MATTHAI 5:45 - Pathien Lekhabu Inthieng (BSI)

⁴⁵ in Pa vâna mi nauhai in ni theina dingin; ama chun mi suolhai le mi ṭhahai chunga chun a nisa ân suoktir a, mi fel le mi fel nawhai chunga khawm ruo ân sûrtir hlak a nih.

MATTHAI 5:45 ပူးပေါင်းရင်းမြစ်များ

JOB LEKHABU (THE BOOK OF JOB) 25:3

A sipaihai chu iengzât tawp am an ni leh? Anni chunga chun a var chu a suok naw am a nih?

INPÂKNA HLABU 145:9

LALPA chu iengkim chunga khawm a ṭha a nih; A lainatnahai chu a thil siem po po chungah a um a.

JEREMIA 5:24

An lungril khawma, “LALPA ei Pathien, a huntaka ruo hmasa le nuhnung petu, ei ta dinga busîk hun haptahai mi ruotpêktu chu ṭing ei tiu,” khawm an ti dêr nawh.

MATTHAI 5:9

“Inremna siemtuhai chu an hamṭha; Pathien nauhai inbûkin an la um ding a ni sih a.

LUKA 6:35

Amiruokchu, in hmêlmahai hmangai unla, an ṭhatna ding thaw unla, inpûktir ro, beidawng dêr loin; chuongchun, in lâwmman tam a ta, Achunghnungtak nauhai ni bawk in tih; ama chun mi lâwmnachâng hre lohai le mi suolhai a lunginsiet hlak.

JOHAN 13:35

In inhmangai tuo chun mi po poin ka închûktirhai in ni ti chutaka chun hrieng an tih,” a ta.

THILTHAWHAI 14:17

Nisienlakhawm, ama inhriettir- na um loin ân siem ngai nawh. Chuongchun, thil a thaw ṭha hlak a, vâna inthawka ruohai le kum ṭhat kumhai a pêk cheu a, in lungril fâk ding le lâwmnain a suktlaipêk hlak cheu kha,” an ta.

EPHESI 5:1

Chuongchun, a nau dittakhai angin Pathien umdân latuhai ni ro.

PHILIPPI 2:15

suon rilo le kâwmawhai laiah, demkâilo le pawitâwklo, Pathien nau sawisêlbohai in ni theina dingin.Annirawi laia hringna thu in inhlan pha chun, khawvêla hin sukvartu dingin insuklang ro.

1 JOHAN 3:9

Tûkhawm Pathien inei chun, Pathien chi amaa a um zing leiin thil a suksuol ngai nawh; Pathien inei a ni leiin thil a suksuol thei bawk nawh.