MIKA 7:15 - Pathien Lekhabu Inthieng (BSI)

¹⁵ Aigupta rama inthawka i fe suok lai ang khan a kuomah thil maktakhai inentir ka tih.

MIKA 7:15 ပူးပေါင်းရင်းမြစ်များ

INPÂKNA HLABU 68:22

LALPAIN, “Basan rama inthawkin ṭhuoi nâwk ka ta, Tuisuoriet mawng inthûktaka inthawk chu ṭhuoi nâwk ka tih.

FESUOKNA 3:20

Chun, keiin ka kut inlet ka ta, ka thilmakhai po po chu anni lai ngeia thawin, Aigupta chu hung suksieng ka tih: chu hnunga ruok chun infetir a ti cheu.

FESUOKNA 34:10

LALPA chun, “Ngai ta, thu- thlung ka siem hi. Ieng hnam lai khawm le hnuoi chung po poa la thaw ngai dêr lo, i mihai po po hmaah thilmakhai thâwng ka tih. Anni laia i umna mi po po chun LALPA sinthaw chu hmûng an tih, nangmaha thil ka thaw ding chu râpthlâktak a ni sih a.

ISAI 11:16

Chuongchun, Aigupta rama inthawka an suok nia, Israelhai ta dinga lamlien a lo um ang khan a mihai thi mahla la um sunhai ta ding chun Assuria rama inthawkin lamlien hung um a tih.

ISAI 51:10

Nang hi tuisuoriet, tui inthûk lientak tui sukkangtu, tuisuoriet mawng inthûk chu intlanhai kaina dinga lampuia siempêktu i ni nâwm a nih?

ISAI 51:9

Aw LALPA bân, har la, har la, hrâtna thar inbel rawh; tienlaia, tien- lai suonhai um laia i har ang khan har rawh. Nang hi Rahab sât nawi- tu, dragon suntu kha i ni an nâwm a nih?