MATTHAI 5:15 - Pathien Lekhabu Inthieng (BSI)

¹⁵ Mîn khâwnvar sitin leikhâwr hnuoiah an sie ngai nawh; a sienaah an sie lem hlak; chuongchun, in sûnga mi po po a ên hlak.

MATTHAI 5:15 ပူးပေါင်းရင်းမြစ်များ

FESUOKNA 25:37

Chun, chutaka chun khâwn- varhai pasari siem i ta, an umna hmazâwn hmun ruok elvar dinga inṭhut nîng an tih.

ZEKARIA 4:2

Ka kuoma chun, “Ieng am i hmu a?” a ta. Kei chun, “Rângkachak sa- thâu khâwnvar siena, a sîpa a thlêng le, chu chunga khâwnvar pasari um, khâwnvar tin chunga a dâwt pasari seng um ka hmuh,

NAMBAR 8:2

“Aron hril la, a kuomah, ‘Khâwnvarhai chu i sitin khâwnvar pasari chun sathâu khâwnvar siena hmatieng a ên ding a nih,’ ti rawh,” tiin.

MARKA 4:21

Chun, ama bawkin an kuomah, “Khâwnvar chu a sienaa sie loa lei- khâwr hnuoia manih, khum hnuoia manih sie dingin an hung lâk hlak am a nih?

LUKA 11:33

“Tukhawmin khâwnvar an sitin in hnuoi kilah an sie ngai nawh, leikhâwr hnuoiah an sie ngai bawk nawh, mi lûthai chun a var an hmu theina dingin a sienaa chun an sie lem hlak a nih.

LUKA 11:36

Chuongchun, i taksa hi khâwlai khawm inthim loa a puma a var suok chun, khâwnvar var nasatakin a el che angin var suok a tih,” a ta.

LUKA 8:16

“Tukhawmin khâwnvar insitin bêlin an inkhum nawh, khum hnuoia khawm an sie nawh; a lût taphawtin a var an hmu theina dingin a sienaah an sie lem hlak a nih.

PHILIPPI 2:15

suon rilo le kâwmawhai laiah, demkâilo le pawitâwklo, Pathien nau sawisêlbohai in ni theina dingin.Annirawi laia hringna thu in inhlan pha chun, khawvêla hin sukvartu dingin insuklang ro.

HEBRAIHAI 9:2

Biekbûk an siem a, a tawntir chu khâwnvar siena dâm, dâwkân dâm, entirna bei siena a nih, chu chu Hmun Inthieng an ti a nih.

THUPUONGSUO 2:5

Chuongchun, i tlûktâkna chu hre zing la, simin, i thil thaw hmasa takhai kha thaw nâwk rawh; chuong naw chun, i kuomah hung ka ta, i sim naw chun i khâwnvar siena kha a hmuna inthawkin sawn ka tih.