MATTHAI 5:42 - Pathien Lekhabu Inthieng (BSI)

⁴² A hnitu che kuoma chun pe la, i kuoma pûk nuomtu chu nghatsan naw.

MATTHAI 5:42 ပူးပေါင်းရင်းမြစ်များ

INPÂKNA HLABU 37:21

Mi rilo chun a pûk a, a pêk nâwk ngai nawh a, Mi fel ruok chun mi a lunginsiet a, a pêk lem hlak.

THUVARHAI 19:17

Mi pasie lunginsiettu chun LALPA ân pûktir a na, A thil thaw ṭha chu ama chun pe nâwk a tih.

THUVARHAI 21:26

Sûnnithlâk thlâk ela duâmtak- a inhnar hlak chu a um a, Mi fel ruok chun a pêk a, ân ro ngai nawh.

THUHRILTU 11:6

Zingkâr chun i thlaichi chu thlâk la, zântienga khawm i kut chu la kîr naw rawh; a ieng lem am a hung hlawtling ding, a hi am a nih a kha am a nih, an pahni ve vein angkhat an ni ding am khawm i hriet si nawh a.

DANIEL 4:27

Chuleiin, aw lalpa, ka thurâwn hi i kuoma chun pawmtlâka ngai ni raw se; i suolnahai chu felnain thleng la, i khawhlonahai chu mi rimsihai chunga lunginsietna inentir bawk rawh; i sukdik nawnahai hi sukdama a um ding chun chu,” a ta.

MATTHAI 5:41

Mêl khat fe dinga phût luitu taphawt che kuoma chun mêl hni fe rawh.

LUKA 11:41

Nisienlakhawm, a sûnga thil um chu mi rimsihai kuoma pêk dingin hmang ro; chuongchun, ngai ro, in ta dingin iengkim ân thieng tah a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:20

Chuleiin, i hmêlma a phîng a ṭâm chun fâk ding pe la, a dang a châr chun dâwn ding pe rawh; chuong anga i thaw chun a lu chunga meiling i sie khâwl nîng a tih.

HEBRAIHAI 13:16

Nisienlakhawm, thil sukṭhat le tiktlai hi theinghil naw ro; chuong ang inthawina chunga chun Pathien a lungni bêk bêk sih a.

HEBRAIHAI 6:10

In sin thaw le a hming leia hmangaina in inlangtir, mi inthieng- hai rawng in ibâwl, tu chen khawma in ila bâwl rawp chu theinghil dingin Pathien chu mi fel naw a ni si nawh a.

JAKOB 1:27

Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai loa in- siem hi.