MATTHAI 5:22 - Pathien Lekhabu Inthieng (BSI)

²² kei ruok chun, tukhawm a unau chunga lunginsen taphawt chu rorêlna hmabâk zingin um a tih; chun tukhawm a unau kuoma, ‘Hmang- nabopa’ ti taphawt chu rorêlna hma- bâk zingin um a tih; chun tukhawm, ‘Invêtpa’ ti taphawt chu Hremhmun meia pei hmabâk zingin um a tih ti ka hril cheu hi.

MATTHAI 5:22 ပူးပေါင်းရင်းမြစ်များ

INṬANNA 37:4

An pa chun ama chu a uhai po po nêkin a hmangai lem ti a unauhaiin an hriet chun ama chu an theida ta hleh a, ṭawngbau ṭha hrim a chungah an rawl thei ta nawh a.

INṬANNA 37:8

A uhai chun a kuomah, “Nang tehin kan chungah ro i rêl vei ding maw? Nang tehin kan chungah thu i nei vei ding maw?” an tih a. Chuong- chun, a mang lei le a thuhril lei chun ama chu an theida nâwk zuol det a.

2 SAMUEL 16:7

Chun, Simei chun ṭawngsie ân phur sûng chun hieng hin a hril a, “Fe hmang dai rawh, fe hmang dai rawh, nang thisen insuo hmang le Belial mihriempa,

2 SAMUEL 6:20

Chuongchun, David chu a sûnghai malsâwm dingin a fe tah a. Chun, Saula naunu Mikal chu David tuok ding chun a hung suok a, “Vawisûna Israel lal chu a va ropui de! Mi hotak inzakna châng hre lo, ruoka um ang elin vawisûn khan a siehlaw nunghâkhai mithmuah ruok- in a um kha teh!” a lo tih a.

1 LALHAI 21:4

Chun, Jezreel mi Naboth chun a kuoma chuong ang thu chu a hril lei chun Ahab chu ngûitak le lungâwi nawtakin a inah a lût tah a, “Ka puhai ro pe thei naw ning che,” a ti tlat sih a. Chuongchun, a khuma chun a zâl a, khingtieng a nghah a, bu hrim hrim khawm a fâk nuom ta nawh a.

2 CHANCHIN SUINA 16:10

Chun, Asa chu zâwlnei chunga chun a lunginsen a, lung ina chun ama chu a khum tah a; hi thil lei hin ama chunga chun a lunginsen sih a. Chun, Asa chun chuong lai chun mi ṭhenkhathai chu a lo nêksawr hle bawk a.

2 CHANCHIN SUINA 19:5

Chun, Juda khawpui kul neihai po poa khaw tinah, ram sûnga chun rorêltuhai a sie tâwl a,

NEHEMIA 5:8

An kuomah, “Hnam dang kuoma zawra um ei unau Judahai chu ei thei ang angin ei intlan a; nangni hin in unauhai hi zawr in tum a ni maw? Nangni kuoma ngei hin zawr an ni ding a ni maw?” ka tih a. Chuong- chun, an to zing a, dawnna ding ieng- khawm an hriet nawh a.

INPÂKNA HLABU 109:3

Theidâna thuin a mîn huol vêl a, Ieng ni bar loin an mi do a.

INPÂKNA HLABU 14:1

Mi invêt chun a lungrilin, “Pathien hrim a um nawh,” a ti hlak a. An se zo a, thil ṭha thaw hrim an um nawh.

INPÂKNA HLABU 25:3

Anih, nangma nghâktu hrim hrim chu tukhawm muolphoin um naw ni hai, A san um loa vervêktaka thawtuhai ruok chu muolphoin um an tih.

INPÂKNA HLABU 35:19

Ka hmêlmahai chun indiknaw- takin mi diriem naw raw hai se, Ieng ni loa a mi theidatuhai chu an mitin inbe naw bawk raw hai se.

INPÂKNA HLABU 37:8

Lunginsen hi bânsan la, lungsenna chu sim rawh. Insuklungngai nuom naw, thil- suksuolah inchang thei a nih.

INPÂKNA HLABU 49:10

Mi varhai khawm an thih a, Mi invêt le mi ngawnghai khawm an bohmang ve veh a, An sum mi danghai an mâksanpêk hlakhai chu an hriet sih a.

INPÂKNA HLABU 69:4

A san boa a mi theidatuhai chu ka samzai nêkin an tam lem a, Indiknawtaka mi doa, mi sukbohmang tumtuhai chu mi hrâttak an nih, Kân rûk dêr naw khawm an min rultir a.

