MIKA 5:2 - Pathien Lekhabu Inthieng (BSI)

² Nisienlakhawm, nang Bethle- hem Ephratha, Juda rama sâng tamtakhai laia ṭhanga chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

MIKA 5:2 ပူးပေါင်းရင်းမြစ်များ

INṬANNA 35:16

Chun, Bethela inthawk chun an feh a; Ephrath tlungna ding chu hla rei a la nih a, Rakil chun nauha ân vawi a, na deu el hin ân vawi tah a.

INṬANNA 35:19

Chuongchun, Rakil chu a thih a, Ephrath lampuia chun an phûm a (Ephrath chu Bethlehem a nih).

INṬANNA 48:7

Chun, keia thu chu, Paddan- aram rama inthawka ka hung lai khan Rakil chu Kanaan ramah, lam- pui kârlakah, Ephrath chu a la hlat fe laiin, ka bulah a thih a: chutaka Ephrath lampuia chun ka phûm tah a (chu chu Bethlehem a nih)” a tih a.

INṬANNA 49:10

Lal hmawl chu Judaa inthawk hin bo naw nih a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

1 CHANCHIN SUINA 2:54

Salma naupasalhai chu Beth- lehem hai, Netophath mihai le Atroth-beth-joab le Manahath mi zâtve Zor mihai chu an nih.

1 CHANCHIN SUINA 4:4

Gedor pa Penuel le Husa pa Ezer. Chun, hienghai hi Hur, Beth-lehem pa Ephratha nau lutîr, naupasalhai chu an nih.

1 CHANCHIN SUINA 5:2

Juda chu a unauhai nêk chun a chunghnung lem a, chuongchun, amaa chun lalnau nina chu pêk a na, amiruokchu, rohluotu nina chu Josef ta a nih).

INPÂKNA HLABU 132:6

Ngai ta, a thu chu Ephrathaah kan hriet a, Rampui phûla chun kan hmu tah a.

INPÂKNA HLABU 90:2

Tlânghai insieng hmaha, Leihnuoi le khawvêl în ngîr hma khawm khan, Chatuona inthawka chatuon chenin nang chu Pathien i nih.

FESUOKNA 18:21

Chunawa khawm mipui laia inthawk mi thei thei, Pathien ṭi mi, mi indikhai, hlêpna felnaw theida mihai thlang suok la, anni chu sâng khat chunga rorêltu, za khat chunga rorêltu, sâwmnga chunga rorêltu, sâwm chunga rorêltuhai ni dingin sie rawh.

FESUOKNA 18:25

Mosie chun Israel mihai laia inthawkin mi thei deu deu a thlang suok a, anni chu mipui luhai ni dingin, sânghai, zahai, sâwmngahai le sâwmhai chunga rorêltuhaiah a sie tah a.

ISAI 11:1

Jessai a bula inthawkin a dâwn hung suok a ta, a zunga inthawka kak suokhai chu râng a tih;

ISAI 53:2

A hmaa chun thil ṭo innotak angin ama chu ân dâwn suok sih a, hnuoi ṭâwla zung angin a hung kak suok bawk a nih; pienken ṭhatna le hmêl mawina hrim hrim a nei nawh a, ama ei hmuin ama ei ditna dingin mawina hrim hrim a nei nawh.

ISAI 55:4

Ngai ta, ama chu mi tin ta dinga hretuah ka ruot a, mi tin ta dingin hotua le ṭhuoituah ka ruot a nih.

ISAI 7:14

Chuleiin, LALPA ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Im- manuel sak a tih.

JEREMIA 30:21

Chun, an lal chu anni laia mi ngei nîng a ta, an rorêltu khawm chu anni laia inthawka hung suok ngei nîng a tih; chun, ama chu hung hnai dingin siem ka ta, ka kuom chu hung hnai a tih: Tu am a na, keima mi hung hnai dinga huoina nei chu? LALPA chun a ti sih a.

HOSEA 6:3

LALPA hrietna chu hnawt pei ei tiu khai, hrieng ei tiu; Zîng khawvar anga inkhêl ruol loin ân thawk suok ngei hlak; Ei kuomah ruo angin, ruo nuhnung, hnuoi sukhutu ang elin hung tlung a tih,” tiin.

AMOS 9:11

“Chu nia chun David bâwktê chim chu inngîr ka ta, a âwnghai chu phâwk ka ta, a sietnahai chu rem nâwk ka ta; tienlaia a um ang khan bâwl ka tih,

MIKA 4:10

Aw Zion naunu, nuhmei nau invawi nau nei ding angin na tuor la, invawi rawh; tuhin khawpuia in- thawk fe suok i ta, ramah chêng i tih. Babulon chen khawmin i fe ding a ni sih a: chutaka chun sansuokin um i ta, chutaka chun i hmêlmahai kuta inthawkin LALPA chun sansuok a ti che.

ZEKARIA 13:7

“Aw kâwlhnâm, ka berâmpu chunga le, mi ka ruolpâwl chunga chun har rawh,” sipaihai LALPA chun a tih. “Berâmpu chu vaw la, berâmhai chu indar an tih; chun, a chînhai chunga chun kei khawma ka kut inlet ka tih,” tiin.

ZEKARIA 9:9

Aw Zion naunu, nasatakin hlim rawh; aw Jerusalem naunu, inring- takin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngai- tlâwmtakin, sabengtung chungah, sabengtungtê chung ngeia hung chuongin.

