MATTHAI 28:7 - Pathien Lekhabu Inthieng (BSI)

⁷ Chun, fe vak unla, a inchûktirhai kuomah, ‘Mithi laia inthawkin a thonâwk ta a nih, ngai ta u, Galili ramah in hmaah a fe, chutaka chun ama chu hmûng in tih,’ tiin hril ro. Ngai ta u, ka hril ta cheu hi,” a ta.

MATTHAI 28:7 ပူးပေါင်းရင်းမြစ်များ

ISAI 44:8

Inlau naw unla, ṭi bawk naw ro, inhma khan in kuomah ka hrilin kân hriettir ta cheu a ni naw am a nih? Chuongchun, nangni hi a mi hriet- puituhai in nih. Keima naw hi Pathien dang hrim hrim an um am? Lungpui hrim hrim a um nawh, pakhat khawm a um ka hriet nawh,” tiin.

ISAI 45:21

Hril unla, hung suksuok ro, anih, inrâwn tâwl raw hai se; inhmaa inthawk tah tuin am ân hriettir a? Tienlaia inthawk tah tuin am a hril a? Kei LALPA hin ka thaw a ni naw am a nih? Keima naw chu Pathien dang hrim an um nawh. Keima naw chu a dang hrim an um nawh; Pathien fel le sandamtu ka nih.

MATTHAI 24:25

Ngai ta u, ka hril lâwk ta cheu hi.

MATTHAI 26:32

Nisienlakhawm, ka thonâwk hnungin Galili ramah in hmaah fêng ka tih,” a ta.

MATTHAI 28:10

Chun, Isûn an kuomah “Ṭi naw ro, fe unla, Galili rama fe dingin ka unauhai va hril ro; chutaka chun mi hmûng an tih,” a ta.

MATTHAI 28:8

Chun, ṭi le lâwm bêk bêk pumin thlâna inthawk chun an fe vat vat a, a închûktirhai hril dingin an tlân tah a.

MARKA 14:28

Nisienlakhawm, ka thonâwk hnungin Galili ramah in hmaah fêng ka tih,” a ta.

MARKA 16:10

Chun, ama chu Isu umpui hlakhai kuomah a va feh a, mithi ngaia an ṭaplai chu a hril tah a.

MARKA 16:13

Chun, anni chun inchûktir danghai kuomah an va hril a, anni thu khawm chu an awi chuong nawh a.

LUKA 24:34

“Lalpa chu a lo thonâwk takzet a nih; Simon kuoma khawm ân lâr tah,” an lo tih a.

JOHAN 14:29

Tuhin a hung tlung hma hin ka hril ta cheu hi, a hung tlung phaa in ringna dingin.

JOHAN 16:4

Hieng thu hi in kuomah ka hril ta hi, a hun chu a hung tlung pha, ka hril ta cheu ti in hriet nâwkna dingin. Hieng thil hi a tîra inthawk ka la hril naw hrim cheu a nih, in kuoma ka la um leiin.

1 KORINTH 15:4

an phûm a, Pathien Lekha thu ang peiin ni thum nia keithoin a um a.

1 KORINTH 15:6

Chu hnunga chun unau za nga nêka tam lai ân lâr nawk a; chuhai laia mi tam lem chu tu chen hin an la dam rawp a; ṭhenkhat ruok chu an in tah a.