INPÂKNA HLABU 7:4

Kei le inremtaka um chu suola thung ka lo ni chun, (Anih, san nei loa a mi dotuhai hi ka sanhim a ni lem a nih)

INPÂKNA HLABU 92:6

Mi mâwl chun hi hi a hriet nawh a; Mi invêtin a hrietthiem bawk nawh:

THUVARHAI 14:16

Mi var chun suol chu a ṭih a, a fe hmangsan hlak a, Mi invêt ruok chun chaponain a hmang a, ama ân ring tlat hlak.

THUVARHAI 18:6

Mi invêt hmûrhai chun inhalna ân tlun a, A bau chun vuoknahai a ko bawk.

JEREMIA 17:11

Indik loa hausaknahai neitu chu, varung ama awpkêu ni si lo te kei khâwmtu ang chu a nih; a dam sûng la la chun ama chu mâksan an ta, a tâwpa chun ama chu invêt nîng a tih.

ṬAP HLA 3:52

A san um loa ka hmêlmahai chun, vate angin an mi hnawt rak rak a,

DANIEL 3:13

Chun, Nebukadnezzar chun a lungsenna le a ṭitumna chun Sadrak, Mesak le Abednego hai chu hung ṭhuoi dingin thu a pêk a. Chun, chuong mihai chu lal hmaa chun an hung ṭhuoi tah a.

DANIEL 3:19

Chun, Nebukadnezzar chu lunginsennain a sip a, a hmêl umzie chu Sadrak, Mesak le Abednego chunga chun a hung danglam tah a; chuleiin, a hril a, meithuk chu a lum hlak ang let saria suklum dingin thu a pêk tah a.

OBADIA 1:10

I unaupa Jakob chunga in- pâwngnêkna leiin inzaknain inkhum a ti cheh a, kumkhuoa sukbohmangin um i tih.

OBADIA 1:12

Nisienlakhawm, i unaupa a siet laia a sietna ni chu thlîr naw la, Juda nauhai chungah an bohmang niin lâwm naw la; an rinum nia khawm chapotakin ṭawng naw rawh.

MATTHAI 10:17

Nisienlakhawm, mihriem lai chun fimkhur ro, rorêltuhai an in- mantir ding cheu a ni sih a, in- khâwmna inahai vuong an ti cheu a;

MATTHAI 10:28

“Chun, taksa sukhluma thlarau sukhlum thei nawhai chu ṭi naw unla, Hremhmuna thlarau le taksa sukbo thei ruok chu ṭi ro.

MATTHAI 12:24

Nisienlakhawm, Pharisaihaiin chu chu an hriet phingleh, “Hi mipa hin khawhri lal Beelzebub lei naw chun khawhrihai hnawt dawk naw ni,” an ta.

MATTHAI 17:5

A la hril lai zingin ngai ta, sûm vârtakin anni a hung hlie tah a; chun, ngai ta, sûma inthawk râwlin, “Hi hi ka Naupa dittak, ka ilâwm bêk bêk chu a nih, ama thu ngai ro,” a ta.

MATTHAI 18:21

Chu lai chun Peter a hung a, a kuomah, “Lalpa, ka unauin vawi ieng zât am ka chungah thil suksuol sien la ka ngaidam ding? vawi sari chen ding am a nih?” a ta.

MATTHAI 18:35

Mi tinin in lungril taka in unauhai in ngaidam naw chun, ka Pa vâna mi khawmin chuong ang bawkin in chungah thaw vêng a tih,” a ta.

MATTHAI 23:15

Nangni Dân inchûktirtu le Pharisai vervêkhai in chung a rik; Saphun pakhat khawm siem dingin tuisuoriet le khawmuol in fe huol sih a, chun, chuong anga a hung um phaleh ama chu nangni lethni rauin Hremhmun naupaah in siem hlak.

MATTHAI 23:33

Rûlhai, rûl thlahai, Hremhmun rorêlna chu iengtin am pumpel thei in ta?

MATTHAI 25:41

“Chu zoa chun a vawitienga mihai kuoma khawm chun, ‘ṭawng- sephurhai, kumkhuo mei diebol le a tirkohai ta dinga an buotsaia chun mi fe hmangsan ro;

MATTHAI 26:59

Chun, ama an sukhlum theina dingin thiempu lalhai le rorêltuhai po po chun Isu hêkna an zawng a;

MATTHAI 3:17

Chun, ngai ta, vâna inthawkin râwlin “Hi hi ka Naupa dittak, ka ilâwm bêk bêk chu a nih,” a ta.

