MATTHAI 9:33 - Pathien Lekhabu Inthieng (BSI)

³³ Chun, khawhri chu a hnawt dawk phingleh ṭawng thei naw chu a hung ṭawng tah a. Mipuihai chun mak an ti hleh a, “Israelhai lai khawm hieng ang hi hmu a ni ngai nawh,” an ta.

MATTHAI 9:33 ပူးပေါင်းရင်းမြစ်များ

2 LALHAI 5:8

Nisienlakhawm, Elisa Pathien mi chun Israel lal chun a puonhai a keithlêr ti a hriet phingleh lal kuoma chun mi a tir a, “Iengdinga i puonhai i keithlêr am a na? tuhin ama chu ka kuomah inhungtir la, chuongchun, Israel rama hin zâwlnei a um ti hrieng a tih,” a ta.

INPÂKNA HLABU 76:1

Judahai lai chun Pathien chu hrietin a um a, Israelhai lai chun a hming a ropui a nih.

ISAI 35:6

Chu pha chun kebaihai chu sakhi angin inchâwm an ta, ṭawng thei- nawhai lei chun hlimtakin hla sak a tih; thlalêra chun tuihai chu hung inkhaw suok huou huou a ta; ram ṭâwla chun vadunghai tui chu hung inchik suok hur hur bawk a tih.

JEREMIA 32:20

ama chun vawisûn ni chen hin Aigupta rama chun inchiknahai le thilmakhai chu a thawh a, Israel rama le mi danghai kuoma khawm; vawisûn nia ang hin ama chun hming a siempêk cheh a.

MATTHAI 8:10

Isûn chuong thu chu a hrietin mak a ti hleh a, ama zuituhai kuoma chun, “Titakzetin ka hril cheu, Israel- hai lai khawm hieng ang lâwma ringna nasa hi ka hmu nawh.

MATTHAI 9:32

Chun, an suok lai takin, ngai ta, khawhri iman ṭawng thei naw pakhat a kuomah an hung ṭhuoi a.

MARKA 2:12

Chuongchun, ama chu a tho a, a puonpha chu a lâk a, an rênga mithmu ngei chun a suok tah a; chuongchun, an rêngin mak an ti hle a, “Hieng ang hrim hrim hi ei la hmu ngai nawh,” tîn Pathien an inpâk tah a.

LUKA 11:14

Chun, Isûn khawhri ṭawngthei- naw pakhat a hnawt dawk a. Chun, khawhri chu a suok phingleh ṭawngtheinaw chu a ṭawng tah a; chuongchun, mipuihaiin mak an ti hleh a.

LUKA 7:9

Chun, Isûn chuong thu chu a hrietin ama chu mak a ti hleh a, a nghah a, mipui a zuituhai kuoma chun, “Ka hril cheu hi, Israelhai lai khawm hieng ang lâwma ringna nasa hi ka hmu nawh,” a ta.