MATTHAI 2:1

Chun, lal Herod inlal laia, Juda rama Bethlehemah Isu a hung piengin, ngai ta, khawsak tienga inthawkin mi varhai Jerusalemah an hung a,

MATTHAI 2:6

‘Chun, nang Juda rama Bethlehem, Juda khawpuihai laiah i chîn tak naw tawp; I sûnga inthawkin awptu a hung suok ding a ni sih a, Ka mi Israelhai vêngtu ding chu,’ ti hi,” an ta.

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.

LUKA 23:2

Chun, “Hi mipa hin kan chihai a sukkhawhlo a, Kaisar kuomah sie chawi a khap bawk a, Krista, lal ân ti khawm kan hriet,” tiin an hêk a.

LUKA 23:38

Chun, a chung tienga chun, “HI MIPA HI JUDAHAI LAL A NIH” ti lekha ziek a um a.

JOHAN 7:42

Krista chu David thlahai laiah, David umna khuo Bethlehemah a suok ding a nih ti Pathien Lekhain a hril naw am a nih?” an ta.

DÂN PAHNINA 1:15

Chuongchun, in hnam hotuhai chu ka pawm a, in hnam laia mi, mi var, chinchâng hre mihai in chungah hotuah ka siem a, sâng chunga hotu dâm, za chunga hotu dâm, sâwmnga chunga hotu dâm, sâwm chunga hotu dâm, ṭhuoituhai khawm.

KOLOSSA 1:17

Chun, ama hi chu iengkim um hmain a um hrim a nih, amaa chun iengkim a ngir khâwm bawk a nih.

HEBRAIHAI 13:8

Isu Krista chu zâni leh, vawisûn leh kumkhuo khawmin a pângngaiin um rawp a tih.

HEBRAIHAI 7:14

Ei Lalpa chu Juda hnam laia inthawka hung suok a ni ti ân lang fel sih a, chu hnam thua chun Mosiein thiempuhai kawng thu iengkhawm a hril nawh.

1 JOHAN 1:1

Hringna Thu a tîra inthawka um kha, kan nâin kan ihriet kha, kan mitin kan ihmu kha, kan en zinga kan kuta kan idap kha, chu chu chanchin chu;

THUPUONGSUO 19:16

Chun, a puona le a êlpuia chun, “Lalhai Lal le hotuhai Hotu,” tia hming ziek a um.

THUPUONGSUO 2:8

“Chun, Smurnaa kohran tirko kuoma chun hieng hin ziek rawh:— “ ‘Hmasatak le Nuhnungtak, thia hung hring nâwk ta khan, hieng thu hi a hril a nih:

THUPUONGSUO 21:6

Chun, ka kuomah, “A hung tlung tah. Kei Alpha le Omega, a Bul le a Tâwp ka nih; dangchâr taphawt kuoma chun Hringna Tuikhura in- thawkin a thlâwnin pêng ka tih.

RORELTUHAI 17:7

Chun, Bethlehem-judaa mi Juda hnam, Levi chi tlangvâl pakhat a um a, chutaka chun a va um ve vak a.

RUTH 1:1

Rorêltuhaiin ro an rêl laiin chu rama chun ṭâm a hung tlah a, chun, Juda ram Bethlehema mi pakhat Moab rama um dingin, ama le a nuhmei le a naupasalhai pahni chu an feh a.

RUTH 4:11

Chun, kul kawtkhâra mipui po po le upahai chun, “Hrepuituhai kan nih. I ina nuhmei hung lût chu, Israel sûngkuo indintu pahni Rakil le Leah ang khan LALPA chun siem raw se; chun, Ephrathaa chun tluongtlung- takin um la, Bethlehema chun hminginthangtakin um rawh;

1 SAMUEL 10:19

Nisienlakhawm, vawisûn hin in lunginzîngna po po le in rinumna po poa sanhimtu cheu in Pathien ngei chu in dit nawh a, a kuomah, A ni nawh, lal mi siempêk rawh’ in tih a. Chuleiin, tuhin a hnama hnam le a chia chiin LALPA hmaah hung inlang ro,” a ta.

1 SAMUEL 17:12

Chun, David chu Jesai naupa a na, ama chu Bethlehem-Judaa Ephrath mi kha a na, naupasal pariet a nei a; ama chu Saula inlal lai chun tartak a ni tah a, tarsiea ngai a ni tah.

1 SAMUEL 17:18

chun, nêne tui kîng tlang sâwm hi an pâwla sâng hotu chawipêk la, chun, i unauhai iengtin am an um hung indawn la, an chanchin hrietna hung phur rawh.

1 SAMUEL 23:23

Chuleiin, ân bîkhmangna hmun po pohai hre vawng bak unla, chun, ka kuomah hung nâwk ngei ngei unla: chun, nangni leh ka fe ve ding a nih: chun, hi ramah a um phawt chun Juda mi sâng tamtak laia inthawk chun zawng suok ka tih,” a ta.

1 SAMUEL 8:12

chun, a sipai sâng hotua dâm, sâwmnga hotua dâm ruot a tih; ṭhenkhat chu a hnuoi inlettua dâm, a busîktua dâm, a indo thuomhnaw siemtua dâm, tawlailîr hmangruo siemtua dâm hmang a ta.