MIKA 7:2 - Pathien Lekhabu Inthieng (BSI)

² Pathien ngaisak mi chu hnuoia inthawk hin an bohmang a, mihriem lai hin mi indiktak hrim an um nawh; thisen insuo dingin an inchân vawng a, mi tinin mâni unau chu lênin an ve a nih.

MIKA 7:2 ပူးပေါင်းရင်းမြစ်များ

INPÂKNA HLABU 10:9

Sakeibakneiin a pûka ân chân- rûk angin, ama chun fienriel- ah ân chânrûk zing hlak a; Mi rimsi man dingin an chân hlak a, Mi rimsi chu a man ngei a; chuongchun, a lênin a keihmang hlak.

INPÂKNA HLABU 12:1

LALPA, mi ṭhangpui rawh, Pathien ngaisak mi an um ta si nawh a, Mihriem nauhai laia hin mi ringum chu an bo ta sih a.

INPÂKNA HLABU 12:2

Mi tin chun an vênghai kuomah thu teplo mei mei an hril hlak sih a; Mi inpâk tehlêmna hmûr le, hlêmna lungril putin thu an hril hlak a;

INPÂKNA HLABU 57:6

Ka ke âwkna dingin lên an phah a, Ka hringna hi a tlep ngawi ngawi a, Ka hmaah khur an cho a, Anni ngei a lai takah an tla tah a.

THUVARHAI 1:11

Hienghin ti sien khawm, “Keini leh hung la, Thisen inchân ei ta, A san um loin mi pawitâwk- lo chu inrûkin inchân ei ta;

THUVARHAI 12:6

Mi khawhlo thuhai chu thisen insuo dinga inchântu a na, Nisienlakhawm, mi fel bau chun anni a san suok hlak.

ISAI 3:5

Chun, mihai chu innêksâwrtuoin um an ta, mi tin an ruolhai leh, mi tin mâni tuolbâwmhai leh, naupang chu upa chungah chapotakin um an ta, mi setak khawm mi inzaumtak chungah chapotakin um bawk an tih.

ISAI 57:1

Mi fel chu an bohmang hlak a, tukhawma an lungrilin an ngaituo ngai nawh a, Pathien ngaisak mihai khawm lâk hmangin an um hlak a; mi fel chu thil ṭha lo hung tlung dinga inthawka lâk hmang an ni hlak ti tukhawma an ngaituo bawk nawh a.

ISAI 59:7

An kehai chu thil ṭha naw tieng a tlân hlak a, pawitâwklo thisen insuo dingin an inhmaw hlak; an ngaituo- hai chu khawhlona ngaituonahai a ni hlak a; râusanna le sietna chu an lampuia chun a um hlak.

ISAI 9:19

Sipaihai LALPA lunginsenna leiin ram chu a kâng siet a, mihai khawm chu meia ti ding thing ang an na; tukhawma mâni unau ngei khawm an hla nawh.

JEREMIA 16:16

LALPA chun hieng hin a tih: Ngai ta u, nga man mi tamtak ko suok ka ta, anni chu nga manin man an ta; chu hnunga chun ramsuok- tuhai tamtak ko suok ka ta, tlâng tinhaia le, muol tinhaia le, lungpui kuo kârhaia chun anni chu pêl an tih.

JEREMIA 5:16

An thal bâwmhai chu thlân in- hawng ang a na, mi hrât khawkhêng ruok an nih.

JEREMIA 5:26

Ka mihai laia chun mi rilohai hmu a na; anni chun vate mantuhaiin an inchân angin an inchân a; châng an kam a, mihai chu an man a.

JEREMIA 8:6

Ka ngai a, ka lo hriet a, anachu, thudik an hril nâwk a, mi tukhawm, “Ieng am ka lo thaw ta leh,” tiin a khawhlonaa inthawk chun ân sîr nawh a, mi tin chun mâni lampui seng an hrawh a, indonaa sakawr tlân bingbilet ang chun.

ṬAP HLA 4:18

Ei kehnunghai an sui a, chuongchun, ei kawtthlêrhaia khawm ei fe thei nawh a; Ei tâwpna chu a hnai a, ei nihai chu suk tlung a na, ei tâwpna chu a hung tlung ta leiin.

EZEKIEL 22:12

I sûnga chun thisen insuo dingin thamnahai an lâk a; a pung hnawtna le a pung chu i lâk a; nêksâwrnain i tuolbâwmhai chunga chun duâmtakin i lo hlêp tah a; kei i mi lo theinghil tah a nih, Lalpa PATHIEN chun a tih.

EZEKIEL 24:6

“Chuleiin, Lalpa PATHIEN chun hieng hin a tih: Khawpui, thisen insuo hmang chu a chung a rik, sum- bepui a tuiêkna a sûnga um le, a tuiêkna khawm bo thei lo chu, a chung a rik! a tlang tlangin la suok rawh, thlang bik nei loin.

HOSEA 5:1

Aw nangni thiempuhai, hi hi lo hre ta u, Nangni Israel sûnghai, lo ngai ta u, Aw laltak sûnghai, na lo sit ta u, Rorêlna chu nangni ta ding a ni sih a; Mizpaa châng le, Tabor tlânga lên zar in ni leiin.

HOSEA 6:9

Suomhmang ruolin mi an inchân hlak angin, Thiempu pâwlhai chun Sekem lampuiah mi an that hlak; Anih, thil suol an thaw tah a nih.

MIKA 2:8

Nisienlakhawm, ka mihai chu tulai hnaia hin hmêlma angin an hung ngîrdawk a nih; indo nuom lo a, râlmuongtaka mi inlawnhaia in- thawkin an silfên zakawfuolhai in hlîppêk a.

MIKA 3:10

Zion chu thisenin an bâwl a, Jerusalem chu khawhlonain.

MIKA 3:2

Thil ṭha in theida a, thil ṭha naw in ngaituoh a, an vun in inhlippêk a, an rua inthawkin taksa chu in sâwk- thlâk a,

ZEKARIA 11:6

Ram hluotuhai chu ka lunginsiet ta naw ding a ni sih a, LALPA chun a tih; nisienlakhawm, en ta, mihai chu, mi tin el chu mâni tuolbâwmhai kutah pêng ka ta, an lalhai kuta leh; chun, ram chu thâwng an ta, an kuta inthawk chun anni chu sansuok naw ningah,” tiin.

THILTHAWHAI 24:9

Judahai khawm chun, “Chuong thu chu chuong ang tak chu a nih,” tiin an lo ṭhangpui a.

1 SAMUEL 24:11

Chu chau khawm chu ni loin, pa, en ta, hi i puon hmawr khawm ka chawi zing hi: i puon hmawr ka ât thlâk thei siha, ka sukhlum nawna chea hin ka kuta hin thil ṭha naw le bawsietna a um nawh ti le, ka hringna lâk tumin mi zawng la khawm, i chunga hin ka suol naw a nih ti hi hre zing ngei ngei raw khai.

1 SAMUEL 26:20

Chuleiin, ka thisen chu LALPA hmu phâk nawah hnuoi chungah luong naw raw se; varung pêl dinga mihai chu tlânga chun an raminvâk angin Israel lal chu uihrik chau zawng dingin a fe suok a ni hi,” a ta.