NAHUM 1:14 - Pathien Lekhabu Inthieng (BSI)

¹⁴ LALPA chun i chungchâng thuah thu a pêk a, i hming chu chi anga thê ni ta naw nih; i pathien ina inthawka milim siemfâwm le milim sunghai chu sukbohmang ka tih; i thlân chu siem ka tih, i suol sih a,” tiin.

NAHUM 1:14 ပူးပေါင်းရင်းမြစ်များ

2 LALHAI 19:37

Chun, a pathien Nisrok ina chun ama a biek laiin hieng ang hi a hung na, Adrammelek le Sarezer hai chun ama chu kâwlhnâmin an sukhlum tah a; chuongchun, Ararat rama chun an tlân lût tah a. Chun, a naupa Esar-haddon chu ama aiawin ân lal tah a.

2 CHANCHIN SUINA 32:21

Chun, LALPA chun vântirko a hung tir a, ama chun Assuria lal riebûka mi hrât khawkhênghai po po le ṭhuoituhai le hotuhai po po chu a sukhlum a. Chuongchun, hmai thûm- takin a ramah a kîr nâwk tah a. Chun, ama chu a pathien ina a hung lût laiin ama rîla rasuokhai ngei chun chutaka chun kâwlhnâmin an that tah a.

JOB LEKHABU (THE BOOK OF JOB) 18:17

Ama hriet zingna chu hnuoi chunga inthawkin bohmang a ta, Kawtthlêra khawm chun hming hrim nei naw ni.

INPÂKNA HLABU 109:13

A thlahai chu sukbohmangin um sienla, Ruolthar hung um nâwka chun an hming chu thai hmangin um raw se.

INPÂKNA HLABU 71:3

Keia ta dingin umna lungpui, ka fe thei rawpna ding, hung ni la, Nangin kei mi sandam dingin thu i pêk a, Ka lungpui le ka kulpui i ni sih a.

FESUOKNA 12:12

Chu zân chun Aigupta ram fe thleng ka ta, ran le mihriem khawm, Aigupta rama nau lutîr po po chu ka sukhlum ding a ni sih a; chun, Aigupta mihai pathienhai chunga khawm rorêlnahai intlungtir bawk ka tih, LALPA chu ka ni hi!

THUVARHAI 10:7

Mi indik hriet zingna chu malsâwmin a um a, Mi khawhlo hming ruok chu thâm hmang a tih.

ISAI 19:1

Aigupta ram phurrik chu, Ngai ta, LALPA chu sûm hrâttak chunga chuongin Aigupta ram a hung tlung tah ie! Aigupta ram milimhai chu a hmaa chun inthin dar dar an ta, Aigupta mihai lungril chu an sûnga chun intuihmang el a tih.

ISAI 33:13

Hlataka umhai, ka thilthaw hi nain lo hre ro; hnaitaka umhai, ka thilthawtheizie hi hre ro.

JEREMIA 50:2

“Hnamhai laia chun hril la, phuong rawh, chun, puonzâr chu khai la, phuong la, thup naw rawh, ‘Babulon chu lâkin a um a, Bêl chu sukzak a na, Merodak chu a bei- dawng a, a milimhai po po chu sukzakin an um a, a milimhai chu an beidawng zo tah,’ ti rawh.

DANIEL 11:21

Chun, ama hmuna chun mi hmusitumtak hung ngîrsuok a ta, ama kuoma chun ram ropuina chu pêk ni naw ni; nisienlakhawm, muongna hun laitak hung a ta, simbudawiin ram chu lâng a tih.

DANIEL 5:27

TEKEL chu ‘Bûknahaia chun bûkin i um a, tling loa hmu i nih,’ tina a nih.

LEVI DÂN 26:30

In bâwlhmunhai sukchim ka ta, in milimhai sukthlûng ka ta, in ruonghai chu in milimhai chungah pei ka ta; chun, ka hringna khawmin a theida ding cheu a nih.

MIKA 5:13

i kuoma inthawkin i milim siemfâwmhai le i lungphunhai chu sukbohmang ka ta; i kutsuok thil chu be ta naw ti ni.

MIKA 5:14

I kuoma inthawk i Aserahai chu phawidawk ka ta, i khawpuihai chu suksieng ka tih.

HABAKKUK 2:10

Mi tamtak chu sât thlain, I insûng ta ding chun inzakna în tlun tah a; I hringna chung ngeia khawm thil i suksuol tah a nih.

1 SAMUEL 3:13

A nauhaiin Pathien an hrilsiet- na suol chu hre zing pumin a khap naw leiin a sûngkuo chu kumkhuoa dingin ka ngaituo ding a nih ti ka hril ta sih a.