MATTHAI 7:24 - Pathien Lekhabu Inthieng (BSI)

²⁴ “Chuongchun, mi tin hieng ka thu hrea zâwm taphawt chu, mi var lungpui chunga in bâwltu leh hrilkhi ding a nih.

MATTHAI 7:24 ပူးပေါင်းရင်းမြစ်များ

JOB LEKHABU (THE BOOK OF JOB) 28:28

Chun, mihriem kuoma chun, ‘Ngai ta, Lalpa ṭi chu, varna a nih; Suola inthawka fe hmang chu hrietthiemna a ni bawk a,’ a ta,” tiin

INPÂKNA HLABU 111:10

LALPA ṭina chu varna bul a na, Chuong anga thaw taphawthai chun hrietthiemna ṭha an nei a. Ama inpâkna chu kumkhaw- tluonga um ding a nih.

INPÂKNA HLABU 119:130

I thu hrilfie hin mihai a sukvar a, Mi mâwlhai chu ân hrietthiem- tir hlak.

INPÂKNA HLABU 119:99

A mîn chûktirtuhai po po nêkin varna ka nei lem a nih, I thuinhriettirhai hi ka ngaituo a ni hlak leiin.

THUVARHAI 10:25

Thlivir chu a fe hmang el hlak angin, mi khawhlo chu a um ta nawh a, Nisienlakhawm, mi fel chu kumkhaw lungphûm ang a nih.

THUVARHAI 10:8

Lungrila var chun thupêkhai pawm a ta, Hmûr khêlinhlip ruok chu sukhnuoi nîng a tih.

THUVARHAI 12:7

Mi khawhlohai chu pei thlâkin an um a, an um ta nawh a, Nisienlakhawm, mi fel insûng ruok chu a ngîr zing hlak.

THUVARHAI 14:8

Mi var varna chu a lampui hrietthiem chu a na, Mi invêt invêtna ruok chu khêlthu chu a nih.

MATTHAI 12:50

Tukhawm ka Pa vâna mi dit zâwng thaw taphawt chu, ka unau le, ka farnu le, ka nuhai an nih in sawnnaw,” a ta.

MATTHAI 16:18

Chun, nang Peter i nih ti ka hril che; hi lungpui chunga hin ka kohran rem ka ta, mithi khuo kul kawtkhârhai chun chu chu ngam naw ni hai.

MATTHAI 24:45

“Suok ringum vartak, a puin a hun po leh an bu chan ding sem pêk dinga a sûnghai chunga hotua a siem chu tu tak am nîng a ta le?

MATTHAI 25:2

Anni lai chun panga an var a, panga an invêt a.

MATTHAI 25:4

A varhai ruok chun an khâwn- vartui bûrhaiah a tui thunin, khâwn- varhai leh an chawi a.

MATTHAI 25:9

Nisienlakhawm, a varhai chun, ‘Keini le nangni ta dingin indai naw ni; a zawrtuhai kuomah fe unla, inchaw lem ro,’ tiin an dawn a.

MATTHAI 7:25

Ruo dâm a hung sûr a, tui dâm a hung lien a, thli dâm a hung hrâng a, chu in chu a hung nam sawk sawk a; nisienlakhawm, a chim nawh a; lungpui chunga rem tlat a ni leiin.

MATTHAI 7:26

Chun, mi tin hieng ka thu hrea zâwm naw taphawt chu mi invêt phaiphin chung ela in bâwltu leh hrilkhi ding a nih.

LUKA 11:28

Ama ruok chun, “Anih, nisien- lakhawm, Pathien thu hrea zâwmhai hi mi hamṭha an ni lem,” a ta.

JOHAN 13:17

Chuong thil chu in hriet chun, thaw unla, hamṭhâng in tih.

JOHAN 14:15

“Nangnîn in mi hmangai chun, ka thupêkhai chu zâwm in tih.

JOHAN 15:10

Nangnîn ka thupêkhai in zâwm chun ka ihmangaiin um zing in tih; keiin ka Pa thupêkhai ka zâwm a, a ihmangaia ka um zing ang bawk hin.

JOHAN 15:14

Thu ka pêk taphawt cheu in thaw chun, ka ruolhai nîng in tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:13

Dân hretu ringawthai chu Pathien mithmuin mi fel an ni nawh a, Dân anga thawtuhai chu mi fela tiemin um lem an tih.

1 JOHAN 2:3

Chun, a thupêkhai pawm ei ni chun, chutaka chun ama chu ei hriet ti ei inhriet.