MIKA 4:7 - Pathien Lekhabu Inthieng (BSI)

⁷ kebai chu hlâbîkah siem ka ta, hlataka hnawt hmanga um chu hnam hrâttakah siem ka tih: tuta inthawk chu Zion tlângah kumkhuoin LALPA chun an chungah ro rêl a tih.

MIKA 4:7 ပူးပေါင်းရင်းမြစ်များ

INPÂKNA HLABU 2:6

“Keima ngeiin ka tlâng inthieng Ziona chun, Ka lal siem chu kân ṭhungtir tah a nih” a tih a.

ISAI 16:5

Chuongchun, lalṭhungpha chu lunginsietnaa sukdetin um a ta, chu chunga chun, David puon ina chun, mi pakhat, rorêlin, rorêlna fel zawng- in, thil fel inhmâwtaka thaw nghâlin, titakzetin ṭhung a tih.

ISAI 24:23

Chu hnunga chun thla khi inzaktakin um a ta, nisa khi muol- photakin um a tih; sipaihai LALPA chu Zion tlâng le, Jerusalem khuoa le, a upahai hmaa chun, ropuitakin lalah a um ding a ni sih a.

ISAI 6:13

Chun, a sûnga chun sâwm laia pakhat khawm la um sienla, fâk zoin um nâwk nghâl an tih; nisienla- khawm, sething le thingsaisuo chu phûr hnung khawma a bul a la um zing hlak angin chi inthieng chu a bul la um zing chu a nih,” tiin.

ISAI 60:22

Mi chîn chu sâng khat ni tâng a ta, mi chiterek khawm hnam hrâttak ni tâng a tih; kei LALPA hin a hun pha chun intlungtir vak ka tih.

ISAI 66:8

Chuong ang chu tuin am a hriet hlak a? Chuong ang chu tuin am a hmu hlak a? Ni khatah ram a pieng thut dîm a nih? Vawilekhatah hnam a pieng thut dîm a nih? Zion chun nauhase ân vawi phing chun nau chu a nei el ta sih a.

EZEKIEL 43:7

ka kuoma chun, “Mihriem naupa, hi hi ka lalṭhungpha hmun le ka kehai innghatna hmun, Israel thla- hai kuoma chatuona ka chêngna ding chu a ni hi. Israel sûngkuo chun ka hming inthieng chu sukpawrche ta naw ni hai a, anni khawmin, an lalhai khawm, an hurnain amani, an bâwlhmunhaia an lalhai ruonghai khawmin amanih sukpawrche naw ni hai,

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuong- chun, chuong ramhai chu kawi tam- taka hung sukkawiin, hung kâng- hmang a ta, kumkhuoin ama chu um ta lem a tih.

DANIEL 4:34

Chuong nihai tâwpa chun, kei Nebukadnezzar hin ka mithai chu vântieng ka tang a, ka hrietna chu ka kuomah a hung kîr nâwk a, Achung- hnungtak chu mal ka sâwm a, cha- tuona hring zing chu ka chawimawiin kân pâk a: A rorêlna chu chatuon rorêl a na, A lalram chu ṭhanga inthawk ṭhang sâwng tamtak chen a ni sih a;

DANIEL 7:14

Chun, ama chu mi po po le hnam po po le ṭawng tinrêngin, A rawng an bâwl theina dingin a kuoma chun Rorêlna dâm, ropuina dâm, lalram dâm an pêk a, A lalram chu chatuon lalram bo ta ngailo ding le, A ram suksieta um ta ngailo ding chu a nih.

DANIEL 7:27

Chun, vânhnuoia ram le lalram le ram ropuinahai chu Achunghnung- tak mi inthienghai hnam kuoma chun pêk nîng a ta, ama ram chu chatuon ram a na, ram po pohai chun a rawng bâwl an ta, ama thu awi an tih,’ tiin.

HOSEA 1:10

Nisienlakhawm, Israel nauhai chu tuisuorieta phaiphin, inkhi ruol lo le tiem ruol lo zât nîng an ta; chun, an kuomah, “Ka mihai in ni nawh” tina hmun ngeia chun “Pathien hring nauhai in nih,” ti nîng a tih.

JOEL 2:32

Chun, hieng ang hi nîng a ta, tukhawm LALPA hming lam taphawt chu sanhim nîng an tih; LALPAIN a hril ang khan a tlânsuokhai chu Zion tlânga le Jerusalem khuoah an um âwm sih a, chu hai lai chun LALPAIN a kohai chu ṭhang an tih.”

JOEL 3:17

Chuongchun, LALPA in Pathien ka tlâng inthieng Ziona chêng ka nih ti hrieng in tih; chuongchun, Jerusa- lem khuo chu inthieng a ta, mikhuol tukhawm fethleng nâwk ta dêr naw ni hai.

OBADIA 1:21

Zion tlânga chun Esau tlâng rêlpêk dinga sansuoktuhai hung an ta, chun ram chu LALPA ta nîng a tih.

MIKA 2:12

Aw Jakobhai, in rêngin ko khâwm ngei ka ti cheu a; Israel mi la um sunhai chu ṭhuoi khâwm ngei ka tih; Bozra khaw berâm angin sie khâwm ka ta, ran ruol an hlo petna hmuna um angin; mipui an ni lei chun sa mur mur an tih.

MIKA 2:13

Nêr thlengtu chu an hmaa chun fêng a ta, nêr thleng an ta, kawtkhâr chenin fe pei an ta, chutaka chun fe suok an tih: chun, an lal chu an hmaa chun fêng a ta, LALPA chun an hma ṭhuoi a tih.

MIKA 5:3

Chuleiin, nau invawitu chun a nei hmakhat chun anni chu nghatsan a tih: chuongchun, a unau la um sunhai chu Israel thlahai lai chun kîr nâwk an tih.

MIKA 7:18

Nang anga khawhlona ngai- damtu le a rochan la um sun bawsietna fekhêltu Pathien tu am an um a? A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

ZEPHANIA 3:13

Israel mi hlabîkhai chun rîtlona thaw ta naw ni hai a, khêl khawm hril ta ngai naw nihai; an bauhaia chun lei mi hlêm hmangna hrim hrim khawm hmu ni ngai ta naw nih; khawp dingin fâng an ta, zâl an tih, tukhawma an sukṭi ta naw ding a ni sih a,” a ta.

ZEPHANIA 3:20

Chu pha chun hung la lût kati cheh a, chu pha chun la khâwm ka ti cheu; In mithmu ngeia in sal intângna ka hung lâk kîr pha chun, Leihnuoia hnam po polaia chun, inpâkna le hming ka siempêk ding cheu a ni sih a,” LALPA chun a tih.

LUKA 1:33

Jakob thlahai chungah cha- tuonin inlal a ta, a ramin tâwp ni nei naw ni,” a ta.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl tah a.