NAMBAR 10:1 - Pathien Lekhabu Inthieng (BSI)

¹ LALPA chun Mosie a biek a,

NAMBAR 10:1 ပူးပေါင်းရင်းမြစ်များ

INṬANNA 42:13

Anni chun, “Keini i siehlawhai hi unau sâwmpahni, Kanaan rama um, mi pakhat nau kan nih: chun, ngai ta, kan mi tlum tak tuhin kan pa kuomah a um a, pakhat ruok chu a um ta naw a nih,” an tih a.

INṬANNA 46:15

Hienghai po hi Leah naupahai, a naunu Dina leh Paddan-aram rama Jakob a neipêkhai chu an nih: a naupasalhai le a naunuhmeihai po po chu sâwmthum pathum an nih.

2 SAMUEL 6:15

Chuongchun, David le Israel mi po pohai chun khêk dur dur pum le tawtawrâwt mût ruoi ruoi pumin LALPA bâwm chu an lâk tah a.

2 LALHAI 11:14

chun, a hang en a, ngai ta, lal chu dân angin ban hrûla hin a lo ngîr a, sipai hotuhai le tawtawrâwt mûttuhai chu lal kâwlah an ngîr a; chun, chu rama mi po po chu an hlim êm êm a, tawtawrâwt dâm an mût an mût a. Chuongchun, Athalia chun a puonhai a keithlêr a, “Phier rûkna! Phier rûkna a ni tah ie,” tiin a khêk a.

2 CHANCHIN SUINA 23:13

chun, a hei en a, lûtna bula chun lal chu a sûtpui kâwla chun a ngîr a, sipai hotuhai le tawtawrâwt puhai khawm chu lal kâwla chun an um a. Chuongchun, ram sûng mi po po chu an hlim bêk bêk a, tawtawrâwthai an mût a; hla saktuhai khawm chun hla sakna thuomhnawhai chu sutin, chawimawina hla chu an sak tah a. Chun, Athalia chun a puonhai chu a keithlêr a, “Phierrûkna, phierrûkna,” tiin a khêk a.

2 CHANCHIN SUINA 5:12

Levi mi chutaka hla saktuhai khawm chu an rêngin, Asaph hai, Heman hai, Jeduthun hai, an naupasalhai le an unauhai leh puon zai inhmi puona inthuomin, per- khuong leh, ṭingṭang leh dârben- thekhai leh mâichâm tâwp saktieng panga chun an ngîr a; anni lai chun thiempu za le sâwmhni tawtawrâwt mûttuhai an um bawk a):

2 CHANCHIN SUINA 7:6

Thiempuhai chu an sinthaw ang pei chun an ngîr a; an rawngbâwlnaa Davidin ân pâk laia, “A zângaina chu kumkhawtluongin a um zing sih a,” tia, LALPA inpâkna dinga lal Davidin LALPA thil rimawi thuomhnawhai a siemhai le chun Levi mihai chu an ngîr ve a; chun, thiempuhai chun an hmaa chun tawtawrâwt an hang mût a, Israel mihai po po chu an ngîr ta ṭhuop a.

EZRA 3:10

Chun, in bâwltuhai chun LAL- PA biekin lungphûm chu an phûm lai chun thiempuhai chu tawtawrâwt chawiin an thuoma inthuomin an ngîr a, chun, Israel lal David thupêk angin LALPA chu inpâk dingin Asaph naupasal Levi mihai chu dâr- benthekhai leh an ngîr bawk a.

INPÂKNA HLABU 47:5

Pathien chu khêkri leh a hang feh a, LALPA chu tawtawrâwt ri leh a hang fe tah.

INPÂKNA HLABU 81:3

Thla thara chun tawtawrâwt mût unla, Thla lir laia ei ruoiṭhe hun lai leh.

INPÂKNA HLABU 98:6

Tawtawrâwthai le tawtawrâwt bi nei ri leh, Laltak, LALPA hmaa chun hlimtakin khêk ro.

NAMBAR 1:52

Chun, Israel mihai chun mâni hmun sengah, a pâwl pâwlin an tam dân izir peiin an puon inhai chu zar an tih.

NAMBAR 10:2

“Tangkaruo tawtawrâwt pa- hni siem la, a suta sutin siem rawh; mipuihai ko khâwmna ding le insuoktirna dingin i hmang ding a nih.

NAMBAR 29:1

“Thla sarina, a ni khat ni chun inkhâwmpui inthieng nei in ta; ieng sin khawm in thaw ding a ni nawh; in ta dinga tawtawrâwt mût ni a ni ding a nih;

NAMBAR 7:2

Israel ṭhuoituhai, an pahnam ṭhuoituhai chun thilinhlân an inhlân a, chuonghai chu an hnam ṭhuoi- tuhai, an tiemhai chunga kha um an nih.

NAMBAR 9:23

LALPA thupêkin umhmun an khuor hlak a, LALPA thupêkin an fe hlak; Mosie hmanga LALPA thupêkin LALPA thu chu an zâwm a.

MATTHAI 24:31

Chun, a vântirkohai chu taw- tawrâwt ri nasatak leh tir suok a tih. Anni chun a ithlanghai chu kâwl kil lia inthawkin, vân tâwpa inthawka a tâwp khing tieng chenin lâwr khâwm an tih.

JOSUA 6:4

Chun, thiempu pasariin bâwm hma tieng berâmchal ki tawtawrâwt pasari chawi an ta; chun, a ni sari ni chun khawpui chu vawi sari vêl suok in ta, chun, thiempuhai chun taw- tawrâwthai chu mût an tih.

THUPUONGSUO 8:2

Chun, vântirko pasari Pathien hmaa ngîr hlakhai chu ka hmuh a; an kuomah tawtawrâwt pasari an pêk a.

RORELTUHAI 7:20

Chun, a pâwl thum chun taw- tawrâwt chu an mût a, bêlhai chu an sukhâwp a, an vawitieng chun meiser an chawi a, an changtiengin tawtaw- râwt mût ding chu an chawi a; chun, “LALPA le Gideon kâwlhnâm,” tiin an khêk ta dur dur a.