MATTHAI 6:9 - Pathien Lekhabu Inthieng (BSI)

⁹ “Chuongchun, nangni chu hieng ang hin ṭawngṭai ro: Kan Pa vâna mi, I hming inzaum raw se, I ram hung tlung raw se.

MATTHAI 6:9 ပူးပေါင်းရင်းမြစ်များ

2 SAMUEL 7:26

Chun, ‘Sipaihai LALPA chu Israelhai Pathien a nih,’ tiin, i hming chu chatuona chawimawiin um raw se; chuongchun, i siehlaw David sûng- hai hi i hmaa suknghetin um an tih.

1 LALHAI 8:43

nangin i umna vâna inthawkin lo ngai la, hnam dang mi chun a hni ang che chu lo thawpêk rawh; i mi Israelhai ang bawka khawvêla hnam tinin i hming an hriet a, an ṭi cheh a, hi ka in bâwl hin i hming a put a nih ti an hung hriet theina dingin.

1 CHANCHIN SUINA 17:24

‘Sipaihai LALPA chu Israelhai Pathien a na, Israelhai Pathien ngei chu: i siehlaw David sûngkuo khawm chu nangma hmaa sukdet a nih,’ tiin, i hming chu tungdinga kumkhuoa chawimawi ni raw se.

2 CHANCHIN SUINA 20:6

A hril a, “Aw LALPA, kan thlatu- hai Pathien, nang chu vân Pathien i ni naw am a nih? Hnamhai lalram po pohai chunga rorêltu chu nang i ni naw am a nih? I kuta chun hrâtna le thilthawtheina a um a, chuleiin, tukhawma dang thei naw ni hai che.

NEHEMIA 9:5

Chuongchun, Levi mi, Jesua, Kadmiel, Bani, Hasabneia, Serebia, Hodia, Sebania le Pethahia hai chun an hril a, “Ngîr unla, LALPA in Pathien chu chatuona inthawka cha- tuon chenin inpâk ro khai; chun, chawimawina le inpâkna po po khawmin a phâk lo, i hming ropui chu inpâkin um raw se.

INPÂKNA HLABU 111:9

Ama chun a mihai kuomah intlanna a hung tir a, A thuthlung chu kumkhuoa dingin a ruot a, A hming chu ân thiengin inza a um a nih.

INPÂKNA HLABU 115:3

Kan Pathien chu vânah a um sih a, A nuom taphawt a thaw a nih.

INPÂKNA HLABU 72:18

LALPA Pathien, Israelhai Pathien chu inpâkin um raw se, Ama chau hin thilmak a thaw hlak a.

ISAI 37:20

Chuleiin, aw LALPA kan Pathien, nang hi, nang chau hi, LALPA i nih ti leihnuoi hluo ram po po hin an hriet theina dingin annia inthawk hin mi sandam rawh,” tiin.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti sih a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 6:3

Chun, “Sipaihai LALPA chu ân thieng ie, ân thieng ie, ân thieng ie, hnuoi pumpui chu a ropuinain a sip a,” tiin, an inkhêk tuo an inkhêk tuo hlak a.

ISAI 63:16

Abraham chun mi hre loin, Israel khawm chun mi ngaisak naw sien khawm, nang chu ka pa i ni sih a; nang chu, aw LALPA, kan pa i na, i hming chu chatuona inthawka keini mîn tlantu a nih.

ISAI 64:8

Tu ruok hin chu aw LALPA, nang chu kan pa i na; keini hi bepil kan na, nang chu a mi hemtu i na, chuong- chun, kan rêng hin i kutsuok kan nih.

ISAI 66:1

LALPA chun hieng ang hin a tih, “Vân ka ṭhungpha a na, hnuoi ka ke innghatna a nih; in ieng ang am in mi bâwlpêk ding a na? Khâwlai hmun am a na ka châwlna ding chu?

EZEKIEL 36:23

Chun, ka hming ropuitak chu, hnamhai laia sukpawrchea lo um tah, anni laia in lo sukpawrche ta chu sukthieng ka ta; chuongchun, hnam- hai chun LALPA chu ka nih, ti mi hre tâng an tih, Lalpa PATHIEN chun a tih; an mithmua nangnia sukthienga ka um pha chun.

EZEKIEL 38:23

Chun, kei le kei inchawimawiin, insukthieng ka ta, hnam tamtakhai mithmua chun kei chu insukhmêl- hriet ka ta; chun, LALPA chu ka nih ti mi hre tâng an tih.

LEVI DÂN 10:3

Chuongchun, Mosie chun Aron kuomah, “Hi hi a nih LALPAIN, ‘A mi hnaituhaia chun inthiengin inlang ka ta, mipui po po hmaa chun chawi- mawiin um ka tih,’ tiha a hril kha,” a tih a. Aron chu a to zing a.

HABAKKUK 2:14

Tuisuoriet chu tuihaiin ân khum angin, LALPA ropuina hrietna chun hnuoi hi a suksip ding a ni sih a.

ZEKARIA 14:9

Chun, LALPA chu leihnuoi po po chunga laltak ni tâng a ta, chu nia chun LALPA chu pakhat nîng a ta, a hming khawm pakhat chau nîng a tih.

