MIKA 7:18 - Pathien Lekhabu Inthieng (BSI)

¹⁸ Nang anga khawhlona ngai- damtu le a rochan la um sun bawsietna fekhêltu Pathien tu am an um a? A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

MIKA 7:18 ပူးပေါင်းရင်းမြစ်များ

INṬANNA 4:7

Thil thaw ṭha ni la chu pawm i ni naw ding am a nih? I thaw ṭha naw ruok chun suol chu kawtkhâr bulah a bawk zing a nih; a dit zâwng chu nangma thuhne che a nih a, nisienlakhawm, nangin i thuhne lem ding a nih,” a tih a.

1 LALHAI 8:23

“Aw LALPA, Israelhai Pathien, i siehlaw an lungril po poa um ṭhahai kuoma thuthlung hlena lunginsietna suklang hlaktu, i siehlaw ka pa David kuoma thutiem hlentu, chungtieng vâna le hnuoitieng hnuoia hin nangma ang hi Pathien dang hrim hrim an um dêr nawh;

2 CHANCHIN SUINA 30:9

LALPA kuom tieng in nghakîr nâwk chun, in unauhai le in thlahaiin sala ṭhuoituhai hmaa chun lungin- sietna dawng an ta, hi rama hin hung nâwk an tih, ama kuomah in kîr phawt chun LALPA in Pathien ngilneitak le zângai theitak a na, nghatsan naw ni cheu,” tiin.

2 CHANCHIN SUINA 6:21

Hi hmun tieng hi nghaa an ṭawngṭai pha chun i mi Israelhai le i siehlaw hnina chu lo ngai la; anih, i umna vâna inthawk ngei chun lo hre la; chun, i lo hriet chun ngaidam bawk la.

NEHEMIA 9:17

an awi nuom nawh a, anni laia i thilmak thawhai khawm chu an hriet nuom ta bawk nawh a; an insuk- kâwmawh a, an helin an suok nina tienga lêt nâwk dingin hotu an ruot lem a; amiruokchu, nang chu ngai- dam dinga inzosa zing Pathien, mi lunginsiet thei, lainatnaa sip, lung inuoi, zainêmna hau i na, anni chu i nghatsan chuong nawh a.

INPÂKNA HLABU 103:13

Pain a nauhai a lunginsiet ang hin, LALPA chun ama ṭituhai chu a lunginsiet hlak.

INPÂKNA HLABU 130:4

Nisienlakhawm, i kuomah ngaidamna a um a nih, Ṭiha i um theina dingin.

INPÂKNA HLABU 35:10

Ka ru po po hin, “LALPA, mi rimsi, a khing zo ruolloa inthawka sanhimtu, Anih, rimsi le pasie, ama inram hlaktua inthawka sanhimtu, Nang ang hrim tu am um?” tîng a tih.

INPÂKNA HLABU 65:3

Rîtlonahai chun a mi hne hlak deha chu, Kan bawsietnahai po chu nangin sâwpfai i tih.

INPÂKNA HLABU 65:4

Mi, i biekin inhuonna sûng tuollaia um thei dinga, I thlanga, i kuom tieng i înpantir chu a hamṭha: I in ṭhatna chun tlai kan ta, I biekin hmun inthieng ṭhatna chun.

INPÂKNA HLABU 71:19

Aw Pathien, i felna khawm ân sâng êm êm a nih, Aw Pathien, nang thil ropuitakhai thawtu, Nangma ang hi tu am an um a?;

INPÂKNA HLABU 86:15

Nisienlakhawm, aw LALPA, nang chu Pathien, lainatnaa sip, mi lunginsietthei, Lunginuoi, zainêm le thutak hau i nih.

INPÂKNA HLABU 86:5

LALPA, nang chu i ṭhah a, ngaidam i pei a, A kotuhai che phawt kuomah zainêmna i hau sih a.

