MATTHAI 5:3 - Pathien Lekhabu Inthieng (BSI)

³ “Thlaraua pasiea inhriehai chu an hamṭha; vân ram an ta a ni sih a.

MATTHAI 5:3 ပူးပေါင်းရင်းမြစ်များ

2 CHANCHIN SUINA 33:12

Chuongchun, rimsitaka a hung um huna chun LALPA a Pathien chu a zawng a, a thlatuhai Pathien hmaa chun ama le ama chu nasatakin ân sukhnuoi tah a.

2 CHANCHIN SUINA 33:19

A ṭawngṭaina dâm, ama Pathienin a lo ngaisak dânhai dâm, a suolna po po le a bawsietna po po le, bâwlhmun a siemna hmunhai le, ama le ama ân sukhnuoi hmaa Asera a siem dâm le, milim ker a siemhai thu chu, ngai ta, Hozai chanchinbua chun ziek an nih.

2 CHANCHIN SUINA 33:23

A pa Manasse ân sukhnuoi ta ang khan ama hi chu LALPA hmaa chun ân sukhnuoi ve nawh a; chuong- chun, hi Amon hi chu a suol nasa deu deu tah a.

2 CHANCHIN SUINA 34:27

hi hmun le a sûnga chênghai chungthua, thuhai chu i hriet phinga i lungril ân nêm a, nangma le nangma chu Pathien hmaa chun în sukhnuoi leiin le, i puonhai i keithlêr a, ka hmaa chun i ṭap leiin kei khawma ka hung hriet ve che a nih.

2 CHANCHIN SUINA 7:14

ka mihai, ka hming chawia kohai chu an insukhnuoi a, an ṭawngṭai a, an lampui rilohai chu nghatsan a ka hmêl an hung zawng chun, vâna inthawk chun lo hrieng ka ta, an suol chu ngaidam ka ta, an ram khawm chu sukhrisêl bawk ka tih.

JOB LEKHABU (THE BOOK OF JOB) 42:6

Chuleiin, kei le kei kân theidah a, kân sîr a nih, Vuthai lai le pilvut laia ṭhungin,” tiin.

INPÂKNA HLABU 1:1

Mi rilohai remruot ang chu hraw loa, Mi suolhai lampuia khawm ngîr ngai loa, Hmusittuhai ṭhungphaa khawm ṭhung ngailo mi chu a hamṭha.

INPÂKNA HLABU 112:1

LALPA chu inpâk ro, LALPA ṭi mi chu a hamṭha ie, a thupêkhaia nasataka lâwm mi chu.

INPÂKNA HLABU 128:1

LALPA ṭî taphawt chu an hamṭha ie, A lampui hrawtuhai chu.

INPÂKNA HLABU 146:5

Jakob Pathien ṭhangpuitua nei chu lâwmtakin a um hlak; LALPA Pathiena beiseina neitu chu.

INPÂKNA HLABU 2:12

Naupa chu fâwp ro, chuong naw chun lunginsen a ta, lam kârah bohmang rawi in tih: A lungsen chu a hung inthawk phut ding a ni sih a. Amaa an ringna innghattuhai po po chu an hamṭha.

INPÂKNA HLABU 34:18

LALPA chun lungrila lung- riem ithlâkhai chu a hnai hlak a, Lungrila insîrhai po chu a sandam hlak.

INPÂKNA HLABU 41:1

Rimsihai ngaituo mi chu mi hamṭha a nih, Lunginzîng ni chun ama chu LALPAIN sanhim a tih.

INPÂKNA HLABU 51:17

Pathien dit zâwng inthawina chu thlarau lungriem ithlâk hi a na, Aw Pathien, lungril lungriem ithlâk le insîr ngawi ngawi hi hmusit naw ti nih.

INPÂKNA HLABU 84:12

Aw sipaihai LALPA, Nangma ring mi chu a hamṭha ie.

THUVARHAI 16:19

Mi chapohai le râllâk sum insem nêk chun, Mi inngaitlâwmhai le lungril inhnuoitaka um a ṭha lem.

THUVARHAI 29:23

Mi chu a chapona chun ama chu sukhnuoi a ta, Lungrila inngaitlâwm ruok chun chawimawina hmûng a tih.

THUVARHAI 8:32

Chuleiin, tuhin, ka naupa- salhai mi lo ngai unla, Ka lampui hrawtuhai chu mi hamṭha an ni sih a.

