MATTHAI 28:6 - Pathien Lekhabu Inthieng (BSI)

⁶ Hitaka hin a um ta nawh; a hril ang ngeiin a thonâwk ta a nih. A zâlna hi hung en hman ta u.

MATTHAI 28:6 ပူးပေါင်းရင်းမြစ်များ

MATTHAI 12:40

Jona chu ni thum le zân thum ngapui phîng sûnga a um ang khan, Mihriem Naupa hi ni thum le zân thum hnuoi khur sûngah a um bawk ding a nih.

MATTHAI 16:21

Chu chena inthawk chun, Isûn Jerusalema a fe dingzie dâm, upahai, thiempu lalhai, Dân inchûktirtuhaia inthawka thil tamtak a tuor dingzie dâm, sukhluma a um dingzie dâm le ni thum nia keithoa a um dingzie dâm chu a inchûktirhai chu ân hriettir phut tah a.

MATTHAI 17:23

chun, sukhlum an ta, chun, ni thum nia chun keithoin um a tih,” a ta. Chuongchun, an lungngai ta bêk bêk a.

MATTHAI 17:9

Chun, tlânga inthawka an ṭum lai chun, Isûn an kuomah, “Mihriem Naupa hi mithi laia inthawka a thonâwk hmakhat chu in thil hmu kha tukhawm hril naw ro,” tiin thu a pêk tah a.

MATTHAI 20:19

nuiza siemna dinga hmang ding le, vuok ding le krawsa hemde dingin Jentailhai kuomah pêng an tih; chun, ni thum niin keithoin um a tih,” a ta.

MATTHAI 27:63

“Pu, chu hlêmtu chun, a dam lai khan ‘Ni thum chenah thonâwk ka tih,’ a ti kan hriet zing a.

MARKA 16:6

Chuongchun, ama chun an kuomah, “Lunginzing naw ro, Isu Nazareth mi, an hemde kha in zawng a ni âwm a, a thonâwk tah a, hi hin a um ta nawh; en ta u, an inzâlna hi.

MARKA 8:31

Chun, Mihriem Naupa chun thil tamtak a tuor dingzie dâm, upahai, thiempu lalhai le, Dân inchûktir- tuhai dit nawa a um ding dâm, sukhluma a la um ding dâm, ni thum hnunga a thonâwk dingzie dâm anni ân chûktir phut tah a.

LUKA 24:12

[Nisienlakhawm, Peter chu a tho a, thlâna chun a tlân tah a; chun, a kûn a, a bih a; puon zai inhmi umhai chu a hmuh a; chuongchun, thil umzie chu mak titakin in tieng a fe nâwk tah a.]

LUKA 24:23

a ruong hmu si loin, ‘Pathien vântirkohai inlâr kan hmuh a, chuhai chun a hring nâwk tah ti an hril,’ an hung tih a.

LUKA 24:44

Chun, an kuomah, “Hieng hi ka thu kha a nih, Mosie Dâna hai, Zâwlnei Lekhabua hai, Inpâkna Hla bua hai ka chanchin ziek taphawt chu a hung tlung dingzie in kuoma ka um laia ka hril hlak cheu kha,” a ta.

JOHAN 10:17

“Hi lei hin Pain a mi hmangai a nih, lâk nâwk dinga ka hringna ka pêk ding leiin.

JOHAN 2:19

Isûn an kuomah, “Hi in hi sukseb unla, ni thum sûngin inngîr nâwk ka tih,” a ta, a dawn a.

THILTHAWHAI 2:24

Kha mipa kha Pathienin thina khuopnahai chu a sûtpêk a, a keitho tah a; ama chu thina chel sawng ruol a ni naw leiin.