MIKA 7:8 - Pathien Lekhabu Inthieng (BSI)

⁸ Aw ka hmêlma, mi diriem el naw rawh, ka tlûk pha khawm tho nâwk ka tih; inthima ka ṭhung khawmin LALPA chu ka ta dinga var nîng a tih.

MIKA 7:8 ပူးပေါင်းရင်းမြစ်များ

JOB LEKHABU (THE BOOK OF JOB) 31:29

“Keia mi theidatu sietnaa chun ka hlim a, Annawleh, ama chu thil ṭha nawin a hmu suok phaa kân sie chung chun;

INPÂKNA HLABU 112:4

Mi indik ta ding chun inthima chun var a hung suok a, Ama chu mi lunginsiet theitak, lainatnaa sip, feltak a nih.

INPÂKNA HLABU 143:3

Dotu chun ka hringna a suknawmna sih a, Ka hringna hi hnuoiah a vuok thlûk a; Thi ta daihai angin hmun inthimtakahai a mîn umtir a.

INPÂKNA HLABU 20:8

Anni chu an kûn a, an tlu tah a, Keini ruok chu kan tho a, kan ngîr tlûn ta lem a,

INPÂKNA HLABU 27:1

LALPA chu ka var le ka sandamna a nih, tu am ṭîng ka ta? LALPA chu ka hringna kulbîng a nih; tu am ṭîng ka ta?

INPÂKNA HLABU 35:19

Ka hmêlmahai chun indiknaw- takin mi diriem naw raw hai se, Ieng ni loa a mi theidatuhai chu an mitin inbe naw bawk raw hai se.

INPÂKNA HLABU 37:21

Mi rilo chun a pûk a, a pêk nâwk ngai nawh a, Mi fel ruok chun mi a lunginsiet a, a pêk lem hlak.

INPÂKNA HLABU 37:24

Tlu sienla khawm tlu letdêr chun um naw nih a, LALPAIN a kutin a chel zing sih a.

INPÂKNA HLABU 38:16

“Chuong naw chun mi diriem an ta, Ka ke ân tlêu phingleh ka chungah insuklien rawi an tih,” ka ti a nih.

INPÂKNA HLABU 84:11

LALPA Pathien chu nisa le phaw a ni sih a, LALPA chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

INPÂKNA HLABU 97:11

Mi fel ta ding chun var hi thêpêk a ni hlak, Lungril indiktak puttu ta ding chun lâwmna thêpêk a ni bawk hlak.

ISAI 2:5

Aw Jakob sûnghai, hung unla, LALPA vara hin lêng ei tiu khai.

ISAI 49:9

mi intânghai kuomah, ‘Suok ro,’ inthima umhai kuomah, ‘Hung in- lang ro,’ titu dingin. Lampuiahai chun fa pei an ta, tlâng insâng kawl vel vulahai po chun an tlatna hmun chu um a tih.

ISAI 50:10

Nangni laia LALPA chu ṭih a, a siehlaw thuawi chu, tu am a na? Inthima lênga var hrim hrim nei naw chun LALPA hming chu ring sienla, a PATHIEN chungah innghat raw se.

ISAI 9:2

Mi inthim hnuoia fehai chun var nasatak an hmu tah a; thina hlim rama umhai chunga ngei chun var a hung var tah a.

JEREMIA 48:27

Nanga ta ding chun Israel chu hrilinsîm a ni naw am a nih? Inruhai lai hmu a ni am a nih? Ama thu chu i hril poleh, lu i lei el sih a.

JEREMIA 50:11

Aw nangni ka rochan hung rûntuhai, in hlima in lâwm lei le, sazukpui bu chilse a, sakawr hrâttak inhrâm anga in tha a fân leiin; in nu chu nasatakin inzak a tih;

JEREMIA 8:4

Chu naw khawm chu an kuomah hi hi hril i tih: LALPA chun hieng hin a tih: Mihai chu tlûng an ta, an tho nâwk ta naw ding maw? Mi chu fe hmang a ta, a hung kîr nâwk ta naw ding maw?

