MIKA 3:4 - Pathien Lekhabu Inthieng (BSI)

⁴ Chu pha chun LALPA chu ko an ta, nisienlakhawm, anni chu dawn naw nih: anih, chu pha chun an thil thawah an thaw ṭhat nawzie ang peiin, an kuom tieng a hmai thup a tih.

MIKA 3:4 ပူးပေါင်းရင်းမြစ်များ

JOB LEKHABU (THE BOOK OF JOB) 27:9

Pathien chun a khêkri chu a ngai ding am a ni, A chunga buoina a hung tlung pha chun?

JOB LEKHABU (THE BOOK OF JOB) 35:13

Matheiloin, Pathien chun teplo mei mei chu ngai naw nih a, Iengkimthawthei chun ngaisak bawk naw ni.

INPÂKNA HLABU 18:41

Anni chu an khêk a, nisienla- khawm, sandamtu ding tukhawm an um si nawh, LALPA ngei chu an ko va, nisienlakhawm, a dawn si nawh.

THUVARHAI 1:28

Chun, kei chu mi hung ko an ta, nisienlakhawm, dawn naw ningah; Nguntakin mi hung zawng an ta, nisienlakhawm, mi hmu naw hi hai.

THUVARHAI 28:9

Dân chu ngai dinga a na sit nawtu chu, A ṭawngṭâina khawm chu tirdakum a nih.

ISAI 1:15

Chuongchun, in kut in phar pha khawm in tienga chun ka hmai hip tâng ka ta, anih, vawi tamtak in ṭawngṭai hnung khawmin ngai ta naw ningah; in kuthai chu thisenin a sip sih a.

ISAI 3:11

Mi suol chung chu a rik de! An la se ding a nih; an kuta thilthaw thung- na chu an kuoma pêk a la ni ding a ni sih a.

JEREMIA 11:11

Chuleiin, LALPA chun hieng hin a tih: Ngai ta, an chungah thil ṭha naw, an pumpel thei dêr lo ding chu ka hung intlungtir ding a nih; ka kuomah hung khêk an ta, nisienla- khawm, anni chu lo ngai naw ning ah.

JEREMIA 14:12

Bu an nghei pha khawm, an khêkri chu ngai naw ning a; in- thâwina le pumrawhmang thilinhlân an inhlân pha khawm pawmpêk naw ningah; amiruokchu, anni chu kâwl- hnâm le, ṭâm le hripuiin sukbohmang lem ka tih” a ta.

JEREMIA 33:5

Kaldaihai chu do dingin an hung a, ka lunginthaknaa le ka lungin- sennaa ka that ding mi ruonghaia suksip dingin, an suolnahai po po leiin hi khawpuia inthawk ka hmai ka thup ta si a.

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl tah a, ka mihai hlak chun, chuong chu nei an lo châk bawk sih a: a tâwpa chun ieng am thâw tâng i ta?

EZEKIEL 8:18

Chuleiin, kei khawma lungin- senin thaw vêng ka ta, ka mitin anni chu hla naw nih a, lunginsietna nei bawk naw ning; ka naa chun râwl inringtakin hung khêk hai sien- khawm, anni chu lo ngai naw ning,” tiin.

MIKA 3:7

Hmutheituhai chu inzak an ta, aisânthiemhai chu muolpho an tih; anih, an rêngin an hmûr hup an tih; Pathien dawnna a um si nawh a.

MIKA 7:13

Chuong sa khawm chun ram chu a sûnga chênghai le a thilthaw ra lei chun râusan nîng a tih.

ZEKARIA 7:13

Chun, ama a khêk laiin an ngai nawh a; chuongchun, anni chu khêk an ta, kei khawma ngai naw ningah, sipaihai LALPA chun a tih.

MATTHAI 7:22

Chu nia chun mi tamtakin, ‘Lalpa, Lalpa, i hmingin thu kan hrilin, i hmingin khawhri dâm kan hnawtdawkin, i hmingin thilmak tamtak kan thaw hlak a ni naw am a nih?’ la tîng an tih.

LUKA 13:25

In neitu chu a tho a, kawt a khâr hnung chun, nangnîn tuola ngîrin, ‘Lalpa, kawt mi hawngpêk rawh,’ tia kawtkhâr in hung nawk pha, ama chun, ‘Khâwtieng mi am in na, ka hriet naw cheu,’ tiin dawn a ti cheu.

JOHAN 9:31

Pathienin mi suol thu a ngai ngai nawh ti ei hriet; nisienlakhawm, tukhawmin Pathien a ngaisak a, a dit zâwng a thaw chun, Pathienin ama chu a thu a ngai hlak.

JAKOB 2:13

Mi chunga lunginsietna nei naw chu, lunginsietna ṭhang loa rorêl pêkin um a tih, lunginsietna chu rorêlna chunga chun ân suong hlak a nih.

1 SAMUEL 8:18

Chun, chu nia chun in la thlang ding in lal lei chun la khêk suok in ta, nisienlakhawm, chu nia chun LALPAIN dawn naw ni cheu,” a ta.