MATTHAI 6:13 - Pathien Lekhabu Inthieng (BSI)

¹³ Suol dinga thlêmnaa chun mi ṭhuoi lût naw la, Mi suol laka chu mi sandam lem rawh, tiin.

MATTHAI 6:13 ပူးပေါင်းရင်းမြစ်များ

INṬANNA 22:1

Chuong thil hnunga chun Pathienin Abraham chu a fieh a, a kuomah, “Abraham” a ta. Ama chun, “Hitaka hi ka um” a ta.

1 LALHAI 1:36

Chun, Jehoiada naupa Benaia chun lal chu a dawn a, “Amen, LALPA ka pu lalpa Pathien khawma remti raw se.

1 CHANCHIN SUINA 16:36

LALPA Israelhai Pathien chu inpâkin um raw se. Chatuona inthawka chatuon chenin. Chun, mipui po po chun, “Amen,” an lo tih a, LALPA an inpâk tah a.

1 CHANCHIN SUINA 29:11

Aw LALPA, ropuina dâm, thil- thawtheina dâm, chawimawina dâm, hnena dâm, inlalna dâm i ta an na; hnuoi le vâna um po pohai chu i ta an ni vawng sih a; Aw LALPA, lalram chu nangma ta a na, mi po po chungah nang chu lu anga chawi- mawiin i um hi.

1 CHANCHIN SUINA 4:10

Jabez chun Israel Pathien chu, “Ka lungngai nawna dinga thil ṭhanawa inthawka mi vêngin, i kut chu ka chunga a um theina dingin, nangin mal mi hung sâwmin, ka ramrihai chu hung suklien ngei i tih,” tiin a ko a. Pathien chun a hni chu a phalpêk tah a.

INPÂKNA HLABU 10:16

LALPA chu kumkhawtluonga dingin laltak a na, Hnam tin chu ama rama inthawkin bohmang an tih.

INPÂKNA HLABU 106:48

LALPA Israel Pathien chu inpâkin um raw se. Chatuona inthawka chatuon chenin. Mi po po chun, “Amen,” ti raw se; LALPA chu inpâk ro.

INPÂKNA HLABU 22:28

Ram chu LALPA ta a na, Hnam tin chungah rorêltu a ni sih a.

INPÂKNA HLABU 41:13

LALPA, Israel Pathien chu, Chatuona inthawka chatuon chenin inpâkin um raw se, Amen, Amen.

INPÂKNA HLABU 47:2

LALPA Achunghnungtak chu ṭi a um sih a. Hnuoi chung po poah Lal ropuitak a nih.

INPÂKNA HLABU 47:7

Pathien chu khawvêl po po Lal a ni sih a, Hrethiema inpâkin hla sak ro.

INPÂKNA HLABU 72:19

A hming ropuitak hi kumkhawtluongin inpâkin um bawk sienla, Hnuoi pumpui khawm hi a ropuinaa suksipin um raw se; Amen, Amen.

INPÂKNA HLABU 89:52

LALPA chu kumkhuoin inpâkin um raw se. Amen, Amen.

FESUOKNA 15:18

LALPA chun chatuonin ro rêl a tih,” tiin.

THUVARHAI 30:8

Keimaa inthawka hlatakah teplo nina le khêlhlipna hi sawnhmang la, Hausakna amanih, pasietna amani khawm mi pe naw rawh; Keia ta dinga pawimaw bu chun mi châwm lem rawh.

JEREMIA 15:21

Mi rilohai kuta inthawk chun sansuok ka ti cheh a, thil ṭium kuta inthawk chun intlansuok bawk ka ti che.

JEREMIA 28:6

zâwlnei Jeremia ngei chun a hril a, “Amen: LALPA chun chuong chun thaw raw se; Babulona inthawka hi hmuna, sala lo intânghai po po le, LALPA ina bûr le bêlhai chu hung la kîr dingin, i thuhril chu LALPA chun thaw raw se.

DANIEL 4:25

chuongchun, mihriem laia in- thawka hnawt hmang nîng i ta, i chêngna chu rama ramsahai lai nîng a tih; chun, bâwngchalhai anga hlo- bet infâktir nîng i ta, vâna inthawka dâidâw chun sukhu ni bawk i tih; chun, hun sarihai chu i chunga chun fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chu.

DANIEL 7:18

Nisienlakhawm, Achunghnung- tak mi inthienghai chun ram chu chang an ta, chatuon, chatuon chenin ram chu nei an tih,’ tiin.

NAMBAR 5:22

Ṭawngsie intlungtirtu hi tui hi i rilah lût a ta, i phing sukvûng a ta, i êlpui sukchêr a tih, tîng a ta; chun, nuhmei chun, Amen, Amen a lo ti ding a nih.

MATTHAI 26:41

Thlêmnaa in lût nawna dingin inring zingin ṭawngṭai ro; thlarau chun chu a pei a, tisa ruok chu a hrât naw a nih,” a ta.