EZEKIEL 25:6

Lalpa PATHIEN chun hieng hin a ti sih a; Israel ram chunga hin i lungrila hmusitna po po leh i lo lâwm tah a, i kehai i lo tet a, i kuthai i lo ben tâk leiin;

EZEKIEL 35:15

Râusan a ni leia Israel sûngkuo rochan chunga chun i lo hlim ta ang khan, i chungah chuong ang tak chun ka thaw ding a nih; Aw Seir tlâng, Edom tlâng po po, a rêng elin, râusan nîng in tih; chun, LALPA chu ka nih ti mi hre tâng an tih.

EZEKIEL 36:5

Lalpa PATHIEN chun hieng hin a tih: Matheiloin, hnam la um sunhai chunga le, Edom po po chungah ka thîkna meiin thu hril ngei ka ta; anni chun an lungril inhawi ti zâwng ang po poa nei dingin lungrila hmusitna le, fâk zoa um dinga pei suok el dingin ka ram chu an lo ruot tah a.

AMOS 9:11

“Chu nia chun David bâwktê chim chu inngîr ka ta, a âwnghai chu phâwk ka ta, a sietnahai chu rem nâwk ka ta; tienlaia a um ang khan bâwl ka tih,

OBADIA 1:12

Nisienlakhawm, i unaupa a siet laia a sietna ni chu thlîr naw la, Juda nauhai chungah an bohmang niin lâwm naw la; an rinum nia khawm chapotakin ṭawng naw rawh.

MIKA 4:10

Aw Zion naunu, nuhmei nau invawi nau nei ding angin na tuor la, invawi rawh; tuhin khawpuia in- thawk fe suok i ta, ramah chêng i tih. Babulon chen khawmin i fe ding a ni sih a: chutaka chun sansuokin um i ta, chutaka chun i hmêlmahai kuta inthawkin LALPA chun sansuok a ti che.

MIKA 7:10

Chuongchun, ka hmêlma ka kuoma, “Khâwlai am LALPA i Pathien?” titu chun hmûng a ta, muolphonain ama chu inkhum a tih. Ka mithai hin ama chu en a ta; tuhin chu kawthlêr chirhak anga sirde ni tâng a tih.

ZEKARIA 12:8

Chu ni chun LALPA chun Jerusalem hluotuhai chu hliekhûng a ta, chu nia anni laia hrât naw chu David ang nîng a ta; chun, David sûngkuo chu Pathien ang, an hmaa LALPA vântirko ang chu nîng a tih.

MALAKI 4:2

Amiruokchu, nangni ka hming ṭituhai chunga ruok chun felna nisa, a thlahaia sukdamna leh hung suok a ta; chuongchun, fe suok in ta, ran ina bâwngtêhai inhnel angin inhnel tâng in tih.

MATTHAI 4:16

Inthim hnuoia ṭhunghai chun var nasatak an hmuh a, Thina hmun le a hlima ṭhunghai chunga chun, Var a hung suok tah a,” tia a hril kha a hung tlung theina dingin.

JOHAN 16:20

Titakzetin, titakzetin ka hril cheu hi, nangni in mitthli tlâng a ta, ṭap rak bawk in ta, khawvêl ruok chu lâwm an tih, nangni lungngai in ta, nisienlakhawm, in lungngai chu lâwmin inchang a tih.

JOHAN 8:12

Chun, Isûn an kuomah thu a hril nâwk a, “Kei khawvêl êntu ka nih, tûkhawm a mi zui chu inthimah lêng tawp naw ni; hringna var nei lem a tih,” a ta.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta sih a.

2 KORINTH 4:9

Suknawmnatin kan um a, nisien- lakhawm, mâksanin kan um si nawh; vuok thlûkin kan um a; nisienla- khawm, sukbohmangin kan um si nawh.

THUPUONGSUO 21:23

Chu khuo chun a ên dingin nisa a ngai nawh a, thla khawm a ngai bawk nawh; Pathien ropuina chun a ên a, an khâwnvar chu Berâmte a ni sih a.

THUPUONGSUO 22:5

Chun, zân um nâwk ta naw nih a; khâwnvar le nisa var ngai naw ni hai a; Lalpa Pathien chun anni a ên ding a ni sih a; chuongchun, chatuonin ro rêl an tih.