MATTHAI 6:19 - Pathien Lekhabu Inthieng (BSI)

¹⁹ “Hnuoia hângthim le tuiêkin a fâk sietnaah, inruhaiin an verpawpa an inrûknaa hin in ta dingin rohai inkhâwl naw ro.

MATTHAI 6:19 ပူးပေါင်းရင်းမြစ်များ

JOB LEKHABU (THE BOOK OF JOB) 24:16

Inthima chun inhai chu an chotlang a, Sûn hun sûnga chun an inkhârkhum a; Var hrim an hriet nawh.

JOB LEKHABU (THE BOOK OF JOB) 31:24

Ka beiseina chu rângkachaka ka siem chun, Rângkachak inthieng kuoma chun, ‘Nang hi ka ringsan tak chu i nih,’ ka ti chun;

INPÂKNA HLABU 39:6

Mi tin hi hlim angin an lêng takmeu a, An buoi thlâwn takmeu a nih. Ro ân khâwl khâwm hlak a, a hluotu ding a hriet si nawh a.

INPÂKNA HLABU 62:10

Nêksâwrna hi ring naw unla, Inrûkhmang hi sawngah nei bawk naw unla, Hausakna hung pung sien khawm, a chunga chun in lungril innghat bawk naw ro.

FESUOKNA 22:2

Inru chu ina a lût lai hmuin, vuokin lo thi ta sienla, ama chunga chun thisen phuba um naw nih.

THUVARHAI 11:4

Lungsen nia chun hausakna chu a ṭhahnem chuong nawh a, Felna ruok chun thinaa inthawkin a sansuok.

THUVARHAI 16:16

Varna nei hi rângkachak nêka ieng ang khieua ṭha lem am a na! Anih, hrietthiemna nei hi tangka nêka thlang lem ding a nih.

THUHRILTU 2:26

Pathien chun ama suklung- awitu kuoma chun varna le hriet- thiem theina le hlimna a pêk a, mi suol kuoma ruok chun Pathien suk- lungawitu kuoma pêk dinga lâk- khâwmna le siekhâwlna sin a pêk a. Hi khawm hi teplo el a na, lungril rimsikna el a nih.

ZEPHANIA 1:18

LALPA lunginsenna nia chun an tangkain amanih, an rângkachak- in amani khawm sansuok thei naw nih a; amiruokchu, ram pumpui chu a thîkna mei chun kâng hmang a tih; tâwpna chu, anih, rama chêngtuhai po po tâwpna râpthlâktak el chu ân tlungtir vak ding a ni sih a.

MATTHAI 19:21

Isûn a kuomah, “Ṭha famkima um i nuom chun, fe la, i nei chu zawr la, pasiehai kuomah pe rawh; chuongchun, vânah ro nei i tih; chun hung la, mi hung zui rawh,” a ta.

MATTHAI 6:20

Vânah, hângthim le tuiêkin a fâk siet nawnaah, inruhaiin an ver- pawpa an inrûk nawnaa chun, in ta dingin rohai siekhâwl lem ro;

LUKA 12:21

“Mâni ta dinga sum inkhâwl a, Pathien tienga hau si naw chu, chuong ang chu a ni hlak,” a ta.

LUKA 12:33

In nei taphawt chu zawr unla, pasiehai kuomah pe ro; vânah inru fe nawnaah, hângthim fâk siet nawnaa chun, tangka ip hlui thei nawhai, ro inhmang thei nawhai, inkhâwl ro.

LUKA 12:39

Amiruokchu, hi hi hre ro, inru a hung ding hun in neitu chun hre sienla, vêng a ta, a in inverpawptir naw ni.

LUKA 18:22

Chun, Isûn chu chu a hrietin a kuomah, “Tu khawm hin kawng khat i la bâk ie; i nei po po zawr la, pasiehai kuomah sem rawh, chuongchun, vânah ro nei i tih; chun, hung la, mi hung zui rawh,” a ta.

LUKA 18:24

Chuongchun, Isûn ama chu a en a, “Sum hauhai chu Pathien rama lût a vân tak âwm deh aw!

1 TIMOTHE 6:17

Hi khawvêla hausahai hi chapo naw ding le sum ringum nawah an beiseina innghat loa, thil po po lâwm- na dinga mi petu Pathien chunga chun innghat lem dingin kâwk rawh.

HEBRAIHAI 13:5

In lungril putzie chu tangka ngainatna ṭhang naw ni raw se, in thil nei sunhaia chun lungawi ro; ama ngeiin, “Iengtika khawm thlâthlam naw tawp ka ti cheh a, mâksan ngai naw bawk ka ti che,” a ti sih a.