NAMBAR 11:1 - Pathien Lekhabu Inthieng (BSI)

¹ Mipuihai chun LALPA na hrieta chun mi chier hmang angin thil ṭha naw takhai an hril hlak a; chu chu LALPA chun a lo hriet chun a lung a chawk tah a; chuongchun, LALPA mei chu anni lai chun a hung chawk a, an riebûk hmawr tieng chu a kâng ta dur dur el a.

NAMBAR 11:1 ပူးပေါင်းရင်းမြစ်များ

INṬANNA 38:10

A thilthaw chu LALPA mithmua chun suoltak a nih; chuleiin, ama khawm chu a sukhlum tah a.

2 SAMUEL 11:27

Chun, a sûn hunbi a bo hnung chun David chun ama in tieng ân ṭhuoitir a, a nuhmeiah a nei tah a, naupasal a neipêk a. Nisienlakhawm, David thilthaw chun LALPA a suklungni nawh a.

2 LALHAI 1:12

Chun, Elija chun a dawn a, an kuomah, “Pathien mi ka ni tak zet chun, vâna inthawkin mei hung tla thla sienla, nang le i rawihai sâwm- nga kha kânghâwp vawng raw se,” a ta. Chun vâna inthawk chun Pathien mei a hung tla thlah a, ama le a rawihai sâwmnga chu a kânghâwp vawng tah a.

JOB LEKHABU (THE BOOK OF JOB) 1:16

Ama chun a la hril zing laiin mi dang khawm a hung veh a, “Vâna inthawkin Pathien mei a hung tla a, berâm ruol le siehlawhai chu a kâng a, a kâng hmang vawng tâwl el a; chuongchun, kei chau a hril ding chein ka hung suok a nih,” a ta.

INPÂKNA HLABU 106:18

An pâwl lai chun mei sukchawkin a um a, Meichawk chun mi rilohai chu a kâng hmang tah a.

INPÂKNA HLABU 78:21

Chuongchun, LALPA chun a lo hriet a, a lung a sen tah a, Jakobhai chungah mei a hung chawk suok tah a, Israelhai chungah lunginsenna a hung tah a.

INPÂKNA HLABU 78:63

Meiin an tlangvâlhai chu a kânghmang a, An nunghâkhai chun inneina hla hrim hrim an nei ta nawh a.

FESUOKNA 16:7

zîngtieng leh LALPA ropuina chu hmûng in tih; LALPA chun a chunga in chiernahai chu a hriet sih a. Keini chu ieng am kan niha in mi chier khum hi?” an tih a.

FESUOKNA 16:9

Chun, Mosiein Aron kuomah, “Israel thla mipui po po kuoma chun, ‘LALPA hmaa chun hung hnai ro, in chiernahai po po chu a hriet sih a,’ ti rawh,” a tih a.

ISAI 10:17

Chun, Israelhai êntu chu mei dingin nîng a ta, an Mi Inthieng chu meichawk dingin ni bawk a tih: chu chun ni khat thilah a hlohlingneihai le a buorhai chu sukkângin sukbo- hmang a tih, hmawlin thing ni lo mihriem ân let lem ang elin maw!

ISAI 30:33

Topheth pakhat chu inhma daia lo buotsai tah a ni sih a, anih, lal ta ding chun siem zosa hieu a nih; inthûktak le lientakin a siem a, a thil sêkkhâwl chu mei le thing tamtak a nih; LALPA thuok, kât vadung luong ang chun a sukkâng dur dur a.

ISAI 33:14

Ziona mi suol umhai chun an ṭih a; Pathien inza naw mihai chu inthin- nain a man tah a. Eini lai hin tu am thil kâng hmang mei kuomah um ei ta le? eini lai hin tu am kumkhuoa kâng hlut hlut kuoma dâm chun um ei ta le?

ṬAP HLA 3:39

Iengleiin am mi hring chu mi a suolnahai leia hremna thua chier hlak a na?

EZEKIEL 20:36

In thlatuhai Aigupta ram thla- lêra ka phût ang khan, nangni khawm ka phût ding cheu a nih, Lalpa PATHIEN chun a tih.

LEVI DÂN 10:2

Chuongchun, LALPA hmaa in- thawkin mei a hung suok a, anni chu a kâng hlum a, LALPA hmaa chun an thi tah a.

NAHUM 1:5

Tlâng lienhai chu ama leiin an inhnîng a, tlâng chînhai chu an intuihmang a; a hmaa chun hnuoi hi ân thin a, anih, khawvêl le a sûnga um po pohai le chun.