MALAKI 1:11

Nisa suoknaa inthawka a tlâk- na chenin Jentailhai lai hman ka hming hi a ropui a na; hmun tinahai chun riminhnik dâm ka hminga in- hlân a na, thil inthieng inhlân leh; Jentailhai lai hman ka hming chu a ropui sih a, sipaihai LALPA chun a tih.

MATTHAI 10:29

Chawngzawng pahni dâr tang- ka pakhatin an zawr hlak a ni naw am a nih? nisienlakhawm, anni laia pakhat khawm in Pa boin hnuoiah tla naw ni.

MATTHAI 23:9

Chun, hnuoi chunga hin tu- khawm, ‘Pa,’ ti naw ro; in Pa chu pakhat chau a nih, vâna mi khi.

MATTHAI 26:29

Nisienlakhawm, ka hril cheu hi, ka Pa rama nangni le a thar ka dâwn ni a tlung hmakhat chun tuta inthawkin grêp hrui raa hi dâwn nâwk ta naw ning,” a ta.

MATTHAI 26:42

Chun, vawi hninaah a va feh a, a ṭawngṭai nâwk a, “Aw Pa, ka dâwn loa hi no hin a mi khêl thei lul naw chun, nangma thu thu ni raw se,” a ta.

MATTHAI 5:16

Chuong ang bawkin in var chu mi mithmuah var raw se; chuong- chun, in thilthaw ṭhathai hmûng an ta, in Pa vâna mi chawimawi thei an tih.

MATTHAI 5:48

Chuongchun, in Pa vâna mi a ṭhafamkim angin in ṭhafamkim ding a nih.

MATTHAI 6:14

“Mi an bawsiethai in ngaidam chun, in Pa vâna mîn ngaidam vêng a ti cheu.

MATTHAI 6:6

Nang ruok chun i ṭawngṭaiin, i pindan sûng rilah lût la, i kawt khâr la, i Pa arûka um kuoma chun ṭawng- ṭai rawh; chuongchun, i Pa arûka hmutu che chun thung a ti che.

MATTHAI 7:11

Chuongchun, nangni mi suol hmanin in nauhai thil ṭha pêk nachang in hriet chun, in Pa vâna mi chun a hnituhai chu thil ṭha a pêk lem hman hman naw ding am a nih?

LUKA 15:18

Tho ka ta, ka pa kuomah fêng ka ta, Pa, vâna mi chunga le nanga mithmuin thil ka suksuol a.

LUKA 15:21

Chun, a kuomah a naupa chun, ‘Pa, vâna mi chungah le nanga mithmuin thil ka suksuol a; i naupaa inbûk tlâk ka ni ta nawh,’ a ta.

LUKA 2:14

“A chunghnungtakah Pathien ropuitakin um raw se, Hnuoi chunga a ilâwm bêk bêk mihriemhai kuomah inremna thu inlêng raw se,” an tih a.

JOHAN 20:17

Chun, Isûn a kuomah, “Mi chel naw rawh, tu chen khawmin Pa kuomah ka la hang fe nawh; amiruokchu, ka unauhai kuomah va fe la, an kuomah, ‘Ka pa, in Pa, Ka Pathien, in Pathien kuomah ka lâwn ding a nih,’ a tih, va ti rawh,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:7

Rom khuoa Pathien idittakhai, mi inthieng ni dinga kohai po po kuomah; Pathien ei Pa le Lalpa Isu Kristaa inthawka lunginsietna le inremna in kuomah um raw se.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:15

Ṭia um nâwk dingin suok nina thlarau in hmu a ni si nawh a; nau nina thlarau in hmu lem a nih; chu thlarau zâra chun, “Abba! (Pa)” tiin ei khêk hlak hi.

GALATI 1:1

Paula, tirko (mihriemhai tir suok ni loa, mihriemhai zârah ni bawk loa, Isu Krista le mithi laia inthawka a keithotu, Pa Pathien zâra tirko ni lem) le,

GALATI 4:6

Chun, nau in ni leiin Pathienin a Naupa Thlarau chu, “Abba! (Pa!)” tia khêkin, ei lungrilah a hung tir a.

1 TIMOTHE 6:16

Ama chau chun thi thei nawna a nei a, var hnai thei ruol loa chun a um a, ama chu tûkhawmin an hmu ngai nawh a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

1 PETER 1:17

Chun, mi tin thlier bik nei loa, sinthaw ang peia ngaituo hlaktu chu Pa anga in lam chun hitaka in châm sûng po chu ṭi dêkin um ro.

THUPUONGSUO 4:11

“Nang kan Lalpa le kan Pathien, Ropuina dâm, chawimawina dâm, thilthawtheina dâm chu Hmu tlâk i nih ie, Nangin iengkim i siem a, I dit leia um le siem An ni bawk sih a,” tiin.

THUPUONGSUO 5:12

chuonghai chun rawl inring takin, “Berâmte that ta hi Thilthawtheina dâm, hausakna dâm, Varna dâm, hrâtna dâm, chawimawina dâm, ropuina dâm, Malsâwmna dâm hmu tlâk a nih ie,” an ta.