MATTHAI 6:4 - Pathien Lekhabu Inthieng (BSI)

⁴ chuongchun, i Pa a rûka hmutu che chun thung a ti che.

MATTHAI 6:4 ပူးပေါင်းရင်းမြစ်များ

INPÂKNA HLABU 139:12

Inthim khawma nangma kuoma chun iengkhawm a hlie nawh a, Zân hi sûn angin a var lem a nih: I ta ding chun inthim le var hi thuhmun zing a nih.

INPÂKNA HLABU 17:3

Ka lungril hi i fieh a, zânah nangin i mi hung sir a; I mi fie tah a, iengkhawm i hmu si nawh a; Ka baua hril suol lo chu ka tum tlat a nih.

INPÂKNA HLABU 44:21

Pathienin chu chu a zawng suok naw ding am a nih? Lungril thup rûkhai hi a hriet zing sih a.

THUVARHAI 25:22

A lu chunga chun meiling siekhâwl i ni ding a ni sih a, Chun, LALPA chun lâwmman pêng a ti che.

JEREMIA 17:10

Kei LALPA hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

JEREMIA 23:24

LALPA chun, ‘Mi tukhawm ka hmu lo dingah hmun fienrielahai ân bihmang thei am a nih?’ a tih. ‘Hnuoi le vân chu keia suksip a ni naw am a nih?’ LALPA chun a tih.

MATTHAI 10:42

Chun, tukhawm hieng mi chîn- tak laia pakhat kuoma hin, tirko a ni leia tuisik no khat chau khawm pe taphawt chun, titakzetin ka hril cheu hi, a lâwmman chu chân naw tawp a tih,” a ta.

MATTHAI 6:18

chuongchun, i Pa arûka um mithmua chau naw chun, mihriem mithmuah bungheiin inlang naw ti ni; chuongchun, i Pa arûka hmutu che chun thung a ti che.

MATTHAI 6:3

Titakzetin ka hril cheu, an lâwmman chu an hmu zo tah. Nang ruok chun mi kuoma thil i pêkin, i kut changtiengin a thaw chu i kut vawitiengin hre naw raw se; i thilpêk chu a rûk a ni theina dingin;

MATTHAI 6:6

Nang ruok chun i ṭawngṭaiin, i pindan sûng rilah lût la, i kawt khâr la, i Pa arûka um kuoma chun ṭawng- ṭai rawh; chuongchun, i Pa arûka hmutu che chun thung a ti che.

LUKA 14:14

chuongchun, la hamṭhâng i tih; anni chun thungna ding che nei naw ni hai a, chuongchun, mi fel tho nâwk pha chun thungin i um ding a ni sih a,” a ta.

LUKA 8:17

Phuong lo dinga ip iengkhawm a um nawh, hriet naw ding le inlang lo dinga thuphmang iengkhawm a um bawk nawh.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

HEBRAIHAI 4:13

Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.

JUDA 1:24

Chuongchun, in tlûk nâwna dinga vêng thei cheu le, a ropuina hma ngeiah nasataka hlimin inthieng nawna kai nawa sietheitu cheu,

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.

1 SAMUEL 2:30

Chuleiin, LALPA Israelhai Pathien chun, ‘Kei chun chu i sûnghai le i pa sûnghai chu kumkhuoin ka hmaah um in tih’ ka ti ngei a; nisienlakhawm, tuhin LALPA chun, ‘Um naw tawp in tih, a mi chawimawi taphawt chu chawimawi ka ta, a mi hmusit taphawt chu ka ngainêp an ni ding a ni sih a.