuoikîr nâwk pha chun,

ZEKARIA 1:8

“Zâna hin thil ka hmuh a, mi pakhat sakawr sen chunga chuong hi ka hmuh a, ama chu hmun inruom inhmui thing lai hin a ngîr zing a; chun, a hnunga chun sakawr sen dâm, a buong dâm, a vâr dâm hi an um a.

NAMBAR 24:4

Pathien thu hai hrea, Iengkimthawthei inlârna hmuh a, Tlu bawkhupa mit hung var ta chun:

MATTHAI 1:20

Nisienlakhawm, chuong thu chu a ngaituo laiin, ngai ta, a mangah Lalpa vântirko a kuomah a hung inlâr a, “Josef, nang David naupa, Mari chu nuhmeia nei ṭi naw rawh; a nau vawn chu Thlarau Inthienga inthawk a nih i sawnnaw.

MATTHAI 2:19

Nisienlakhawm, Herod chu a thi hnungin, ngai ta, Lalpa vântirko Aiguptaa chun Josef kuomah mangah ân lâr a,

MATTHAI 23:31

Chuongchun, zâwlneihai that- tuhai nau in nih ti in inhriettir a nih.

MATTHAI 23:34

“Ngai ta u, chuleichun, in kuomah zâwlneihai, mi varhai, inchûktirtuhai, ka hung tir ding a nih; ṭhenkhat sukhlum in ta, krawsah hemdêng in tih, ṭhenkhat inkhâwmna inhaiah savun hruiin vuong in ta, khaw tinah suknawmna zui pei in tih.

MATTHAI 23:37

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu, ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum a! Nisienlakhawm, in nuom si nawh.

MATTHAI 27:19

Chun, rorêlna ṭhungphaa ân ṭhung lai chun, a nuhmeiin, “Kha mi feltak chunga khan iengkhawm thaw naw rawh; vawisûn hin ama leiin mangah thil tamtak ka tuor a nih,” tiin ân chah a.

LUKA 1:11

Chun, Lalpa vântirko pakhat thil riminhnik râwna mâichâm changtieng chun a hung inlâr a.

LUKA 1:22

Chun, a hung suok chun an kuomah thu a hril thei ta nawh a; chuongchun, biekinah inlârna a hmu a nih ti an hriet tah a; anni chu kut zaizirin a biek hlak a, chun ṭawng thei loin a um ta zing a.

LUKA 20:6

Chun, ‘Mihriem thu,’ ei ti chun, mi po poin lungin mi dêng an tih; Johan chu zâwlnei a ni an ring sih a,” an ta.

THILTHAWHAI 10:11

Vân inhawngin, iengkhat bâwm puon lientak ang, a ki palia khita, hnuoiah inkhaithlain a hmuh a.

THILTHAWHAI 10:17

Chun, Peterin mang anga a hmu chu a ngaina hre loa a lunginzîng laiin, Korneli mi tirhai chun Simon in chu an lo indawn suok tah a, kawtkhâr bulah an lo ngîr a,

EPHESI 4:11

Chuongchun, ṭhenkhathai chu tirko ni ding dâmin, ṭhenkhathai chu zâwlnei ni ding dâmin, ṭhenkhathai chu Chanchin Ṭha hriltu ni ding dâm- in, ṭhenkhathai chu kohran châwmtu le inchûktirtuhai ni ding dâmin a pêk a:

DÂN PAHNINA 18:15

“LALPA in Pathienin keima ang hi in unauhai laia mi, zâwlnei siem- pêk a ti cheu; a thu chu in zâwm ding a nih.

DÂN PAHNINA 18:18

An unauhai laia inthawkin nangma ang zâwlnei siempêk ka ta; a bauah ka thuhai sieng ka ta, a kuoma thu ka pêk taphawt chu an kuomah hril a tih.

HEBRAIHAI 1:1

Pathien inhmaa thlatuhai kuoma bung tamtak le kawng tinrênga zâwlneihaia thu lo hriltu khan,

THUPUONGSUO 11:10

An thi leiin hnuoia umhai chu lâwm an ta, hlimna siem an ta, thilpêkhai inthawn tuo bawk an tih; zâwlnei pahni hai chun hnuoia umhai chu an sukrimsik hlak leiin.

THUPUONGSUO 11:3

Chun, ka thu hretu pahnihai kuoma chun thu pêng ka ta, chuongchun, saiip puon silin ni sâng khat za hni sâwmruk sûng po thu hril an tih,” a ta.

1 SAMUEL 28:6

Chun, Saula chun LALPA a hang rawn khawmin LALPA chun mangin amanih, Urimin amanih, zâwlneiin amani khawm a dawn hrim hrim nawh a.

1 SAMUEL 3:15

Samuel chu zingkâr chenin a zâl a; chun, LALPA in kawtkhârhai chu a hawng a, Samuel chun chuong inlârna chu Eli inhriettir ding chu a ṭih a.

1 SAMUEL 3:21

Chun, LALPA chu Siloa chun ân lâr nâwk a; LALPA chu thuin Samuel kuoma chun Siloa chun ân lâr a ni sih a.