MIKA 7:9 - Pathien Lekhabu Inthieng (BSI)

⁹ LALPA chunga chun thil ka suksuol ta leiin, a lungninawna nasa- tak chu phur ka tih, ka chungthu a mi hrilpui a, ka ta dinga rorêlna chu a muolsuo hmakhat chun: vara chun mi ṭhuoi suok a ta, a felna chu hmûng ka tih.

MIKA 7:9 ပူးပေါင်းရင်းမြစ်များ

2 SAMUEL 24:17

Chun, Davidin mi sukhlumtu vântirko a hmu chun LALPA a biek a, “Ngai ta, ka lo suol tah a, indik nawtakin thil ka lo thaw tah a nih; nisienlakhawm, hieng berâmhai hin ieng thil am an thawh a? I kut chun keima le ka pa sûnghai mi tâwk lem raw se aw,” a ta.

JOB LEKHABU (THE BOOK OF JOB) 23:10

Amiruokchu, ama chun lampui ka hraw chu a hriet a, Amain a mi fie pha chun, rângkachak angin hung suok ka tih.

JOB LEKHABU (THE BOOK OF JOB) 35:14

Nangin ama chu ka hmu nawh i ti lem hin chu a ni naw âwm nasa de! Rorêlna chu ama hmaa um a ni sih a, ama chu ring el rawh.

INPÂKNA HLABU 119:154

Ka thu mi hrilpuiin mîn tlan la, I thu ang peiin mi sukhar rawh.

INPÂKNA HLABU 37:6

I felzie chu var angin insuoktir a ta, I thiemchangzie khawm chu sûnlai ang elin.

INPÂKNA HLABU 43:1

Aw Pathien ro mi rêlpêk la, Pathien ngaisak naw hnam chunga hin ka thu mi hrilpêk rawh; Aw, mi hlêmhmang mi indik nawa inthawk hin mi sanhim rawh.

INPÂKNA HLABU 7:6

Aw LALPA, lunginsenin tho la, A mi dotuhai lunginsenna doin inthawk la, Ka ta dingin insukhar la, rorêl- na ding thu i pêk ta sih a.

INPÂKNA HLABU 94:15

Rorêlna chu felna tieng kîr nawk a ta, Lungril indiktak put po po chun chu chu zui an tih.

ISAI 42:16

Mitdelhai chu an hriet ngai naw lampuiah ṭhuoi ka ta, an hriet ngai naw lampuiahai chun ṭhuoi ka tih; an hmaa chun inthim chu varah siem ka ta; lampui kâwi laihai chu suktlûn bawk ka tih. Chuong thil chu thâwng ka ta, anni khawm thlathlam naw ningah.

ISAI 42:7

mitdelhai mit sukvar ding le, mi intânghai intângna ina inthawka ṭhuoi suok ding le, inthim laia ṭhung- hai intângna ina inthawka ṭhuoi suok dingin.

ISAI 46:13

chuongchun, ka ropuina Israel- hai ta dingin sandamna chu Ziona chun sieng ka tih.

ISAI 51:22

i LALPA Jehova, i Pathien, a mihai thu hrilpui hlaktu chun hieng ang hin a tih; “Ngai ta, pêm pêm- na no, ka lunginsenna no berbu ngei chu, i kuta inthawkin ka lâk suok tah; dâwn nâwk ta naw ti ni;

ISAI 56:1

LALPA chun hieng ang hin a tih, “Rorêl zâwm unla, feltakin thaw ro, ka sandamna chu a hung tlung vâng vângin, ka felna chu a hung inlang ṭêp ta sih a.

JEREMIA 10:19

Ka natna lei chun ka chung a va rik de! ka hliemna chu a nasa hle a; nisienlakhawm, “Indiktakin hi hi ka natna chu a na, ka tuor ding hrim a nih,” ka tih a.

JEREMIA 14:7

Kan suolnahai chun keini a mi hêk khawma, Aw LALPA, i hming leiin nangin sin thaw la, kan hnung- tawlnahai chu a tam hle ta sih a; i chunga chun thil kan lo suksuol ta a nih.

JEREMIA 51:10

LALPA chun ei felnahai chu a hung lâk suok a; hung unla, Ziona chun va hril dar ei tiu, ei Pathien LALPA sinthawhai hi.

ṬAP HLA 1:18

LALPA chu a fel a nih; a thupêk dodâlin ka hel sih a; Ngai ta u, ka ngên cheu, nangni hnam po pohai, ka lungngaina hi en ta u, Ka nunghâkhai le ka tlangvâl- hai chu salah an fe tah a.

LEVI DÂN 26:41

kei khawm anni kalzâwnga ka um a, an hmêlmahai rama ka înumtir chu: an lungril tan lo chu an insuk- hnuoi a, an rîtlonaa inthawka an insiem ṭha chun;

MALAKI 3:18

Chun, hung kîr tâng in ta, Pathien rawng bâwl mi le a bâwl naw mi, thil khawhlo le thil fel chu thlier tâng in tih,” a ta.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

2 TIMOTHE 4:8

Tuhin chu felna lallukhum chu ka ta dingin siein a um tah a, chu chu Lalpa, ngaituotu feltak chun chu nia chun mi pêng a tih; ka kuoma chau ni loin, a hung inlang nâwkna ngaituhai po kuoma khawm.

THUPUONGSUO 18:20

“Aw vân le nangni mi in- thienghai, tirkohai dâm, zâwlneihai dâm, lâwm ro, ama chun in chunga ro a rêlna chun Pathienin a chungah ro a rêl ve ta hi,” tiin.

1 SAMUEL 24:15

Chuleiin, LALPA chu rorêltu ni sienla, nang le keia chungthu hi sukthlu sienla, mi ngaituopêkin mi hrilpui sien la, i kuta inthawk hin mi sansuok raw se,” a ta.

1 SAMUEL 25:39

Chun, Davidin Nabal chu a thi ti a hang hriet chun, “Ka hming sietna dingin Nabal thilthawa mi hrilpuia, a siehlaw chu thil ṭha naw chu thaw lo dinga mi khaptu LALPA chu inpâkin um raw se; Nabal thil ṭha naw thaw chu LALPAIN ama chung ngeiah ân tlâktir tah a nih,” a ta. Chun, David chun Abigail chu nu- hmei dinga va be dingin mi a tir a.

1 SAMUEL 26:10

Chun, David ma chun, “LALPA hringna sâlin ka hril a nih, LALPA chun a chungah kut thlâk naw nîm, an naw vêk leh a thi ni la hung tlung el a tih; a ni naw vêk leh indonaah fêng a ta, bohmang el a tih.

1 SAMUEL 3:18

Chun, Samuel chu a hung a, iengkim el chu a hril fai vawng a, a kuoma chun iengkhawm ip a nei nawh a. Chun, ama chun, “LALPA a nih annâwm, ṭha a ti ang peiin thaw raw se,” a ta.