INPÂKNA HLABU 89:6

Vân dumhaia khin LALPA le hrilkhi thei ding tu am an um leh? Mi thilthawtheitak nauhai lai khin LALPA ang,

INPÂKNA HLABU 89:8

Aw LALPA sipaihai Pathien, Aw JAH, nang anga mi hrât tu am an um a? I ringumna chu i vêlah a um sih a,

FESUOKNA 15:11

Aw LALPA, pathienhai lai hin nanga ang tu am an um a? Inthiengnaa ropui, thilthaw ropuihaia ṭium, Thilmakhai thaw, Nanga ang tu am an um a?

FESUOKNA 34:9

“Tuhin nanga mithmuah lungin- sietna ka hmu ta chun, Aw Lalpa, ka ngên che, Lalpa chu keini lai fe ve raw se; mi kâwmaw ni de hai sien khawm, kan khawhlona le suolna chu mi ngaidam la, i rochan dingin nangin mi la rawh,” a tih a.

ISAI 1:18

LALPA chun, “Hung ta u, ngaituo tlâng ei tiu! In suolhai chu sen inlâr angin um ta sienla khawm, vûr angin vâr a tih; sen duk angin sen ta sienla khawm, berâm hmul angin um a tih.

ISAI 33:24

Chu khuoa um chun, “Ka damnaw ie,” ti naw nih a, a sûnga mi umhai chu suol ngaidamin um an tih.

ISAI 38:17

Ngai ta, ka lungmuongna dingin a nih, ninginîpna nasatak ka nei kha; Nisienlakhawm, nang chun ka hringna i lunginsiet leiin, sietna khur sûnga inthawk chu i sanhim tah a; Ka suolhai po po kha i hnungtienga chun i pei vawng sih a.

ISAI 40:18

Pathien chu tu lêm hrilkhîng in ta? Annawleh, ieng lim am ama le chun hrilkhîng in ta?

ISAI 40:25

Tu lêm mi hrilkhiin, tu tluk ang chau âm in mi ruot ding a na? Mi Inthieng chun a tih.

ISAI 43:25

Kei, keima ngeiin, keima le keima lei ngawta in bawsietnahai thaihmang hlaktu chu ka nih; in suolnahai khawm hre zing naw ning.

ISAI 44:22

In bawsietnahai chu sûm sâmup sukboin ka sukbo tah a, in suolhai chu sûm sukbo angin ka sukbo ta bawk a; ka kuomah hung kîr nâwk ro, kân tlan ta si cheu a.

ISAI 55:7

mi rilo chun a um dân chu bânsan sienla, mi fel naw chun a ngai- tuonahai chu bânsan bawk raw se; LALPA kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm sih a.

ISAI 57:10

I fena lampui hlat leiin i sâwl a, nisienlakhawm, “Beiseina hrim hrim a um nawh,” i ti si nawh a; i hrâtna sukharna i hmuh a; chuleiin, i châu ta naw kha.

ISAI 57:16

Kumkhuoin ka do âwm si nawh a, lunginsen rawp bawk naw ning ah; chuong naw chun, mi lungril ka hmaah châu a ta, hringna ka siemhai khawm chu châu bawk an tih.

ISAI 62:5

Tlangvâlin nunghâk nuhmeia an nei hlak ang hin i naupasalhaiin nu- hmeiah nei an ti che: mo neitu chu mo chunga a lâwm angin, i Pathien chu i chungah lâwm a tih.

ISAI 64:9

Aw LALPA, lunginsen talaw naw la, khawhlonahai khawm kumkhaw- tluong chun hre zing naw rawh; ngai ta, lunginsiettakin mi en la, kan rêng hin i mihai kan ni hi.

ISAI 65:19

Jerusalem chunga chun hlim ka ta, ka mihai chunga khawm lâwm ka tih; a sûnga chun ṭap ri chu hriet ni ta naw nih a, inrûm ri khawm hriet ni ta naw ni;.

JEREMIA 3:12

Fe la, hi thuhai hi hmâr tienga chun va phuong la, ‘Hung kîr rawh, nang Israel hnungtawl, LALPA chun a tih; i chunga chun lunginsenin en naw ning cheh a, zângai theitak ka ni sih a, LALPA chun a tih, lunginsenna chu kumkhuoin kawl zing naw ning.