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

MATTHAI 5:37

‘A nih,’ in ti chu ‘a nih,’ ni sienla, ‘A ni nawh’ in ti chu ‘a ni nawh’ ni el raw se, chuonghai bâk chu suola inthawka suok a nih.

MATTHAI 6:10

I dit zâwng vâna mîn an thaw angin, hnuoia mîn thaw raw se,

JOHAN 17:15

“Nangin anni chu khawvêla inthawka i lâk suok dinga ngên ka ni nawh a, mi suola inthawk chun i hum ding a nih ka ti lem a nih.

1 KORINTH 10:13

Mihriem ituor thei ang bâk chu thlêmna hrim hrim in chungah a tlung ngai nawh. Pathien chu a ringum a nih; ama chun in tuor thei bâk chu thlêmna in tuor phal naw ni; in tuor theina dingin thlêmna ruolin tlân suokna lampui siem nghâl lem a tih.

1 KORINTH 14:16

Chuong naw chun, thlarauin malsâwmpêk la khawm, a hrenawhai umnaa um chun i lâwmthu hrila chun iengtin am “Amen” ti thei a ta, i thu hril chu hre thei naw sain?

2 KORINTH 1:20

Pathien thutiem chu iengzât khawm ni sien la, amaa chun, “A nih,” ti chu a um sih a. Chuongchun, ama lei khawmin, “Amen,” ti chu a um a nih, keinihai leia Pathien ropuina dingin.

GALATI 1:4

ama chun ei Pathien le ei Pa remtizâwngin tulai khawvêl suoltaka a mi san suok theina dingin, ei suolhai aiin ama ân pe tah a;

DÂN PAHNINA 8:16

in pi le puhai hriet ngailo man- na chun a châwm cheu a, tuta hnunga in hung ṭhat theina dingin a sukhnuoi cheu a, a fie theina ding cheuin.

DÂN PAHNINA 8:2

Chun, a thupêkhai chu in zâwm ding le ding naw, in lungril hrietna dinga fiena ding le inngaitlâwmtir ding cheua thlalêra kum sâwmli a ṭhuoina cheu lampuihai po po kha hre zing ro.

1 THESSALONIKA 1:10

a Naupa mithi laia inthawka a ikeitho, lunginsenna hung tlung dinga inthawka a mi sansuoktu Isu kha vâna inthawka hung lo nghâk dinga in nghatsanzie khawm kha an inhriettir bawk hlak a nih.

2 THESSALONIKA 3:3

Amiruokchu, Lalpa chu ring a um a, ama chun sukdetin mi suolhai lai chun hum a ti cheu.

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

HEBRAIHAI 11:36

Mi dang khawmin suknawmnat le vuokhai an tuor a, anih, chu naw khawm chu kawlbun le intângna ina khum dâm an tuok bawk a,

1 PETER 5:8

Ngaiven unla, fimkhur ro; in khingpui Diebol chu sakeibaknei inrûm hlak angin a fâk thei ding zawngin ân vêl ruoi hlak a nih.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol sih a, Pathien Naupa hung inlang san tak chu Diebol sin- thawhai a sukbohmang theina dingin a nih.

THUPUONGSUO 1:18

Mi Hring chu ka nih, ka lo thi a, nisienlakhawm, ngai ta, kumkhuoa dingin ka hring nâwk ta a nih. Thina le Mithi Khaw chabihai chu ka nei bawk a.

THUPUONGSUO 19:1

Chuong hnunga chun vânah mipui nasatakhai rawl inring- tak ni âwmtak hin, “Halleluia, san- damna dâm, ropuina dâm, thil- thawtheina dâm, ei Pathien ta a nih.

THUPUONGSUO 19:4

Chun, upa sâwmhni le pali le thilhring palihai chu an bawkkhup a, “Amen, Halleluia,” tiin Pathien lalṭhungphaa ṭhung chu chibai an bûk a.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.

THUPUONGSUO 21:4

An mita inthawkin mitthli po po hrufai a ta; Thina um nâwk ta naw nih a, Lungngai dâm, ṭap dâm, nat dâm khawm, Um nâwk ta bawk naw nih a; Thil hmasahai chu a bo tah,” tiin.

THUPUONGSUO 3:10

Ka selna thu i pawm lei khan, hnuoia umhai fie dinga khawvêl po po chunga fiena hun hung tlung dinga inthawk chun, kei khawmin humhim ka ti che.

THUPUONGSUO 3:14

“Chun, Laodikeia tirko kuoma chun hieng hin ziek rawh:— “Amen, thuhretu ringum le indik- tak, Pathien thilsiem bul khan, hieng thu hi a hril a nih;

THUPUONGSUO 5:13

Chun, vân le hnuoi chung le, hnuoi hnuoi le, tuisuoriet chunga thilsiem tinrêng umhai le, chuonghai sûnga um po pohaiin, “Lalṭhungphaa ṭhung le, Berâmte kuoma chun, Malsâwmna dâm, chawimawina dâm, Ropuina dâm, rorêlna dâm, Chatuonin um raw se,” an ti ka hriet bawk a.