ISAI 30:18

Chuleiin, LALPA chun a lungin- siet theina ding cheuin, nghâk a ta, chuleiin, a lainat theina ding cheuin chawimawiin um a tih; LALPA chu rorêl felna Pathien a ni sih a; ama nghâktuhai po po chu an hamṭha ie.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti sih a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 61:1

Mi rimsihai kuoma chanchin ṭha hril dingin LALPAIN hriek a mi nâl leiin, Lalpa PATHIEN thla- rau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

ISAI 66:2

Hieng thil iengkim hi ka kutin ka siem a ni sih a, chuongchun, hieng thil iengkim hi a hung um tah a nih, LALPAIN a tih; amiruokchu, hi mi rimsitaka um, lungrila insîr ngawi ngawi, ka thua inthin hlaktu tieng hi en lem ka tih.

MIKA 6:8

Aw mihriem, a ṭha chu ân entir ta che a nih; LALPAIN a phût che chu ieng am a na? Indiktaka thaw le lunginsietna ngainat le i Pathien le thuhnuoirawltaka lêng hmunkhat chu a ni naw am a nih?

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i phuong lei hin kân pâk che.

MATTHAI 11:6

Chun, tukhawm ka chunga lungninawna hmu naw chu, a hamṭha,” tiin a lo dawn a.

MATTHAI 13:16

“Nangni mit chu a vângnei a nih, a hmu hlak leiin; in na khawm a vângnei a nih, a hriet hlak leiin.

MATTHAI 19:14

Isu ruok chun, “Naupangtêhai ka kuomah inhungtir unla, khap naw ro; vân ram chu hieng ang mi ta a ni sih a,” a ta.

MATTHAI 24:46

A pu a hung phâleh suok chuong anga thawa a hung hmu ding chu a hamṭha.

MATTHAI 25:34

“Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

MATTHAI 3:2

“Sim ro, vân ram chu a hnai tah,” tiin.

MATTHAI 8:11

Ka hril cheu hi, sak le thlanga inthawkin mi tamtak hung an ta, vân rama chun Abraham hai, Isak hai, Jakob hai kuomah ṭhung an ta;

MARKA 10:14

Nisienlakhawm, Isûn chu chu a hmuin a lung a ni naw bêk bêk a, an kuoma chun, “Naupangtêhai ka kuomah inhungtir unla, khap naw ro; Pathien ram chu hieng ang mihai ta a ni sih a.

LUKA 11:28

Ama ruok chun, “Anih, nisien- lakhawm, Pathien thu hrea zâwmhai hi mi hamṭha an ni lem,” a ta.

LUKA 18:14

Ka hril cheu hi, a hmasa nêkin ama lem chu thiem changin a inah a fe thla ta lem a. Inngaihlu taphawt tlâwm an ta, inngaitlâwm taphawt chu chawimawiin um an tih,” a ta.

LUKA 22:29

ka Pain ram a mi ruotpêk angin ram ka ruotpêk cheu hi,

LUKA 22:30

chuongchun, ka rama ka daw- kâna in fâka in dâwn theina dingin; chuongchun, Israel hnam sâwmpa- hnihai ro rêlpêkin lalṭhungphaah la ṭhung in tih.

LUKA 4:18

“Riengvaihai kuoma Chanchin Ṭha hril dinga a mi ruot leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm,

JOHAN 20:29

Isûn a kuomah, “Nangin kei i mi hmu leiin i ring a ni maw? Hmu loa ring taphawthai chu an hamṭha,” a ta.

DÂN PAHNINA 8:2

Chun, a thupêkhai chu in zâwm ding le ding naw, in lungril hrietna dinga fiena ding le inngaitlâwmtir ding cheua thlalêra kum sâwmli a ṭhuoina cheu lampuihai po po kha hre zing ro.

JAKOB 1:10

Hausa ruok chu suktlâwma a um leiin lâwm lem raw se; hlohna pâr angin a la bo el ding a ni sih a.

JAKOB 1:12

Thlêmna tuor hrâm hrâmtu chu a hamṭha, fiea a um phâleh hringna lallukhum Lalpain ama hmangai- tuhai kuoma a tiem chu a hmu ding a ni si.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

THUPUONGSUO 19:9

Chun, “ ‘Berâmte nuhmei neina ruoiṭhea fielhai chu an hamṭha ie,’ tiin ziek rawh,” a mi tih a. Chun, ka kuomah, “Hieng thu hi Pathien thu tak a nih,” a ti bawk a.

THUPUONGSUO 22:14

Hringna Thing chunga chun thu an nei theina ding le, kawtkhâra chun khuoa an lût theina dinga an puon sâwpfaihai chu an hamṭha.

THUPUONGSUO 3:17

‘Ka hausa a, sum ka hau a, iengkhawm ka tlasam nawh,’ i ti lei le, nang mi rimsi, lungsietum, pasie, mitdel, saruok chu i ni ti în hriet naw leiin,