MATTHAI 27:4 - Pathien Lekhabu Inthieng (BSI)

⁴ “Mi thiem thisen kân mantir kha thil ka suksuol a nih,” a ta. Anni ruok chun, “Chu chu kan ta dingin ieng am pawi a ta? Nangin i thaw thawin thaw rawh,” an ti san a.

MATTHAI 27:4 ပူးပေါင်းရင်းမြစ်များ

1 LALHAI 21:27

Chun, Ahab chun chuong thu chu a hriet chun a puon a keithlêr a, saiip puon a sil a, bu a nghei a, saiip puon chungah a zâl a, ngûitakin ân lawn vêl a.

2 LALHAI 24:4

pawitâwklo thisen an suo a, Jerusalem chu pawitâwklo thisena a suksip leiin, LALPAIN a ngaidam nuom naw a nih.

JOB LEKHABU (THE BOOK OF JOB) 13:4

Khêlthuahai khêlhriltuhai chau in ni hi; Damdawi thiem mi ṭhangkaina um si lohai vawng in nih.

JOB LEKHABU (THE BOOK OF JOB) 16:2

“Chuong thilhai tamtak chu ka hriet tah a, Thlamuongtu nghawkum in ni vawng a nih.

INPÂKNA HLABU 94:21

Mi fel hringna thaw tumin an pungkhâwm tâwl hlak a, Thisen demkailo chu thiemnaw an inchangtir bawk hlak.

FESUOKNA 12:31

Azân azânin Mosie le Aron chu a ko a, “Tho unla, Israel thlahai le chun ka mihaia inthawkin fe hmang dai ro; chuongchun, fe unla, in ti ta angin LALPA rawng chu va bâwl ro.

FESUOKNA 9:27

Chun, Pharao chun mi a tir a, Aron le Mosie chu ân kotir a, an kuomah, “Tuta ṭum chu ka lo suol takzet a nih, ka mihai le kei chu kan khawhlo a, LALPA ruok chu a fel a nih.

THUVARHAI 12:8

Mi chu a varna anghu peiin hrilmawi nîng a ta, Lungril khêlinhlip nei mi ruok chu ngainêp nîng a tih.

JEREMIA 26:15

Hi hi hre ngei unla, kei in mi sukhlum chun, nangni chunga le, hi khawpui chunga le, chu chu hluo- tuhai chunga chun mi thiem thisen chu in intlungtir ngei ding a nih; thil dikah, LALPA chun in na hrieta hieng thuhai po po hi hril dingin in kuomah a mi hung tir a ni sih a,” tiin.

JONA 1:14

Chuleichun, LALPA chu an ko a, “Aw LALPA, hi mipa hringna lei hin mi sukbohmang naw la, mithiem thisen maw chu kan chunga innghat lul lo dingin kan ngên che, Aw LALPA, kan ngên che, nangin i nuom anga i thaw a ni sih a,” an tih a.

MATTHAI 27:19

Chun, rorêlna ṭhungphaa ân ṭhung lai chun, a nuhmeiin, “Kha mi feltak chunga khan iengkhawm thaw naw rawh; vawisûn hin ama leiin mangah thil tamtak ka tuor a nih,” tiin ân chah a.

MATTHAI 27:54

Chun, sipai za hotu le a kuoma Isu vênga um vehai chun, simkhaw- leihnuoi inhnîng le thil umziehai chu an hmu chun an ṭi ta bêk bêk a, “Hi mipa hi Pathien Naupa a ni ngei el,” an ta.

LUKA 23:22

Chun, ama chun a vawi thumnaah an kuomah, “Ieng dingin am ie? Hi mipa hin ieng am a suksuol a? Thina khawp meu, a chungah iengkhawm ka hmu nawh; vuong ka ta, kân suo el ding a nih,” a ta.

LUKA 23:41

Eini chu ei tuor âwm tak hrim tuor ei nih, ei thilthaw ra indiktak hmu ei ni chau lem a; ama ruok hin chu iengkhawm a suksuol si nawh,” a ta.

LUKA 23:47

Chun, sipai za hotu chun thil umzie chu a hmu chun, “Hi mipa hi matheiloin mi feltak a ni phawt el,” a ta. Pathien ân pâk tah a.

JOHAN 19:7

Judahai chun a kuomah, “Kan dân kawng khat a um, chu dân ang peiin Pathien Naua ân siem leiin, a thi ding a nih,” an ta, an dawn a.

THILTHAWHAI 13:28

A thina khawp meu a chung- ah iengkhawm an hmu naw khawm- in, Pilat kuomah sukhlum an ngên a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:19

Dânin iengkhawm a hril taphawt chu Dân thu thua umhai kuomah a hril a nih ti ei hriet a, bau tinrêng hupa a um theina ding le, khawvêla mi po po Pathien rorêla an um theina dingin.

1 TIMOTHE 4:2

Chuong mi khêlhliphai chu anni sie le ṭha hrietna ngeia thîr linga bel ang an na,

TITA 1:16

“Pathien kan hriet,” tiin an ṭhang hlak a; nisienlakhawm, tirdak- um dâm, thu awi naw dâm, thil ṭha tinrêng thaw kawnga Pathien dit naw zâwnghai an nih, an thilthawin an inphatsan hlak sih a.

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng naw- na kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim sih a.

1 PETER 1:19

berâmte hmêlhem lo le inthieng nawna kai lo thisen anga, Krista thisen hlu chun intlan in ni lem ti in hriet sih a.

1 JOHAN 3:12

Kaina mi suol laia mi, mani unau thattu ang khan um loin. Ieng- leiin am a that a? Ama thilthawhai a suol a, a unau thilthawhai a fel leiin.

THUPUONGSUO 11:10

An thi leiin hnuoia umhai chu lâwm an ta, hlimna siem an ta, thilpêkhai inthawn tuo bawk an tih; zâwlnei pahni hai chun hnuoia umhai chu an sukrimsik hlak leiin.

1 SAMUEL 15:24

Chun, Saula chun Samuel kuoma chun, “Thil ka suksuol dêr a ni chu, LALPA thupêk le i thu chu ka lo bawsiet a ni zing chu tie; mipuihai ka ṭia an râwl ka lo ngai leiin.

1 SAMUEL 15:30

Chuongchun, ama chun, “Ka lo suol a ni tah a, nisienlakhawm, ka mihai upa le, Israelhai hmaa hin mi chawimawi dingin ka ngên che a nih; chun, LALPA i Pathien ka biek theina dingin mi fepui hrâm bawk la,” a ta.

1 SAMUEL 19:5

thi dâwn loin Philistin mi kha a thawh a, chun LALPAIN Israel mihai po po sandamna ropuitak a thaw- suokpêk a, chu chu nang khawma i hmuh a, lâwm khawm i lâwm hle kha; chuleiin, a san iengkhawm um loa David chu thatin, ieng dingin am thisen pawi tâwklo chunga chun thil suksuol el i ta?” a ta.