JEREMIA 3:5

A lunginsenna chu a kawl zing dîm a nih? A tâwp chenin a kawl dîm a nih? Ngai ta, thil ṭha naw chu i hrilin i thaw tah a, i suol thei dân tâwpin i lo suol tah,” tiin.

JEREMIA 31:20

Ephraim hi ka naupa dittak am a nih? Ama hi naupang tiawi am a nih? Ama ka thunun pha, ama chu ka hriet zing tlat el hi? Chuleiin, ka lungril chun ama ka lainat a; matheiloin, ama chunga chun zâ- ngaina nei ngei ka tih, LALPA chun a tih.

JEREMIA 31:34

chun, mi tinin mâni tuol- bâwmhai chu inchûktir ta naw ni hai a, mâni unauhai seng leh; “LALPA chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, LALPA chun a tih: an bawsietnahai chu ngaidam ka ta, an suolna khawm hre zing ta naw ning.

JEREMIA 32:41

Anih, anni chu sukṭha dingin an chungah hlim tâng ka ta, hi rama hin ka lungril po po le, ka lungvar po poin thudikah anni chu phun ka tih.

JEREMIA 33:8

An suolna po po, ka chunga an lo suksuolnahaia inthawk khan anni chu sukthieng ka ta, an bawsietnahai po po chu ngaidam ka ta, ka chunga an lo suksuolnahai le, ka chunga an lo bawsietnahai chu.

JEREMIA 38:8

Ebed-melek chu lal ina inthawk chun a suok a, lal kuoma chun thu a hang hril tah a:

JEREMIA 50:20

Chuong niahai chun, chuong pha chun, LALPA chun a tih: Israel suolna chu zawng nîng a ta, ieng- khawm um naw ni; chun, Juda suolna khawm chu hmu ni ta naw nih a; a mahla anga ka hla tahai chu ka ngaidam ding a ni sih a.

JEREMIA 9:24

a suong taphawt chun hi hi suong lem raw se, kei hi LALPA lung- insietna neia, rorêla, hnuoi chunga hin felna thil thaw hlak chu ka nih ti hre a hrietthiemna chu suong lem raw se; hieng thilhaia hin ka lâwm sih a, LALPA chun a tih.

EZEKIEL 18:23

Mi rilo thina chunga hin inhawi tina hrim ka nei am a nih? Lalpa PATHIEN chun a tih; a lampuia inthawk chun hung kîr lemin a hring ding a ni naw am a nih?

EZEKIEL 33:11

An kuoma chun, ‘Ka hring zing angin, Lalpa PATHIEN chun hieng hin a tih; mi rilo thinaa chun lâwmna ka nei nawh a; mi rilo chu a um dân a bânsan a, a hring ruok chun lâwmna ka nei a; hung kîr ro, in lampui suola inthawk chun hung kîr ro; aw Israel sûngkuo, iengdingin am thîng in ta?’ ti rawh.

EZEKIEL 33:16

Ama chunga chun thil a lo suksuol tahai hrim hrim a ieng khawm chu hriet zing ni ta naw nih a; ân dik le dân thil chu a lo thaw tâk lei chun a hring ngei ding a nih.

DANIEL 9:9

Zângaina le ngaidamna chu Lalpa kan Pathien ta a nih; ama chunga chun kan lo hel ta sih a;

HOSEA 14:2

Thu chawi pumin LALPA kuom tieng kîr nâwk la, A kuoma chun hieng ang hin hril rawh, “Rîtlona po po chu la hmang la, A ṭha taphawt chu pawm la, Chuongchun, kan hmûr rahai chu, Bâwngchal aiah hung inhlân kan tih.

HOSEA 14:5

Israel kuoma chun daidaw ang nîng ka ta, Ama chu lili angin hung vul a ta, Lebanon tlânga thing zung angin a zung thlâk dar a tih.

JOEL 2:32

Chun, hieng ang hi nîng a ta, tukhawm LALPA hming lam taphawt chu sanhim nîng an tih; LALPAIN a hril ang khan a tlânsuokhai chu Zion tlânga le Jerusalem khuoah an um âwm sih a, chu hai lai chun LALPAIN a kohai chu ṭhang an tih.”