MATTHAI 5:34

Kei ruok chun ka ti cheu hi, vânni hrim hrim khâm naw ro, vân sâlin amanih inkhâm naw ro, achu Pathien Lalṭhungpha a ni sih a; hnuoi sâl khawmin inkhâm naw ro, achu a ke innghatna a ni sih a;

MATTHAI 5:44

Kei ruok chun ka hril cheu hi, in hmêlmahai chu hmangai unla; a suk- nawmnatuhai cheu chu ṭawngṭai- pêk ro;

MARKA 14:55

Chuongchun, Isu chu an sukhlum theina dingin thiempu lalhai le rorêltuhai po po chun ama hêkna an zawng a; an hmu si nawh a.

MARKA 15:1

Chun, zîngkâr a hung ni phingleh thiempuhai chu upa- hai le Dân inchûktirtuhai le rorêltuhai po po leh an inrâwn a, Isu chu an phier a, an ṭhuoi a, Pilat kuomah an pêk nghâl tah a.

LUKA 12:5

Amiruokchu, tû am in ṭi ding hril lâwk ka ti cheu; a sukhlum hnung khawma Hremhmuna pei theina thuneitu chu ṭi ro; anih, ka hril cheu hi, ama mawl chu ṭi ro.

LUKA 22:66

Chun, khawvar phingleh, vântlâng upahai, thiempu lalhai le Dân inchûktirtuhai chu an inrâwn khâwm a, an rorêlnaa chun an ṭhuoi a;

JOHAN 11:47

Chuongchun, thiempu lalhai le Pharisaihai chun rorêltuhai an ko khâwm a, “Iengtin am thâwng ei ta? Hi mipa hin thilmak tamtak a thaw sih a.

JOHAN 15:25

Ieng khawm ni sien, an Dân Lekhabuah, ‘Annîn a san boin an mi theida,’ ti thu ziek kha, a hung tlungna dingin an thaw a ni hi.

JOHAN 7:20

Chun, mipui chun, “Khawhri zâwl i ni hi, tuin am sukhlum a tum che leh?” an ta, an dawn a.

JOHAN 8:48

Chun, Judahai chun a kuomah, “Samari mi khawhri zâwl i nih kan ti kha kan ti indik ngawt a ni naw am a nih?” an ta, an dawn a.

THILTHAWHAI 17:18

Chun, Epikuria mi le Stoik mi laia mi var tuhai amanih khawmin ama chu an hung sêl a, a ṭhenin, “Hi mipa bautam hin ieng am hril a tum a?” an ta. A ṭhenin, (Isu thu le thonâwkna thu a hril leiin,) “Ram dang pathienhai thu hriltu a ni âwm ie,” an ta.

THILTHAWHAI 22:30

Chun, a zînga chun Judahaiin ieng leiin am Paula an hêka ti hriet fel tumin sipai hotu laltak chun ama chu a sût a, thiempu lalhai le rorêltuhai po po inkhâwm dingin thu a pêk a, Paula a ṭhuoi thlâk a, an hmaah ân ngirtir ta a.

THILTHAWHAI 23:1

Chun, Paula chun rorêltuhai chu a en zing a, “Unauhai, vawisûn chen hin Pathien mithmua ṭha tienga ka hriet taphawt chu thawin ka um hlak,” a ta.

THILTHAWHAI 24:20

Annawleh, hienghai ngei hin rorêltu hmaa ka ngîr lai khan, ka suksuol ieng am an hmuh a, hril raw hai se,

THILTHAWHAI 4:15

Chuongchun, an rorêlnaa in- thawk a an infetir hnungin an inrawn a,

THILTHAWHAI 5:21

Chun, chu thu chu an hrietin khawvar hun vêla chun Pathien biekinah an va lût a, an inchûktir a. Nisienlakhawm, Thiempu Laltak le a ruolhai chu an hung a, rorêltuhai le Israel thlahai upahai po po an ko khâwm a, tirkohai chu hung inṭhuoitir dingin intângna ina chun mi an tir a.

THILTHAWHAI 5:27

Chun, an hung ṭhuoi tlung chun rorêltuhai hmaa chun an inngîrtir a. Chun, Thiempu Laltak chun an kuomah,

THILTHAWHAI 6:12

Chun, mihai, upahai, Dân inchûktirtuhai, an infui a, Stephan an thawh a, an man a, rorêltuhai kuomah an ṭhuoi a.

THILTHAWHAI 6:15

Chun, rorêltuhai ṭhung po po chun Stephan an en zing a, a hmêl chu vântirko hmêl angin an hmuh a.

