MATTHAI 27:51 - Pathien Lekhabu Inthieng (BSI)

⁵¹ Chun, ngai ta, Pathien biekina puonzâr chu a chung tienga in- thawkin a hnuoi tieng chenin, a lo tlêr suok tah a; chun, simkhawleihnuoi dâm ân hnîng a, lungpuihai an hung kawi a;

MATTHAI 27:51 ပူးပေါင်းရင်းမြစ်များ

2 CHANCHIN SUINA 3:14

Chun, puonzâr dumpâwl le a senêm le, a senduk le puon zai inhmi a siem a, a chunga chun cherubhai ân chuon bawk a.

INPÂKNA HLABU 18:15

Chu phingleh, Aw LALPA, i kâwkna leiin, I hnâra inthuok suok chun a mût rak leiin, Tui luongnahai chu a hung inlang a; Leilung innghatna chu suklangin a um tah a.

INPÂKNA HLABU 18:7

Chu phingle chun hnuoi hi ân hnîng a, ân thin tah a, A lunginsen leiin tlânghai khawm chu, Ân nghatna pumin ân thinin ân hnîng tah a.

FESUOKNA 40:21

chun, Thuthlung bâwm chu biekbûk sûnga chun a hung lâk lût a; pindangna puonzârhai chu a khai a, Thuthlung bâwm chu a zarhlieh a, LALPAIN Mosie thu a pêk ang tak chun.

ISAI 25:7

Chun, mi tinrêng an inkhumna le, hnam tinrêng an inkhumna chu, hi tlânga hin suksieng a tih.

LEVI DÂN 16:2

LALPA chun Mosie kuomah, “I unaupa Aron hril la, puonzâr sûng hmun inthiengah, bâwm chunga zângaina ṭhungpha hmaa chun a hung zing zing ding a ni nawh, thi rawi a tih; zângaina ṭhungpha chungah sûm lai ka hung inlâr ding a ni sih a.

LEVI DÂN 21:23

amiruokchu, demkaina nei a ni leiin, puonzâr bula manih, mâichâm hnaia mani chu hung thei naw ni, ka hmun inthienghai sukpawrche rawi a tih; kei LALPA anni sukthiengtu chu ka ni sih a,’ ti rawh,” tiin.

HABAKKUK 3:10

Tlânghai chun an hmu cheh a,an ṭih a; Tui insawkhai khawm chu an fe hmang tah a; Li inthûk chun a râwl ânsuoh a, A kuthai chu chungtieng a phar a.

HABAKKUK 3:13

I mihai sandamna dingin i fesuok a, I hriek nâl sandamna ding chun. Mi rilo sûngkuoa inthawk chun lu chu i sukhliem a, Ring chenin a lungphûm chu i suklang tah a.

NAMBAR 4:5

umhmun an sawn ding po leh Aron chu a naupasalhai leh lût an ta, hmun inthieng puon zar chu hlîp thlâng an ta, chu chun thuthlungna bâwm chu inkhum an ta,

MATTHAI 27:54

Chun, sipai za hotu le a kuoma Isu vênga um vehai chun, simkhaw- leihnuoi inhnîng le thil umziehai chu an hmu chun an ṭi ta bêk bêk a, “Hi mipa hi Pathien Naupa a ni ngei el,” an ta.

MATTHAI 28:2

Chun, ngai ta, simkhawleihnuoi nasatakin a hung inhnîng a, Lalpa vântirko vâna inthawkin a hung ṭum a, lung chu a hung inhlum a, a chungah a ṭhung tah a.

MARKA 15:38

Chun, Pathien biekina puonzâr chu a chungtienga inthawkin a mawng tlung rakin a lo inthlêr suo tah a.

LUKA 23:45

Chun, Pathien biekina puonzâr chu a laiah a lo tlêr tah a.

LUKA 23:47

Chun, sipai za hotu chun thil umzie chu a hmu chun, “Hi mipa hi matheiloin mi feltak a ni phawt el,” a ta. Pathien ân pâk tah a.

HEBRAIHAI 6:19

Chu beiseina chu hringnaa thîr- chakaiah ei nei a, ringum le dettak a nih, puonzâr sûnga mia khawm chun a lût a,

HEBRAIHAI 9:3

Chun, puonzâr pahnina khêla chun biekbûk Hmun Inthieng Tak an ti chu a um a;

THUPUONGSUO 11:13

Chun, chu lai tak chun sim- khawleihnuoi nasatakin a hung inhnîng a, khuo chu hmun sâwma ṭhea hmun khat a chim tah a, simkhawleihnuoi inhnînga chun mi sâng sari an thih a; a danghai chun an ṭih a, vân Pathien chu an chawimawi tah a.

THUPUONGSUO 11:19

Chun, vâna Pathien biekin chu ân hawng a, chuongchun, biekina chun a thuthlungna bâwm chu a hung inlang tah a; chun kâwlinlep dâm, rawl dâm, vân inrûm dâm, simkhawleihnuoi inhnîng dâm, riel nasatak dâm, a hung um nghâl tah a.