AMOS 1:11

LALPAIN hieng ang hin a tih, “Edom bawsietna pathum leiin, anih, pali leiin, a hremna sukbo naw ning; a unau chu kâwlhnâm leh a hnawt a, a lunginsietna po po a peihâwn vawng a, a lunginsenna chu a kei- thlêr rawp hlak a, kumkhuoin a lunginsenna chu a vawng zing leiin;

AMOS 7:8

Chun, LALPA chun ka kuomah, “Amos, ieng am i hmuh a?” a ta. Kei chun, “Enremna,” ka ta. LALPA chun, “Ngai ta, ka mi Israelhai lai enremna sieng ka ta, anni chu khêl nâwk ta naw ning a;

AMOS 8:2

Chun, ama chun, “Amos, ieng am i hmuh a?” a ta. Keiin, “Nisapuithei bâwm,” ka tih a. Chun, LALPA chun ka kuomah, “Ka mi Israelhai chungah tâwpna a hung tlung tah; anni chu khêl nâwk ta naw ning,” a ta.

JONA 4:2

LALPA kuoma chun a ṭawngṭai a, “Aw LALPA, ka ngên che, hi hi ni lo am a ni kan rama ka um laia ka hril kha? Hi lei hin Tarsis tieng khan ka tlân hmang a ni kha, nang chu lunginsietna hau, thil ṭha nawa inthawka inlêt nâwk hlak i ni ti ka hriet a.

MIKA 2:12

Aw Jakobhai, in rêngin ko khâwm ngei ka ti cheu a; Israel mi la um sunhai chu ṭhuoi khâwm ngei ka tih; Bozra khaw berâm angin sie khâwm ka ta, ran ruol an hlo petna hmuna um angin; mipui an ni lei chun sa mur mur an tih.

MIKA 4:7

kebai chu hlâbîkah siem ka ta, hlataka hnawt hmanga um chu hnam hrâttakah siem ka tih: tuta inthawk chu Zion tlângah kumkhuoin LALPA chun an chungah ro rêl a tih.

MIKA 5:3

Chuleiin, nau invawitu chun a nei hmakhat chun anni chu nghatsan a tih: chuongchun, a unau la um sunhai chu Israel thlahai lai chun kîr nâwk an tih.

MIKA 7:14

Karmel tlâng kâra khawsâwt- taka um i rochan berâm ruol, I mihai chu i hembâwk hmangin châwm la, inhma ang khan Basan le Gileada châwmin um tâwl raw hai se,

ZEPHANIA 3:17

LALPA i Pathien thilthawthei- tak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

NAMBAR 23:21

Jakobrawi rîtlona hrim a hmu nawh a, Israel mihai lai chun kâwmâwna a hmu bawk nawh. LALPA an Pathien chu an kuomah a um a, Anni lai chun Lal chawimawina ri chu a um a.

LUKA 15:32

Hlimtak le lâwmtaka um ding a ni hrim annâwm; hi i sang hi a thih a, a hung hring nâwk tah a; ân hmang a, ei hmu nâwk tah a ni sih a,’ a tih a,” a ta.

LUKA 24:47

ama hmingin simna thu le suol ngaidamna thu Jerusalema inthawk- in hnam tin kuoma hril nîng a tih,’ tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:4

Nisienlakhawm, Pathienin ieng- tin am a dawn a? “Baal hmaa la dingṭhaṭhuon ngai naw, mi sâng sari keia tâ dingin ka la hla zing a nih,” tiin a dawn a.

DÂN PAHNINA 33:26

“Pathien ang tukhawm an um dêr nawh, aw Jesurun, A ṭhangpui ding chea vâna chuong, Ropuitak vâna chuong chu.

JAKOB 2:13

Mi chunga lunginsietna nei naw chu, lunginsietna ṭhang loa rorêl pêkin um a tih, lunginsietna chu rorêlna chunga chun ân suong hlak a nih.

RORELTUHAI 10:16

Chuongchun, anni laia hnam dang pathienhai chu an sie hmang vawng a, LALPA rawng chu an bâwl tah a; chun, Israelhai lunginzîngna lei chun a lungril a lungngai ta bêk bêk el a.