MATTHAI 4:24 - Pathien Lekhabu Inthieng (BSI)

²⁴ Chun, Suria ram po poah a chanchin ân thang tah a; chuong- chun, mi damnaw po po, damnawna le natna tinrênga nahai, khawhri imanhai, hringawl invawihai, zeng- hai a kuomah an hung ṭhuoi a, a lo sukdam tâwl a.

MATTHAI 4:24 ပူးပေါင်းရင်းမြစ်များ

2 SAMUEL 8:6

Chuongchun, David chun Suria rama Damaskaa chun sipaihai a sieh a; chuongchun, Suria mihai chu David siehlawhai an hung ni tah a, thilpêkhai an hung pêk hlak a. Chun, LALPAIN David chu a fena tieng ta- phawta chun ân hnetir pei a.

1 LALHAI 10:1

Chun, LALPA hming dinga a thilthaw chungchâng thua Solomon hming inthangzie chu Seba lalnuin a lo hriet chun thu khirtak taka fie tumin a kuomah a feh a.

1 LALHAI 4:31

Mi po po nêkin a var lem a; Mahol nauhai, Ezra mi Ethan hai, Heman hai, Kalkol hai, Darda hai nêk khawmin; chuongchun, a vêl hnam po po lai chun a hming ân thang tah a.

1 CHANCHIN SUINA 14:17

David chanchin chu ram po poah ân thang tah a; chuongchun, LALPAIN ama ṭina chu hnam po pohai chungah ân umtir tah a.

1 CHANCHIN SUINA 29:2

Tuhin, ka Pathien in ta ding chun ka thei ang tâwp po po chu ka lo buotsai tah a; rângkachak thilhai dinga chun rângkachak, tangkaruo thilhai dinga chun tangkaruo, dârsen thilhai dinga chun dârsen dâm, thîr thilhai dinga chun thîr dâm, thing thilhai dinga chun thing dâm, berul lunghai, lung inbûk dinghai, lung a phûma phûm dinghai le, ze tum tum dinghai dâm, lunghlu chi tinrênghai le sailungvâr chihai leh; tam tâwk takin.

FESUOKNA 15:26

ama chun, “LALPA in Pathien rawl chu nguntaka in ngai a, a mit hmuha thildik chu in thawh a, a thupekhai tieng in na in sit a, a dân ziekhai chu in vawng tlat chun, Aigupta mihai chunga kân tlungtir natnahai hrim hrim kha in chungah intlungtir dêr naw ningah: LALPA nangni sukdamtu cheu chu ka ni sih a,” a tih a.

MATTHAI 12:22

Chu lai chun, mitdel ṭawng- theinaw khawhri iman pakhat a kuomah an hung ṭhuoi a; chun, ama chun a lo sukdam a, chuongchun, ṭawngtheinaw chu a hung ṭawng theiin, a hung hmu thei tah a.

MATTHAI 14:1

Chu lai tak chun lal Herod chun Isu chanchin a lo hriet a,

MATTHAI 15:22

Chun, ngai ta, chuong rama in- thawk chun Kanaan nuhmei pakhat a hung suok a, “Lalpa, David naupa, mi lunginsiet rawh, ka naunu khawhriin a man tlat a nih,” tiin a khêk a.

MATTHAI 17:15

“Lalpa, ka naupa saw lunginsiet rawh, hringawl invawi a na, a tuor nasa êm el; vawi tamtak meiah a tlu hlak, vawi tamtak tuiah a tlu bawk hlak a nih.

MATTHAI 17:18

Chun, Isûn khawhri chu a hal a, a sûnga inthawk chun a suok tah a; chu dâr chena inthawk chu naupang chu a hung dam tah a.

MATTHAI 4:23

Chun, Isûn an inkhawmna inhaia inchûktirin, ram Chanchin Ṭha chu hrilin mihai laia natna tinrêng le hrât nawna tinrêng suk- damin Galili ram po po a fang pei a.

MATTHAI 8:28

Chun, râl khingtieng Gadarin mihai ram chu a tlungin, khawhri iman pahni, thlâna inthawka hung suokin, an hung intuokpui a; an hrâng bêk a; chuongchun, chu lampuia chun tukhawm an fe thei nawh a.

