NAHUM 3:1 - Pathien Lekhabu Inthieng (BSI)

¹ Thisen insuo hmang khawpui chu a chung a rik ie! Khêl le inrawk- nain a sip vawng a; an sase chu a chatlak nawh.

NAHUM 3:1 ပူးပေါင်းရင်းမြစ်များ

INPÂKNA HLABU 62:10

Nêksâwrna hi ring naw unla, Inrûkhmang hi sawngah nei bawk naw unla, Hausakna hung pung sien khawm, a chunga chun in lungril innghat bawk naw ro.

ISAI 17:14

Zântieng chun ngai ta, thil râp- thlâktak a um a nih; chun, khaw var hmain an um ta nawh. Chu chu râl- lâka mi lâkpêktuhai chan a na, a mîn rûkpêktuhai puol chu a ni bawk a.

ISAI 24:9

Hla sak pumin uoin dâwn naw ni hai, zu chu a dâwntuhai ta dingin khatak nîng a tih.

ISAI 42:24

Tuin am Jakobhai râllâka la dinga peh a, Israelhai inruhai kuoma pe chu? LALPA a chunga thil ei suksuolna chun a pêk a ni naw am a nih? a lampuiahai an fe nuom si nawh a, an dân thu hlak an awi si nawh.

HOSEA 4:2

Inkhâm dâm, inhlêm dâm, inthat dâm, inrûk dâm. Uiret chîng dâm a pung a, tuolthatna hlak chu ân phaman a.

NAHUM 2:12

Sakeibakneichal chun a têhai khawp tâwk a keinâwi a, sakeibak- neipuihai ta dingin a se hlum a, a pûkhai chu a sasein a suksip a, a bu zâwlhai chu saruong kei nâwiin.

NAHUM 2:13

Sipaihai LALPA chun, “Ngai ta, ka do che a nih, i tawlailîrhai chu raw khu hlut hlut ka ta, i sakeibaknei têhai chu kâwlhnâmin bohmang an tih; chun, hnuoia i sase hi suktâwp ka ta, i palaihai râwl chu hriet ni ta naw ni,” a ta.

HABAKKUK 2:12

Khuo chu thisena indin a, Khawpui chu khawhlonaa inngîrtu chung chu a rik ie!