MIKA 6:14 - Pathien Lekhabu Inthieng (BSI)

¹⁴ Fâk chu fâng i ta, nisienla- khawm, khawp naw ti ni; i kuoma chun i tlâwmna chu um a ta, sawn i ta, nisienlakhawm, himin thak hmang naw ti ni; i fe hmangpuihai khawm chu kâwlhnâmah pe suok tho ka tih.

MIKA 6:14 ပူးပေါင်းရင်းမြစ်များ

ISAI 30:6

Sim rama sahai phurrik chu. Lunginzîngna le thlaphângna ram, sakeibakneipui le sakeibakneichal, rûlhmuk le rûl chawk vuong thei suokna ram chu, an sum chu sabengtungte chunga dâm, an rohai chu sanghâwngsei zângpâwngahai chun phurin an ta dinga ṭhathnemna nei naw mihai kuoma pêk dingin, an fe tlâng duol duol a.

ISAI 65:13

Chuleiin, LALPA Pathien chun hieng ang hin a tih, “Ngai ta u, ka siehlawhai chun fâng an ta, nangni ruok chu phîngṭâmin um in tih: ngai ta u, ka siehlawhai chun dâwn an ta, nangni ruok chu dangchârin um in tih; ngai ta u, ka siehlawhai chu hlim an ta, nangni ruok chu inzak in tih:

ISAI 9:20

Chuongchun, miin an chang- tienga mi inchûng an ta, nisienla- khawm, an phîng la ṭâm ta rawp a ta, an vawitienga mi fâng an ta, nisien- lakhawm, tlai chuong naw ni hai, mi tinin mâni bân taksa fa seng an tih.

JEREMIA 48:44

Ṭitnaa inthawka tlân chu khur- thima chun tlâng a ta, khurthima inthawka suok chu chânga chun âwk a tih; anni hremna kum chu ama chungah, Moab chunga ngei chun, kân tlungtir ding a nih, LALPA chun a tih.

EZEKIEL 5:12

Nanga hmun thuma ṭhea hmun khat chu hripuiin thîng an ta, i sûnga chun ṭâmnaa fâkzoin um an tih; chun, hmun thuma ṭhea hmun khat chu i vêla chun kâwlhnâmah tlûng an ta; chun, a hmun thuma ṭhea hmun khat dang chu the dar ka ta, an hnunga chun kâwlhnâm keidawk ka tih.

HOSEA 4:10

Fa chu fa dêng an ta, tlai si naw ni hai; Nawchizawr chîng an ta chu, pung chuong naw ni hai, LALPA pawisakna an nei naw leiin.

LEVI DÂN 26:26

In ifâk tak bei ka sukchatpêk pha cheu chun, nuhmei sâwmin urna pakhatah ur an ta, in bei chu bûk chie peiin pe nâwk an ti cheu; fâk chu fâng in ta, khawp chu khawp naw ti niu.

HAGGAI 1:6

In tu ṭeu a, tlâwmte chau in lâk lût a, in fâka chu khawp lêm in nei nawh a; in dâwna chu in khawp si nawh; in inthuom a, tukhawm in lum si nawh; chuongchun, hlawhai hlaw- tu khawm chu ip mawng inâwnga thlâk el dingin a hlaw a nih,” tiin.

HAGGAI 2:16

khânglai sûng hrim hrim khan, miin tekhâwng sâwmhni vûma a ruota chun sâwm chau a lo na: miin sâwrna khura bûr sâwmnga thâl dinga a hung chun sâwmhni chau a lo na.