MATTHAI 9:11 - Pathien Lekhabu Inthieng (BSI)

¹¹ Pharisaihai chun chu chu an hmuin, a inchûktirhai kuomah, “Ieng- dinga in inchûktirtuin siedâwltuhai le mi suolhai lai a fâk am a na?” an ta.

MATTHAI 9:11 ပူးပေါင်းရင်းမြစ်များ

ISAI 65:5

“Nanga khât chauin ngîr rawh, mi hung hnai naw, nanga nêk chun kân thieng lem hi,” ti hlaktuhai chu an nih; chuonghai chu ka hnâra meikhu um, sûnnithlâka mei hring zing hlak chu a nih.

MATTHAI 11:19

Mihriem Naupa a hung a, a fâkin a dâwn a, ‘En ta u, bu he mi, uoin he mi, siedâwltuhai le mi suolhai ruolpa saw,’ an ti sih a. Nisien- lakhawm, Varna chu a thilthawhaiin an inthiem,” a ta.

MATTHAI 5:46

A hmangaituhai cheu chau in lunginsiet hin lâwmman ieng am hmûng in ta? Siedâwltuhai khawmin chuong angin an thaw ve a ni naw am a nih?

MATTHAI 9:10

Chun, ina chun thlaithlêng a awt laiin, ngai ta, siedâwltuhai le mi suolhai tamtak an hung a, Isu le a inchûktirhai chu an awtpui tâwl a.

MARKA 2:16

Chun, Pharisaihai laia Dân inchûktirtuhaiin Isûn mi suol le siedâwltuhai a awtpui an hmuin, a închûktirhai kuoma chun, “Iengtiziea siedâwltuhai lai a fâkin a dâwn am a na?” an ta.

LUKA 19:7

Chun, chu chu an hmu phingleh an rêngin, “Mi suol kuoma tlung dingin a lût ta saw,” an tih a, an chier a.

LUKA 5:30

Chun, Pharisaihai, an Dân inchûktirtuhai le chun a închûktirhai chungah an chier a, “Ieng dinga siedâwltuhai le mi suolhai lai in fâk a in dâwn am a na?” an tih a.

THILTHAWHAI 11:3

a kuomah, “Sertan nawhai inah i lût a, an kuomah i fâk vei a,” an ta.

GALATI 2:15

Keini chu Jentail mi suolhai ni loin Juda mi hrima pieng kan na;

HEBRAIHAI 5:2

Chuonghai chun iengkhawm hre nawhai le lampui inhmanghai chungah zai an daw thei hlak a nih, anni ngei khawm hrât nawna inhuol vêla an um bawk leiin.

2 JOHAN 1:10

Tûkhawm, chu inchûktirna thu chu hung chawi loin, in kuomah hung sienla, in inah intlungtir naw unla, ṭawngbau ṭha khawmin inthla naw ro;