NAMBAR 1:3 - Pathien Lekhabu Inthieng (BSI)

³ Kum sâwmhni chin chungtieng Israelhai laia mi râl kâpa fe thei chin chu Aron le nangin a pâwl pâwlin in tiem vawng ding a nih.

NAMBAR 1:3 ပူးပေါင်းရင်းမြစ်များ

2 SAMUEL 24:9

Chun, Joab chun mihriem zât chin chu lal a pêk a; chun, Israel rama chun kâwlhnâm chawi mi, mi huoisen nuoi riet an um a; chun, Juda mi chu nuoi nga an um a.

1 CHANCHIN SUINA 5:18

Reuben thlahai le Gad mihai le Manasse hnam zâtve, mi huoisen phaw le thal chawi thei, thalngula kâp theia indonaa fe thei ṭhieu le indo thiem mi chu sîng li sâng li za sari le sâwmruk an nih.

2 CHANCHIN SUINA 25:5

Chunawa khawm Amazia chun Juda mihai chu a ko khâwm a, Juda le Benjamin chia mi po pohai chu za pâwl hotu hnuoia dâm, sâng pâwl hotu hnuoia dâm an pahnam ang peiin an inumtir a; kum sâwmhni le a chungtienga mi po chu a tiem a, phâw le fei hmang thei, indo dinga fe suok thei ṭhieu le thlangsuok ṭhieu mi nuoi thum an um a.

FESUOKNA 12:17

Chawl ṭhanglo bei ruoiṭhe chu inser in ta, chu ni le le chun in mihai chu Aigupta rama inthawkin ka ṭhuoi suok a ni sih a; chuleiin, kumkhaw dâna neiin, hi ni hi in thlahai chenin inser in tih.

FESUOKNA 30:14

Mi tin intiemnaa ṭhang phâk, kum sâwmhniha upa le a chung- tienghai chun LALPA thilinhlân a pêk ding a nih.

FESUOKNA 38:26

Chu chu Intiemnaa tiemna laia ṭhang phâk, pasal kum sâwmhni le a chungtieng mi nuoi ruk sâng thum za nga sâwmnga, mi lukipa beka khat (chu chu Hmun Inthieng tangka bûk dân anga shekel chenve) pei ang a nih.

NAMBAR 14:29

nangni laia mi tiem ta sa po po, kum sâwmhni chen chungtieng mi ka chunga chierhai po po chu,

NAMBAR 26:2

“Israel thlahai pungkhâwm po pohai chu, kum sâwmhni chen chung- tieng, a chi chiin, Israel rama râl kâp thei chin chu tiem vawng ro,” tiin.

NAMBAR 3:15

“Levi thlahai chu an pahnam hnamin, an sûngkuo kuoin tiem la, pasal taphawt chu thla khat chin chungtieng chu i tiem ding a nih,” tiin.

NAMBAR 32:11

‘Aigupta rama inthawka hung suok, kum sâwmhni chin chungtieng mi hrim hrim chu Abraham hai, Isak hai, Jakob hai kuoma inkhâma pêk ka tiem ram hrim hrim chu tukhawma hmu naw ni hai; an mi zui tak tak naw leiin;

NAMBAR 33:1

Mosie le Aron keihruoia Aigupta rama inthawka a pâwl pâwla an suok a, an fe pei dân chu hieng ang hin a nih.

NAMBAR 4:3

kum sâwmnga chenin rawng- bâwlna sin intuokna puon ina sin- thaw ding po po zât chu tiem vawng ro.

DÂN PAHNINA 24:5

“Chun, nuhmei nei hlim chu sipaiah a fe ding a ni nawh a, ieng sin thaw ding khawma phût ding a ni nawh; a in tieng kum khat sûng chu a nuom ang angin um a ta, a nuhmei le chun hlimtakin an um ding a nih.

DÂN PAHNINA 3:18

“Chun, chuong lai chun ‘LALPA in Pathienin in chanpuol dingin hi ram hi a pêk cheu a nih, Israel thla, in unauhai hmaah in mi huoisenhai po po chu inrâlthuomin hang fe ve raw se.