NAHUM 2:2 - Pathien Lekhabu Inthieng (BSI)

² Israelhai ropuina angin Jakob- hai ropuina chu LALPA chun ân ngîr nâwk sih a; sukruoktuhaiin anni chu an sukruok zo tah a, an grêp kauhai an suksiet zo ta sih a.

NAHUM 2:2 ပူးပေါင်းရင်းမြစ်များ

INPÂKNA HLABU 47:4

Ama chun ei rohluo ding chu mi thlangpêk a ta, A hmangai Jakob sawngtak ram chu.

ISAI 60:15

Tu khawm isir ngai lo khawpa râusan le theidaa i um aiah kumkhaw suong tak, suon tamtak lâwmnaah siem ka ti che.

JEREMIA 25:29

Ngai ta, ka hming chawia khaw- pui inbûka uma chun thil ṭha naw ka thaw ṭan ta sih a, hrem dêr loin in um ding maw? Hrem lo ni naw ti niu; hnuoi hluotuhai po po chunga chun kâwlhnâm kân lêngtir ding a ni sih a, sipaihai LALPA chun a tih.

JEREMIA 48:11

Moab chu a naupang laia in- thawk tah nuomsain a um a, a mawng inkhâwnah a um a, bêl khata inthawka bêl danga inruokin a um nawh a, sala khawm ân tâng bawk nawh a, chuleiin, a rim chu amaa chun a um zing a, a riminhnikna chu a danglam nawh.

JEREMIA 49:9

Grêp ra lotuhai chu i kuomah hung hai sienla, grêp hmu ṭhel ṭhenkhat an mâksan naw ding maw? Zânah inru hung sienla, an dittâwk an nei hmakhat chu an suksiet naw ding maw?

EZEKIEL 37:21

Chun, an kuoma chun, ‘Lalpa PATHIEN chun hieng hin a tih: Ngai ta u, hnamhai an lo fe hmang ta nahai laia inthawkin Israel thlahai chu lâng ka ta, kil tina inthawkin ṭhuoi khâwm ka ta, anni ram ngeia chun hung ṭhuoi ka ta;

EZEKIEL 37:23

Anni chu an milimhai chun insukpawrche ta ngai naw ni hai a, an thil pawrchehai hrim hrim khawm chun, an bawsietnahai chun insuk- pawrche ta bawk naw ni hai; an umna hmun po po, an hnungtawlna, an lo suol tâkna hmunhaia chun anni chu sandam ka ta, sukthieng bawk ka tih; chuongchun, ka mihai nîng an ta, kei khawm an Pathien nîng ka tih.

HOSEA 10:1

Israel chu grêp hrui inbuktak, ra hautak a nih; A ra tam hu ang peiin a mâichâm a sukpung a, A ram ṭhatzie ang peiin lung inser phun ṭhatak tak a siem a,

NAHUM 2:10

Sukruokin a um a, a ruok dêr a, a rêm dêr a nih, lungril chu ân tui- hmang a, khûphai chu ân vuoktuoh a, kâwng po po chu a na ngawi ngawi a, an rênga hmêl chu a dâng zo vawng a nih.

NAHUM 3:14

Inhuol vêla i um sûnga dingin tui chawi la, i kulhai sukdet rawh; pilpawk umnaa chun fe la, lung chârna chu chîl la, ṭêklei râwna thuk chu sukdet rawh.

ZEPHANIA 3:11

Chu nia chun i thil thawhai po po, ka chunga i bawsietnahai lei chun inzak ta naw ti nih a; nanga sûnga inthawkin nasataka nang chapopui- tuhai che chu ka lâk suok ding a ni ta sih a; chuongchun, ka tlâng inthienga chun chapo ta ngai hrim hrim naw ti nih.