MIKA 4:11 - Pathien Lekhabu Inthieng (BSI)

¹¹ Tuhin hnam tamtak chu nang- ma doin an inkhâwm a, “Sukpawr- chein um sienla, ei mit hin Zion chunga a châk zâwng chu hmu raw se,” an tih a.

MIKA 4:11 ပူးပေါင်းရင်းမြစ်များ

INPÂKNA HLABU 129:5

Anni chu muolpho le intlânsiettirin um raw hai se, Zion theidatuhai po po chu.

INPÂKNA HLABU 83:5

Inthuruolin an inrâwn a, I chungah a se tienga thaw dingin thu an intiem tâwl a.

ISAI 10:7

Nisienlakhawm, ama chun chu chuong ang chu a tum a ni nawh a, chuong ang chu a lungril khawma a ngaituo bawk nawh; hnam tam namêna tam lo suksiet le sukbo- hmang a nih a lungril lem chu.

ISAI 17:12

A mipui tamtak inri dur dur, tuisuoriethai inri dur dur anga inri dur durhai le hnam tin inri hum hum, tui nasatak inri hum hum anga inri hum humhai chu aw!

ISAI 29:7

Chuongchun, Ariel dotu hnam po po mipuihai, ama le a kulbîng thaw- tuhai po po leh ama suklungzîng- tuhai po po chu mang ang chau nîng an ta, zâna inlâr ang chau el hi.

JEREMIA 52:4

Chun, a rorêl kum kuona, thla sâwmnaa, chu thla ni sâwm ni chun Babulon lal Nebukadnezzar le, a si- paihai po po chu Jerusalem do ding chun an hung a, an umngha tah a; a vêl ela chun kulhai an bâwl khum tah a.

EZEKIEL 26:3

Lalpa PATHIEN chun hieng hin a tih: Ngai ta, aw Tura, nang ka dodâl che a nih; tuipuiin a fâwnhai chu a hung insuoktir angin, hnam tam- takhai chu nangma do ding chein ka siem ding a nih.

EZEKIEL 38:17

Lalpa PATHIEN chun hieng hin a tih: ka siehlaw Israel zâwlneihaiin kum tamtaka chun anni indotir ka ti che tia chuong nihaia an lo hril, tienlaia a chanchin an lo hril hlak kha i ni naw am a nih?

OBADIA 1:12

Nisienlakhawm, i unaupa a siet laia a sietna ni chu thlîr naw la, Juda nauhai chungah an bohmang niin lâwm naw la; an rinum nia khawm chapotakin ṭawng naw rawh.

MIKA 7:10

Chuongchun, ka hmêlma ka kuoma, “Khâwlai am LALPA i Pathien?” titu chun hmûng a ta, muolphonain ama chu inkhum a tih. Ka mithai hin ama chu en a ta; tuhin chu kawthlêr chirhak anga sirde ni tâng a tih.

ZEKARIA 12:3

Chu nia chun hieng hi hung nîng a ta, hnam po pohai ta dingin Jerusalem chu lung phurriksakah siem ka ta, chuonga amaa insukrik- tuhai po po nasataka sukhliem nîng an ta; chuongchun, hnuoi chunga hnam po pohai a chunga chun inhâwrkhâwm an tih,” tiin.