MATTHAI 5:16 - Pathien Lekhabu Inthieng (BSI)

¹⁶ Chuong ang bawkin in var chu mi mithmuah var raw se; chuong- chun, in thilthaw ṭhathai hmûng an ta, in Pa vâna mi chawimawi thei an tih.

MATTHAI 5:16 ပူးပေါင်းရင်းမြစ်များ

FESUOKNA 34:35

chun, Israel thlahai chun Mosie hmai, Mosie hmai vun var chu an hmu tah a. LALPA kuoma ama be dinga a fe nâwk hmakhat chun, Mosie chun a hmai inkhumnain ân khum nâwk hlak a.

THUVARHAI 4:18

Mi fel lampui ruok chu zîng khawvar ang a na, Sûn chang lai chena var deu deu ang chu.

ISAI 58:8

“Chu pha chun i var chu zîng nisa suok angin hung suok a ta, i damna ding chu hung inder suok vak a tih; i felna chun i hma ṭhuoi a ta; LALPA ropuina chu i hnung dâltu nîng a tih.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pea, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, LALPA phunhai ti an ni theina dingin.

MATTHAI 23:5

An thilthaw po po chun mihriem hmu dingin a nih an thaw lem hlak; an iengkhat bunhai le khumhai chu an suklien a, an puon hmawrkai an sukbuk hlak a;

MATTHAI 23:9

Chun, hnuoi chunga hin tu- khawm, ‘Pa,’ ti naw ro; in Pa chu pakhat chau a nih, vâna mi khi.

MATTHAI 5:45

in Pa vâna mi nauhai in ni theina dingin; ama chun mi suolhai le mi ṭhahai chunga chun a nisa ân suoktir a, mi fel le mi fel nawhai chunga khawm ruo ân sûrtir hlak a nih.

MATTHAI 6:16

“Bu in nghei pha khawmin, mi vervêkhai angin ngui hmêl put naw ro; anni chun mi mithmua bungheia an inlang theina dingin an hmêl an sukpawr hlak sih a. Titakzetin ka hril cheu hi, an lâwmman chu an hmu zo tah.

MATTHAI 6:9

“Chuongchun, nangni chu hieng ang hin ṭawngṭai ro: Kan Pa vâna mi, I hming inzaum raw se, I ram hung tlung raw se.

MATTHAI 9:8

Chun, mipuihai chun chu chu an hmuin an ṭi a, mihriemhai kuoma chuong ang thuneina petu Pathien chu an inpâk a.

LUKA 11:2

Chun, ama chun an kuomah, “In ṭawngṭai chun hieng ang hin ti ro, ‘Kan Pa, I hming inzaum raw se. I ram hung tlung raw se,

JOHAN 15:8

Hi hi leiin ka Pa chu chawi- mawiin a um hlak, tamtaka in ra hin; chuongchun, ka închûktirhai nîng in tih.

THILTHAWHAI 9:36

Chun, Joppa khuoah a hming Tabitha, inchûktir pakhat a um a, (Tabitha umzie chu Dorka a nih); chu nuhmei chun thil thawṭhat le thilpêk a hau hleh a.

1 KORINTH 14:25

a lungril thurûk chu phawr nîng a ta, chuongchun, bawkkhupin Pathien chibai bûk a ta, Pathien nangni lai a um takzet ti hril a tih.

2 KORINTH 9:13

Hi rawngbâwlna hin a fiena cheu leiin, Krista Chanchin Ṭha in iawi in zâwmzie lei le, anni ta ding le mi po po ta dinga thawlâwm thawnaa in tiktlaizie lei hin Pathien an sukropui hlak in sawnnaw.

GALATI 1:24

Chun, keia leiin Pathien an chawimawi tah a.

EPHESI 2:10

Thil ṭha thaw dinga Isu Kristaa chun siema umin, ama kut suok ei ni sih a, chu thil ṭha thaw chu ei umna dingin Pathienin a buotsai lâwk a nih.

EPHESI 5:8

Inhma khan inthim in na, tu ruok hin chu Lalpaa chun var in hung ni ta hi, var nauhai angin um ro,

1 THESSALONIKA 2:12

Ama ram le ropuinaa kolûttu cheu Pathien mi ni tlâka in um theina dingin.

1 TIMOTHE 2:10

Amiruokchu, nuhmei Pathien ngaisak intihai chu inphu tâwkin thil thaw ṭhatin inchei hai sien ka nuom.

1 TIMOTHE 5:10

thil ṭha thaw kawnga mi inpâka um tah, nauhai lo châwm tlei taa, mikhuolhai lo intlungtir taa, mi inthienghai ke lo sâwp taa; lungin- zînghai lo sawmdâwl taa, thil ṭha tinrêng taimataka a lo thaw ta phawt chun.

1 TIMOTHE 5:25

Chuong ang bawkin thil thaw ṭhat ân lang zing chi a um a, chuong ang nawhai khawm chu thup thei a ni nawh.

1 TIMOTHE 6:18

Thil ṭha thaw dingin, thil ṭha thaw hau dingin, tiktlaia thâwlâwm pe pei dingin,

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭha- hnemngaia, ama ta dinga a sukthieng theina dingin ei aiin ân pêk kha.

TITA 2:7

Iengkimah thil ṭha thaw kawnga sukhmutuah insuklang la, în chûk- tirnaa chun, I takzie dâm, în zâumzie dâm,

TITA 3:14

Ei mihai khawm chun ra loa an um nawna dingin tlâksamna pawi- maw dinghaia chun thil ṭha thaw pei dingin inchûktir rawh.

TITA 3:4

Nisienlakhawm, Pathien ei San- damtu ngilneizie le, mihriem chunga a hmangaizie chu a hung inlang lai khan,

HEBRAIHAI 10:24

Chun, hmangai le thilthawa in- chawktho tuo dingin inngaituo seng ei tiu.

1 PETER 2:12

Jentailhai lai in chângzie chu mawitak ni raw se; chuongchun, thil suksuoltuhai anga an hrilsiet cheu kawngah in thil thaw ṭhat an hmuhai leiin a hung kan nia chun Pathien chawimawi thei an tih.

1 PETER 2:9

Nisienlakhawm, inthima in- thawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni sih a.

1 PETER 3:1

Chuong ang bawkin nangni nuhmeihai, mâni pasalhai thu thuin um ro; chuongchun, anni laia tûkhawmin thu chu awi naw sien khawm, thu ni loin, an nuhmeihai chângziea hnein um thei an tih,

1 PETER 3:16

Nisienlakhawm, thuhnuoirawl- tak le ṭi dêk pumin, sie le ṭha hrietna inthiengtak nei unla, chuongchun, an hrilsietna cheu kawnga chun, Kristaa in um dân ṭhatak hrilsetuhai chu sukmuolphoin um thei an tih.

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni sih a. Amen.

1 PETER 4:14

Krista hming leia hal in ni chun in hamṭha; ropuina Thlarau le Pathien Thlarau chu in chungah a um sih a.