MIKA 6:16 - Pathien Lekhabu Inthieng (BSI)

¹⁶ Omri thuruothai chu vawng zing a ni sih a, Ahab sûngkuo thil- thaw po pohai leh; an remruothaia chun in fe a nih; chuleiin, hmun râusanah ka siem ta ding che a nih, a sûnga chênghai hi nuizatbûr dingin; chun, ka mihai hmingsietna chu phur in tih.”

MIKA 6:16 ပူးပေါင်းရင်းမြစ်များ

1 LALHAI 18:4

Jezebelin LALPA zâwlneihai a râwt rak lai khan Obadia chun zâwl- nei za a ṭhuoi a, pûkah sâwmnga peiin a thuphmang a, bei le tuiin a châwm hlak a nih.)

1 LALHAI 9:8

chun, hi in hi insâng hle sienkhawm, a fe khêl taphawthai chun maktiin lân hui an ta, ‘Ieng- dinga LALPAIN hi ram le hi in hi hieng ang lâwma a thaw am a na?’ la tîng an tih.

2 LALHAI 16:3

Israel lalhai lampui hraw chu a hraw veh a, anih, LALPAIN Israel thlahai hmaa a hnawtsuok hnam- haiin thil tirdakumtak an thaw hlak angin a naupa chu meiah ân lûttir a.

2 LALHAI 21:3

A pa Hezekiain a suksiet tah bâwlhmunhai chu a siem ṭha nâwk a; Israel lal Ahab thaw angin Baal mâichâmhai a siem a, Aserahai a siem a, vâna um po po khi a biek a, an rawng a bâwl a.

2 CHANCHIN SUINA 22:4

Ahab sûngkuoin an thaw ang khan LALPA mithmuah thil ṭha naw chu a thaw a; a pa a thi hnung chun anni chu a sietna ding chena a thu rawtpuituhai an ni sih a.

2 CHANCHIN SUINA 34:25

kei an mi lo nghatsan tah a; an kut sinthawhaia lunginsen dinga an mi chawktho theina dingin pathien danghai kuoma chun riminhnikhai an rawh a; chuleiin, ka lunginsenna chu hi hmun chunga hin bunthlâk a ni tah a, sukre el ni ta naw nih,’ tiin.

INPÂKNA HLABU 1:1

Mi rilohai remruot ang chu hraw loa, Mi suolhai lampuia khawm ngîr ngai loa, Hmusittuhai ṭhungphaa khawm ṭhung ngailo mi chu a hamṭha.

INPÂKNA HLABU 44:13

Nangin kan vêla mihai hrilsietin i mîn umtir a, Kan dep vêla mihai hmusit le nuisanin i mîn umtir bawk a.

INPÂKNA HLABU 44:14

Nangin hnam tin lai chun a se tieng hrilkhinaah i mîn umtir a, Mi tin laia mihai lu thinkhum- in i mîn umtir bawk a.

ISAI 25:8

Thina chu a lem sawng tah; Lalpa PATHIEN chun mi po po hmaia inthawk chu mitthlihai chu hrufai a tih; a mihai hming sietna chu leihnuoi po po chunga inthawk hin la hmang a tih; LALPAIN chu chu a hril ta sih a.

ISAI 9:16

Hieng mihai ṭhuoituhai hin an ṭhuoi suol hlak a nih, an iṭhuoihai chu sukbohmangin an um hlak a nih.

JEREMIA 19:8

Hi khawpui hi maktia le thuok- dawngumah siem ka ta; mi tin a fe khêltuhai taphawt chun mak tîng an ta, an thuok dawng a tih, chu chu hmun po po a se ta lei chun.

JEREMIA 25:18

Chuong chu hieng Jerusalem le Juda khawpuihai le a sûnga lalhai le rorêltuhai chu, vawisûn ni anga hi, anni chu râusan le maktia le, inchek- naa le, ṭawngsephura siem dingin;

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, LALPA chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 29:18

Chun, anni chu kâwlhnâm le ṭâm le hriin hnawt ka ta, anni ka tir hmangna tieng hnamhai po po laia chun thusekawk ding le, inchekna ding le, makti ding le, mi ṭawng- dâwng dingin hnuoia lalram po po laia hnungtieng hmatienga nawr- lênga um dingin pe suok ka tih;

JEREMIA 51:51

Kâwkna chu ei hriet tâk leiin ei inzak a, buoinahai chun ei hmaihai khawm an inkhum tah a, LALPA ina hmun inthienga chun mikhuolhai chu an hung lût ta sih a.

JEREMIA 7:24

Nisienlakhawm, an ngai nawh a, an na khawm an sit bawk nawh a, amiruokchu, anni remruotnaa le, an lungril rilo kâwmâwna chu hrawin, hmatiengah ni loin an kîr nâwk ta lem a.

ṬAP HLA 5:1

Aw LALPA, kan chunga thil hung tlung hi hre zing rawh; Ngai la, kan muolphona hi en ta.

EZEKIEL 39:26

An rama chun himtakin an chêng a, tukhawma anni chu an sukṭi naw pha chun, an inzakna, an baw- sietnahai po po, ka chunga an lo bawsietnahai chu phur an tih;

DANIEL 9:16

Aw LALPA, i felna ang peiin i lunginsenna le i ṭiumna chu i tlâng inthieng, Jerusalem i khuoa inthawk chun, ka hni che hi, herhmang ni raw se. Kan suolnahai lei le, kan thla- tuhai khawhlonahai lei chun Jerusa- lem le i mihai chu kan vêla mi po pohai hrilinsîm kan lo ni ta hi.

HOSEA 12:14

Ephraim hlak chun a suklungsen nasa êm êm el a, Chuleiin, a thisen insuo chu ama chungah a tla a, A hrilsietna chu ama chungah LALPAIN intlâktir a tih.

HOSEA 5:11

Ephraim chu thupêk zâwm a nuom vieu leiin, Nêksâwrin a um a, rorêlna chu suksietin a um a nih.

MIKA 2:6

“Thu hril naw rawh,” tiin an hril hlak a. Hieng mihai kuoma hin thu hril naw ni hai, hrilsietna chu inkieng naw bawk a tih.

MIKA 6:13

Chuleiin, kei khawma nataka hliemin ka vuok ta cheh a, i suolna- hai leiin râusanah ka siem ta che a nih.

THUPUONGSUO 2:20

Nisienlakhawm, demna che ka nei; nuhmei, Jezebel, Zâwlneinu inti kha, i ngai thei leiin; ama chun ka suokhai chu indit le milim biekna thil fâk inchûktirin, a ṭhuoi hmang bawk hlak a nih.