MIKA 4:9 - Pathien Lekhabu Inthieng (BSI)

⁹ Iengdinga i ṭap rak am a na? I sûngah laltak chu a um naw am a nih? I remruottu chu a bohmang ta am a nih? Nuhmei nau invawi anga natnain a man el ta che chu!

MIKA 4:9 ပူးပေါင်းရင်းမြစ်များ

ISAI 13:8

chun, ṭîng an ta, natna le lungninawnahai chun man tâwl a tih; nuhmei nauhase angin nâng an ta, mak inti tuong an ta; an hmêlhai chu meichawk hmêl ang ni tâwl a tih.

ISAI 21:3

Chuleiin, ka kâwnghai hi natna nasatakin a sip a, nuhmei nau invawi natna angin natnain nasatakin a mi man tah; naa hre thei naw khawp hielin na ka tuor a; khaw hmu thei lo khawp hielin ka lunginzîng a.

ISAI 26:17

Nuhmei nau vawn, nei hun ta chu, a na hlak a, nauhasea a khêk rawng rawng hlak ang hin, aw LALPA, keini khawm i hmaah kan um hlak kha.

JEREMIA 22:23

Aw Lebanon hluotu, sidar thinghaia bu septu, nuhmei nauhase nat anga natna, i chunga tuornahai a hung tlung pha chun lungsiet i va um âwm de!

JEREMIA 30:10

Chuleiin, Aw Jakob, ka siehlaw, ṭi naw rawh, LALPA chun a tih: Aw Israel, beidawng bawk naw rawh, ngai ta, ram hlataka inthawkin ka sandam ding che a ni sih a, i thlahai chu an sal intângna rama inthawkin sandam bawk ka tih; chuongchun, Jakob chu hung kîr a ta, nuomsa le to ṭawk ṭawkin um a tih, tukhawma sukṭi ta naw ni hai.

JEREMIA 4:21

Ieng chen am puonzâr chu ka hmuin, tawtawrâwt ri chu ka hriet zing ding a na?

JEREMIA 4:31

Nuhmei pakhat nauhase nat tuor, a nau lutîr hung suok dinga a na tuor râwl ang chu ka hriet sih a, Zion naunu, thuok insama, a kuthai phara, “Tuhin ka chung a rik de! tuolthattuhai hmaa chun ka thla chu a thidang sih a,” titu râwl chu a nih.

JEREMIA 48:41

Kerioth chu lâkin a um a, kul dethai chu maktiin an um a; chu ni chun Moab mi thilthawthei lungril chu nuhmei na tuor lai lungril ang nîng a tih.

JEREMIA 50:43

Babulona lal chun an ri chu a lo hriet a, a kuthai chu a hung chau a, ama chu lunginzîngna chun a man tah a, nuhmei nauhase nat tuor angin a na tah a.

JEREMIA 8:19

Ka chipuihai naunu ram hla- taka inthawka a khêkri chu lo ngai ta u, “LALPA chu Zionah a um a ni naw am a nih? a Laltak chu a sûnga chun a um nâwm a nih? An milim ker fâwmhai le teplo thil maktakhai chun iengdinga lunginsen dinga an mi chawktho am a na?” tiin.

ṬAP HLA 4:20

Ei hnârkuo thuok, LALPA hrieknâl chu, an khursûnga chun an lâk a; “Ama hlim hnuoia chun hnamhai laia chun chêng ei tih,” ei tih a.

HOSEA 10:3

“Lal tak tak chu ei nei nawh, LALPA chu ei ṭi si nawh a; Chu lal chun ieng am mi thawpêk thei a ta?” tiin, tuhin chu hril ta ngei an tih.

HOSEA 13:13

Nuhmei nau invawi lungngaina ang chu a chungah hung tlung a tih, Ama chu naupa var nawtak a nih, A huntakah nau hung suokna hmunah a um si nawh.

HOSEA 3:4

Israel thlahai chu ni tamtak laltak le mi lien le, inthawina le lung- phun inser, thiempu zakuo amanih, milimhai amanih, nei loin an um ding a ni sih a.

MIKA 5:3

Chuleiin, nau invawitu chun a nei hmakhat chun anni chu nghatsan a tih: chuongchun, a unau la um sunhai chu Israel thlahai lai chun kîr nâwk an tih.

JOHAN 16:21

Nuhmeiin nauha ân vawiin a lungngai hlak, a hun a tlung ta leiin, nisienlakhawm, nau a hung nei phing chun a thlaphâng chu a hriet nâwk ta ngai nawh, khawvêla mihriem hung pieng chu a lâwm leiin.

THUPUONGSUO 12:2

ama chun nau a vawn a; nauhase nain ân rûm a.