MATTHAI 5:5 - Pathien Lekhabu Inthieng (BSI)

⁵ “Zainêmhai chu an hamṭha; hnuoi ro hi an la hluo ding a ni sih a.

MATTHAI 5:5 ပူးပေါင်းရင်းမြစ်များ

INPÂKNA HLABU 147:6

LALPA chun thuhnuoirawlhai chu a chel zing a, Mi rilohai chu hnuoiah a pei thlâk hlak.

INPÂKNA HLABU 149:4

LALPA chu a mihai chungah a lâwm si hlak a, Thuhnuoirawlhai chu sandamin sukmawi a tih.

INPÂKNA HLABU 22:26

Thuhnuoirawlhai chun fâng an ta, tlai an tih: Ama zawngtuhai chun LALPA chu inpâk an ta, An lungril chu kumkhuoin hringin um raw se.

INPÂKNA HLABU 25:13

A hringna chu inhawitirtakin um a ta, A thlahai chun ram chu la hluong an tih.

INPÂKNA HLABU 25:9

Thuhnuoirawlhai chu rorêlna felah ṭhuoi a ta, Thuhnuoirawlhai chu ama lampui chanchin inchûktir bawk a tih.

INPÂKNA HLABU 37:11

Thuhnuoirawlhai ruok chun ram hi hluong an ta, Inremna nasatak chungah lâwm an tih.

INPÂKNA HLABU 37:22

A malsâwmna dawngtuhai chun ram hi hluong an ta, A ṭawngse phurtuhai chu sukbohmangin an um ding a nih.

INPÂKNA HLABU 37:29

Mi felhai chun ram hi hluong an ta, A sûnga hin kumkhuoin um an tih.

INPÂKNA HLABU 37:34

LALPA chu nghâk la, a lampui chu hraw rawh, Chuongchun, ram chu hluo dingin chawimawi a ti che. Mi rilohai sukbohmanga an um lai chu la hmûng i tih.

INPÂKNA HLABU 37:9

Thil ṭha naw thawtuhai chu sukbohmangin an um ding a ni sih a, LALPA nghâktuhai ruok chun ram hi hluong an tih.

INPÂKNA HLABU 69:32

Mi rimsihai chun chu chu an hmuh a, an lâwm a, Nangni Pathien zawngtuhai, in lungril chu hringin um raw se.

ISAI 11:4

rimsihai chu feltakin ro rêlpêk lem a ta, hnuoia mi thuhnuoirawlhai ta ding chun thlierbîk nei loin kâwkpêk bawk a tih; a bau hembâwk chun hnuoi hi vuong a ta, a hmûra thuok chun mi rilohai chu that a tih.

ISAI 29:19

Thuhnuoirawlhai khawmin LALPAA chun an hlimna chu sukpung tâng an ta, mihriem laia rimsihai chu Israelhai Mi Inthienga chun lâwm tâng an tih.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 61:1

Mi rimsihai kuoma chanchin ṭha hril dingin LALPAIN hriek a mi nâl leiin, Lalpa PATHIEN thla- rau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

ZEPHANIA 2:3

Nangni a rorêlnahai anga thaw- tu, hnuoi chunga zainêm po pohai, LALPA chu zawng ro; felna chu zawng unla, zainêmna chu zawng ro; LALPA lunginsenna nia chun thupa in um theina dingin.

NAMBAR 12:3

Mosie chu hnuoi chunga mihriem po poa zainêm tak a na.

MATTHAI 11:29

Ka rîngkawl bât unla, ka kuomah inchûk ro; thuhnuoirawl le lungrila inngaitlâwmtak ka ni hi; chuongchun, in thlarau ta dingin châwlna hmûng in tih.

MATTHAI 21:5

“ ‘En ta, i Lal chu thuhnuoirawltakin, Sabengtung chungah, sabengtungtê chunga ngeia chuongin, I kuomah a hung ding a nih,’ tiin, Zion naunu chu hril rawh,” ti hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:13

Dân leiin Abraham le a thlahai kuoma chun khawvêl ro hluo ding thu chu tiem a ni nawh a, ringnaa felna lei a ni lem.

GALATI 5:23

thuhnuoirawlna dâm, insûm- thei na dâm a ni lem: chuong ang kal zâwngin Dân thupêk hrim a um nawh.

EPHESI 4:2

inngaitlâwmna le thuhnuoirawl- na po po neia, hmangainaa indâwtuo puma dâwtheina neia,

KOLOSSA 3:12

Chuongchun, Pathien mi thlang, mi inthieng le dittakhai angin inlai- natna lungril dâm, ngilneina dâm, inngaitlâwmna dâm, thuhnuoirawlna dâm, dawtheina dâm chun inthuom ro.

1 TIMOTHE 6:11

Nisienlakhawm, nang Pathien mi, chuong thilhai chu tlânsan la, felna dâm, Pathien ngaisakna dâm, ringna dâm, hmangaina dâm, daw- theina dâm, thuhnuoirawlna dâm hnawt pei rawh.

2 TIMOTHE 2:25

ama do dinga insiemhai chu thuhnuoirawl takin ân chûktir lem ding a nih; chuongchun, sima thutak an hung hriet theina dingin Pathienin hun remchâng a pêk el thei a nih;

TITA 3:2

tûkhawm hrilsiet naw ding dâm, kâwmaw insuo naw ding dâm, mi po po kuomah thuhnuoirawlna tinrêng suklanga nuninnêm ding dâmin anni inhriet suotir nâwk rawh.

JAKOB 1:21

Chuleiin, inthieng nawna po po le suol sip liem chu sie hmang unla, thu tu, in thlarau sandam thei chu thuhnuoirawl takin pawm ro.

JAKOB 3:13

Nangni lai tû am vara, thu hre thei a um a? Thuhnuoirawltak le vartakin a thilthawhai a um dân ṭhain inentir raw se.

1 PETER 3:15

Amiruokchu, in lungrilah Krista chu Lalah ruot ro; nangnia um in beiseina san chu ân dawn taphawt cheu chu dawn dingin inzosa rawp ro.

1 PETER 3:4

lungrila mihriem thupa um, lungril thuhnuoirawl le nuninnêm silfên se thei loa inthuom ni lem raw se, chu chu Pathien mithmu chun a hlu bêk bêk a nih.