MATTHAI 8:4 - Pathien Lekhabu Inthieng (BSI)

⁴ Chun, Isûn a kuomah, “Tu- khawm hril lo dingin fîmkhur rawh aw; amiruokchu, thiempu kuomah vân entir la, Mosiein pêk dinga a ruothai kha inhlân rawh, an hriet felna dingin,” a ta.

MATTHAI 8:4 ပူးပေါင်းရင်းမြစ်များ

ISAI 42:21

Dân chu a felna leia sukliena sukinzaum chu LALPA chun ṭha a tih a.

LEVI DÂN 13:49

chu hri chu silfêna manih, savuna manih, a khâwnga khâwng amanih, a phiera phier amanih, ieng- khawm savuna siem amaniha a hring deuin amanih, a sen deuin amani khawm a hung inlang suok chun, inphâr hri a na, thiempu inentir ding a nih.

MATTHAI 10:18

anih, hotuhai le lalhai hmaah annihai le Jentailhai inhriettirna dingin, keima leiin la ṭhuoi an ti cheu.

MATTHAI 16:20

Chu hnunga chun Krista a ni ti tukhawm hril lo dingin inchûktirhai chu a ti tlat a.

MATTHAI 17:9

Chun, tlânga inthawka an ṭum lai chun, Isûn an kuomah, “Mihriem Naupa hi mithi laia inthawka a thonâwk hmakhat chu in thil hmu kha tukhawm hril naw ro,” tiin thu a pêk tah a.

MATTHAI 3:15

Nisienlakhawm, Isûn a kuom- ah, “Tuhin remti hrâm rawh, hieng anga felna po po sukkim hi ei ta dingin a mawi a nih,” tiin a dawn a. Chuongchun, rem a ti tah a.

MATTHAI 5:17

“Dân thu amanih, zâwlneihai thu amanih sukbo dinga hung ka ni ring naw ro, sukbo dinga hung ka ni nawh a, sukkim dinga hung ka ni lem.

MATTHAI 6:1

“In thil ṭha thawhai chu mihriem hmaa, an ihmu dinga thaw lo dingin fimkhur ro; chuong naw chun in Pa vâna mi kuomah lâwmman nei naw ti niu.

MATTHAI 9:30

Chuongchun, an mit chu a hung var tah a. Chun, Isûn an kuomah, “Tukhawm ihriet naw dingin fimkhur ro,” a ti tlat a.

MARKA 13:9

“Nisienlakhawm, fimkhur ro, rorêltuhai an inmantir ding cheu a nih; inkhâwmna inhaiah vuong an ti cheu a, keia leiin hotuhai le lalhai hmaah anni inhriettirna dingin la ngîr bawk in tih.

MARKA 3:12

Chun, ama chun a chanchin chu phuong lo dingin an kuomah a ti tlat pei a.

MARKA 5:43

Chun, amân an kuomah, “Hi hi tukhawmin hre naw raw hai se,” a ti tlat a, chun fâk ding pêk ding thu a pêk tah a.

MARKA 6:11

Chun, khâwlai khuo khawmin an lâwm naw cheu a, in thu an ngâi nawna poah, chutaka inthawka in suok pha chun, anni inhriettirna dingin in kepha hnuoia pilvut kai chu thinthla ro,” a ta.

MARKA 7:36

Chun, ama chun an kuomah tukhawm hril lo ding a ti tlat a; nisienlakhawm, a khap nasa deu leh, an khêk vêl pui nasa hman hlak a.

MARKA 8:30

Chun, ama chun a chanchin thu chu tukhawm hril lo ding a ti tlat a.

MARKA 9:9

Chun, tlânga inthawk an ṭum laiin, Mihriem Naupa mithi laia a thonâwk hnunga chau naw chu an iengkhat hmuhai chu tukhawm hril naw ding a ti tlat a.

LUKA 17:14

Chun, ama chun anni chu a hang hmu chun, “Thiempuhai kuomah vân entir ro,” a ta. Chun, an fe lai chun an hung inthieng tâwl tah a.

LUKA 21:13

Chu chu in ta dingin thuinhriettirna remchâng la ni hman hman a tih.

LUKA 4:41

Chun, khawhrihai khawm, “Pathien Naupa i nih,” tia khêkin, mi tamtak sûnga inthawkin an hung suok a. Chun, anni a hal a, Krista a nih ti an hriet leiin an ṭawng a phal nawh a.

LUKA 5:14

Chun, a kuomah, “Tukhawm hril naw rawh, amiruokchu, thiempu kâwlah vân entir la, i în thienna dingin Mosie ruot angin inhlân rawh, mihai inhriettirna dingin,” a ti tlat a.

LUKA 8:56

Chun, a nu le pa chun mak an ti hleh a; nisienlakhawm, ama chun, a thilthaw chu tukhawm hril lo dingin a ti tlat a.

LUKA 9:21

Chun, chu thu chu tukhawm hril lo ding ti tlatin, thu a pêk a.

JOHAN 5:41

“Mihriem ichawimawina ka pawm nawh.

JOHAN 7:18

Tûkhawm mâni phuokfâwm thu hril chu mâni mawina zawng a nih; a tirtu mawina zawng ruok chu, ama chu mi tak zet a nih, amaa chun indik nawna hrim a um nawh.

JOHAN 8:50

Mâni mawina zawng ka ni nawh; a zawngtu le a ngaituotu mi pakhat a um a nih.