NAHUM 1:5 - Pathien Lekhabu Inthieng (BSI)

⁵ Tlâng lienhai chu ama leiin an inhnîng a, tlâng chînhai chu an intuihmang a; a hmaa chun hnuoi hi ân thin a, anih, khawvêl le a sûnga um po pohai le chun.

NAHUM 1:5 ပူးပေါင်းရင်းမြစ်များ

2 SAMUEL 22:8

Chu phingle chun hnuoi hi ân hning a, ân thin tah a, A lunginsen leiin vân innghatna chenin ân hnîngin ân thin tah a.

JOB LEKHABU (THE BOOK OF JOB) 26:11

Vân banhai chu an inthinin, A kâwknaa chun mak an tih a.

JOB LEKHABU (THE BOOK OF JOB) 9:5

Ama chun tlânghai chu a sawn a, an hriet si nawh a, An lunginsena anni a thâilet lai chun;

INPÂKNA HLABU 104:32

Ama chun hnuoi hi a en a, ân thin hlak a, Tlânghai chu a them a, a khu suok hlak.

INPÂKNA HLABU 114:4

Tlâng lienhai chu berâmchalhai angin an inhnel a, Tlâng chînhai chu berâm chaltuoihai angin.

INPÂKNA HLABU 114:6

Nangni tlâng lienhai, ieng am in tih a, berâmchalhai anga in inhnel a na? Nangni tlâng chînhai, ieng am in tih a, berâm chaltuoihai anga in inhnel a na?

INPÂKNA HLABU 18:7

Chu phingle chun hnuoi hi ân hnîng a, ân thin tah a, A lunginsen leiin tlânghai khawm chu, Ân nghatna pumin ân thinin ân hnîng tah a.

INPÂKNA HLABU 18:8

A hnâra inthawk chu meikhu ân tung ta ngut ngut a, A baua suok mei chun a kâng ta dur dur a; Chu chun meihawl khawm chu a sukchawk ta hum hum a.

INPÂKNA HLABU 46:6

Hnam tin an inri hum hum a, ramhai chu ân hnîng a, Ama chun a râwl ân suoh a, leihnuoi hi ân tui zo tah a.

INPÂKNA HLABU 68:8

Hnuoi hi ân hnîng dur dur a, Vânhai khawm khi Pathien hmaa chun a far a, Sinai tlâng meu khawm saw Pathien hmaah, Israelhai Pathien hmaa chun ân hnîng dur dur kha.

INPÂKNA HLABU 98:7

Tuisuoriet le a sûnga um po po hi inri hum hum raw se, Khawvêl le a sûnga chênghai le hin.

FESUOKNA 19:18

LALPA chu meichawka a hung ṭum leiin, Sinai tlâng po po chu a khu ta vawng el a; chu khu chu rawtuina meikhu angin ân tung ta lui el a: tlâng chu nasatakin ân hnîng bawk a.

ISAI 24:1

Ngai ta, LALPA chun hnuoi hi sukruokin, a sukram ding a na, a letkhupin, a umhai chu a sukdar ding a nih.

ISAI 24:20

Hnuoi hi zu inrui ang elin pêm thlawk thlawk a ta, bûktê insâwi angin insâwi dar dar a tih; a baw- sietna chu a chungah riktakin um a ta, chuongchun, tlûng a ta, tho nâwk ta naw nih.

ISAI 5:25

Chuleiin, LALPA lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong nawh a; a kut chu a lân let ta rawp a.

JEREMIA 10:10

Amiruokchu, LALPA chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

JEREMIA 4:24

Tlânghai chu ka en leh, ngai ta, an inthin a, muolhai po po khawm chu hnungtieng hmatieng an in- sâwi a.

EZEKIEL 38:20

chuongchun, tuisuorieta ngahai dâm, chunglêng vatehai dâm, rama ramsahai dâm, hnuoi chunga bawk- vâka invâk thilhringhai po po dâm, hnuoi phêk chunga mihriem umhai po po dâm, ka hmaihmaa chun inthin an ta, tlânghai chu pei thlûkin um an ta, hmun inṭênhai chu tlathlâng an ta, kulbang tinhai chu hnuoiah tlâng an tih.

JOEL 2:10

An hmaa chun hnuoi khawm ân thin a; vânhai ân hnîng a; nisa le thla chu an inthim a, arasihai chun an var an thup a:

AMOS 9:5

Ram chu tâwk a, suktuiraltu chu Lalpa, sipaihai PATHIEN chu a ni sih a; chun, chutaka um po pohai chu lungngai an tih; chun, Vadung angin hung lien a ta, Aigupta Vadung angin kang nâwk a tih;

MIKA 1:4

Mei bula khuoihlu ang le hmun inṭêna tui inkhaw thla ang elin, tlânghai chu a hnuoia chun intui an ta, vadung ruomhai chu kakintan an tih.

HABAKKUK 3:10

Tlânghai chun an hmu cheh a,an ṭih a; Tui insawkhai khawm chu an fe hmang tah a; Li inthûk chun a râwl ânsuoh a, A kuthai chu chungtieng a phar a.

ZEKARIA 4:7

Aw tlâng lien, tu am i na? Zerubbabel hmaa chun phaizâwl hung ni el i tih, chun, ama chun a chungah, “Zângaina, zângaina,” ti khêkrihai leh lung chunghnungtak chu hung la suok a tih.

MALAKI 4:1

Sipaihai LALPA chun a tih, “Ngai ta u, ni chu a hung tlung a, rawtuina thuk angin a chawk sih a; chapotaka thawtuhai po po le, khaw- hlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr loin.

MATTHAI 27:51

Chun, ngai ta, Pathien biekina puonzâr chu a chung tienga in- thawkin a hnuoi tieng chenin, a lo tlêr suok tah a; chun, simkhawleihnuoi dâm ân hnîng a, lungpuihai an hung kawi a;

MATTHAI 28:2

Chun, ngai ta, simkhawleihnuoi nasatakin a hung inhnîng a, Lalpa vântirko vâna inthawkin a hung ṭum a, lung chu a hung inhlum a, a chungah a ṭhung tah a.

THUPUONGSUO 20:11

Chun, lalṭhungpha lientak vâr- tak le a chunga ṭhung chu ka hmuh a, a hmaa inthawk chun hnuoi le vân an tlân hmang a, an ta dingin hmun hrim a um ta nawh a.

THUPUONGSUO 6:14

Vân chu lekhabu zuolmi zuola ân hmang angin, ân hmang tah a; tlâng le thlierkâr tinrêng chu an umnaa inthawkin sawnin an um tah a.

RORELTUHAI 5:5

Tlânghai chu LALPA hmaah an hung chim a, Sinai tlâng chen khawm saw– LALPA Israelhai Pathien hmaa chun.