HABAKKUK 3:5

A hmaa chun hri chu a feh a; A kehaia inthawk chun meiling inling a fe suok a.

NAMBAR 10:33

Chuongchun, LALPA tlânga inthawka ni thum lamah an feh a; LALPA Thuthlungna bâwm chu an ta dinga innghatna hmun remchâng zawngin chu ni thum lama chun a fe hmasa pei a.

NAMBAR 11:18

Chun, nangin mipui kuomah, ‘Zînga ding hin insukthieng vawng unla, chuongchun, sa chu fa ngei in tih. Sa fâk ding tuin am mi pêng a ta? Aigupta rama inhawi ei ti vei leh, tiin LALPA na hrietah in ṭap a, chuleiin, LALPAIN sa pêng a ti cheu a, fa ngei in tih.

NAMBAR 12:2

Anni chun, “Mosie kuoma chau hin am a nih LALPAIN thu a hril bîk? Keini kâwla khawm hin a hril naw am a nih?” an tih a. Chu chu LAL- PAIN a lo hriet a.

NAMBAR 14:2

Israel thlahai po po chu Mosie le Aron chunga chun an chier a; a pungkhâwmhai po po chun an kuomah, “Aigupta rama khan mi lo sukhlum thên kha ni ta lem sien aw! Annawleh, thlalêra hin mi sukhlum thên el lem sien aw!

NAMBAR 14:22

Aigupta ram le thlalêra ka ropuina le ka thilmak thawhai hmua, chuongsa khawma vawi sâwm zet mi la fieh a, ka thu la pawm lo mi po pohai hin,

NAMBAR 14:27

“Hieng mi rilo pungkhâwmhai, ka chunga chier hlakhai hi ieng chen am dâwng ka ti aw? Israel thlahai chierna, ka chunga an chiernahai chu ka hriet deh.

NAMBAR 14:28

An kuomah, ‘ka hringna sâlin ka hril a nih, ka na hriet ngeia in hril angtakin in chungah thâwng ka ta; in ruonghai chu thlalêra hin um a ta;

NAMBAR 16:11

Chuleiin, nang le i pâwlhai po po chu LALPA chu kalin in pung- khâwm a nih. Aron khawm hin ieng am a thawa a chunga hi chier in ni leh?” a ta.

NAMBAR 16:35

Chun, LALPA kuoma inthawkin mei a hung suok a, riminhnik inhlântu mi za hni le sâwmnga hai chu a hung kâng hlum tah a.

NAMBAR 17:5

Chun, ka mi thlang ding hmawl chu hung inder a ta, chuongchun, Israel thlahai chierna, i chunga an chierna hi ka sukre ding a nih,” tiin.

NAMBAR 21:5

Mipuihai thi el dingin iengdinga Aiguptaa inthawka i mi ṭhuoi suok am a na? Bei um lo, tui hlak um bawk lo; hi bei tirdakum khawm hi kan hringna hin a hnâm tah a nih, an ta.

1 KORINTH 10:10

Anni laia ṭhenkhat an chier a, sukbohmangtu sukbohmanga an um ang khan chier naw bawk ei tiu.

DÂN PAHNINA 25:18

Pathien khawm ṭi loin in châu lai le in ngui laia lampuia a lo tuok cheu a, nangni laia hnung tienga a hnufuolhai po po a lo thaw dân kha.

DÂN PAHNINA 32:22

Ka lunginsen a chawk a, Seol mawng chenin a kâng a, Leihnuoi, a rasuok pumin a kâng zo, Tlâng innghatna dâm a kâng a.

DÂN PAHNINA 9:22

“Taberaa dâm, Massaa dâm, Kibroth-hattaavaa dâm khawm LALPA chu in suklungsen a.

HEBRAIHAI 12:29

ei Pathien hi mi kâng bohmang mei a ni sih a.

JAKOB 5:4

Ngai ta u, in loa bu sîka inhlawfahai hlaw, hlêma in pêk naw kha, a khêk a, a sîktuhai lunginzing khêk ri khawm chu Mipuihai Lalpa naah a hung lût tah a.

JUDA 1:16

Chuonghai chu chiertu le sawi- sêltuhai an na, anni châkna ang peiin an um a, an bauhai khawmin uongna thu puomtakin a hril a, hlâwkna dit leiin mi an ngaina hlak a nih.