THILTHAWHAI 7:37

“Israel thlahai kuomah ‘Pa- thienin kei a mi siem ang hin, in unauhai laia mi zâwlnei pakhat siempêk a ti cheu,’ titu kha a nih, chu Mosie chu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:10

Unauhai hmangai kawnga chun inhmangai takin inlainat tuo seng ro; chawimawi kawnga chun inditsak tuo seng ro;

1 KORINTH 6:10

inruhmanghai amanih, mi du- âmhai amanih, zu inruihmanghai amanih, inhalhmanghai amanih, hlêpruhaiin amanih Pathien ram hluo naw ni hai.

1 KORINTH 6:6

Unauin a unau rorêlnaa ân tlun hlak hi? Awilohai hmaah a ni nâwk nghâl sih a.

DÂN PAHNINA 15:11

Chu rama chun mi rimsihai um naw lai a um âwm si nawh a; chuleiin, ‘In rama in unauhai chunga dâm, tlasamhai chunga dâm, in mirimsihai chunga dâm, in tiktlai ngei ngei ding a nih,’ tiin thu ka pêk cheu a nih.

DÂN PAHNINA 16:18

“LALPA in Pathienin a pêk cheu in kul kawtkhâr po poah in hnam ang peiin rorêltuhai le hotuhai insiem pei in ta; mipuihai ro feltakin an rêlpêk ding a nih.

1 THESSALONIKA 4:6

chu kawnga chun tûkhawmin bawsein, a unau chungah thil ṭha naw chu thaw naw sien la, Lalpa chu chuong ang thil thawtuhai po po phuba latu a ni leiin–keini khawmin kan hril lâwkin kan inhriettir ta cheu ang khan.

TITA 3:2

tûkhawm hrilsiet naw ding dâm, kâwmaw insuo naw ding dâm, mi po po kuomah thuhnuoirawlna tinrêng suklanga nuninnêm ding dâmin anni inhriet suotir nâwk rawh.

HEBRAIHAI 12:25

Thu hriltu chu lo dit naw rawi in tih, fimkhur ro. Hnuoia anni kâwk hmasatu kha an dit naw hmana, hremna an pumpel si naw chun, eini vâna inthawka mi kâwktu nghatsan- tuhai hin pumpel naw nâwkzuol ei tih.

HEBRAIHAI 5:9

chuongchun, sukṭhat famkima hung umin a thu awi po pohai ta dingin chatuona sandamna bulpui a hung ni tah a,

JAKOB 2:20

Aw, mi teplopa, thilthaw ṭhang loa ringna ngawt chu iengkhawm a ni nawh ti i hriet nuom am?

JAKOB 3:6

Chun, lei hi mei a nih; ei taksa pênghai laia rîtlona hlawm chu lei hi a nih; chu chun taksa chu a pumin a sukthieng naw a, piengpui tawlailîr chu a sukkâng a, ama chu hremhmun sukkâng a nih.

1 PETER 2:23

Mi hala a um laiin a hal ve thung nawh a, a tuor laiin a vau nawh a, feltaka ngaituo hlaktu kuoma chun ân pêk lem a nih.

1 PETER 3:9

Suol suolin thung naw unla, halna halna bawkin thung naw ro; malsâwm hlau lem ro. Hi hi lei hin ko in ni si, malsâwmna chang dingin.

1 JOHAN 2:9

Mâni unau theida sih a, “Varah ka um,” titu chu, tu chen khawm hin inthimah a la um zing a nih.

1 JOHAN 3:10

Hitaka hin Pathien nauhai le Diebol nauhai ân hriet a nih; tû- khawm felna thaw naw chu Pathiena inthawka suok a ni nawh a, a unau hmangai naw khawm chu Pathiena inthawka suok a ni bawk nawh.

1 JOHAN 5:16

Tûkhawmin a unau thina khawp nilo suol thawin hmu sienla, hnipêk a ta, chuongchun, Pathienin a hnitu kuoma chun thina khawp nilo suol thawtuhai ta ding chun hringna pêng a tih. Thina khawp suol a um a; chuong ang tieng chun hnipêk a tih ka ti a ni nawh.

JUDA 1:9

Nisienlakhawm, Mikael, vântir- ko chunghnungtak hman khan, Diebol le an inthawh a, Mosie ruong thua an insêl laiin, Diebol chungthu rêl pêkin a hrilsiet ngam nawh a, “Lalpân hal lem raw se che,” a ti ta lem a.

THUPUONGSUO 20:14

Chun, Thina le Mithi Khuohai chu mei dîlah an pei a. Chu chu thi hnina chu a nih–mei dîl chu.