MATTHAI 8:33

Chun, a vâituhai chu an tlân a, khuoa chun an feh a, iengkim an hril tah a, khawhri iman chunga thil tlunghai khawm chu.

MATTHAI 8:6

“Lalpa, ka naupang a zeng a, inah a zâl zing a, nasataka suknatin a um a nih,” tiin a ngên a.

MATTHAI 9:26

Chu chena inthawk chun, chuong ram po poa chun chu chanchin chu ân thang suok tah a.

MATTHAI 9:35

Chun, Isûn an inkhâwmna in- haia inchûktirin, Ram Chanchin Ṭha chu hrilin, damnawna tinrêng le, nat- na tinrênghai sukdamin khaw lien le khaw chînhai po po a fang pei a.

MARKA 1:28

Chun, Galili ram vêl po poah, ram tinah a chanchin ân thang nghâl tah a.

MARKA 1:32

Chun, zântienga nisa tlâk hnung chun, damnaw po po le khaw- hri iman dâm a kuomah an hung ṭhuoi a.

MARKA 2:3

Chun, mi zeng pakhat, mi palia zâwn a kuomah an hung ṭhuoi a.

MARKA 2:4

Chun, mipui leia Isu kâwl hnai an tlung thei naw leiin, a umna in chung chu an ṭhiek tah a; chuonga an ṭhiek zo phing chun mi zeng chu a puonpha pum chun an zuk thlâk tah a.

MARKA 2:9

Zeng kuoma chun, ‘I suol ngai- dam a ni tah,’ ti le, ‘I puonpha la la, kein fe ta rawh,’ ti hi a ieng am hril a awl lem a?

LUKA 2:2

Chu chu Suria rama Kurini Bawrsâp a ni laia hming ziek hmasa tak chu a nih.

LUKA 4:14

Chun, Isu chu Thlarau thil- thawtheina putin Galili ramah a fe nâwk tah a; chun, a chanchin chu chu lai vêl ram tina chun ân thang tah a.

LUKA 4:38

Chun, a tho a, inkhâwmna ina inthawk chu a suok a, Simon inah a lût tah a. Chun, Simon nuhmei nu chu nasatakin a khuo a sik a, chuong- chun, a ta dingin an lo ngênpêk a.

LUKA 5:15

Nisienlakhawm, a chanchin thu chu ân thang nâwk zuol det a; mipui nasatak a thu hre nuom le an natnahai sukdam nuomin an hung inkhâwm a.

LUKA 5:24

Iengkhawm ni sienla khaw- vêlah Mihriem Naupa hin suol ngaidam theina a nei ti in hrietna dingin,” a ta, (zeng kuoma chun) “Tho la, i khum la la, i inah fe rawh ka ti che hi,” a ta.

LUKA 7:17

Chun, chu mipa chungchâng thu chu Judai ram po po le a kâwl vêl ram tinah ân thang suok tah a.

JOHAN 10:21

A ṭhenin, “Hieng thu hi khawhri zâwl thuhril a ni nawh ie. Khawhri chun mitdel mit a sukvar thei am a nih?” an ta.

THILTHAWHAI 10:38

Nazareth Isu chungchâng thu kha, khânga ama chu Pathienin Thlarau Inthieng le thilthawtheinaa a vurzie kha; ama chun mi chunga thawṭhain le diebol suknawmnat po po sukdamin a fang vêl hlak, Pathien a kuoma a um leiin.

THILTHAWHAI 15:23

Chun, hieng ang hin an ziek a, an kutah an inphur a; “Tirkohai le unauhai laia upahaiin Antiokeia dâm, Suria rama dâm le Kilikia rama Jentail unau umhai chibai an bûk.

THILTHAWHAI 15:41

Chun, kohranhai chu sukdet peiin Suria le Kilikia ram a fang suok tah a.

THILTHAWHAI 28:9

Chu chu a thaw zo chun, chu thlierkâra natna nei po chu an hung a, an dam tâwl tah a; chuhai chun nasatakin an mi chawimawi a,

THILTHAWHAI 8:7

khawhri inthiengnawhai chu mi tamtak an imanhai sûnga inthawkin rawl inringtaka khêka an suok leiin le, zeng le keinbai tamtak khawm an hung dam ta leiin.

JOSUA 6:27

Chuongchun, LALPA chu Josua kuoma chun a um a, a ram pumpuia chun a hming a hung inthang tah a.