MATTHAI 27:25 - Pathien Lekhabu Inthieng (BSI)

²⁵ Chun, vântlâng po po chun, “A thisen chu keini chunga le, kan nauhai chungah um raw se,” tiin an dawn a.

MATTHAI 27:25 ပူးပေါင်းရင်းမြစ်များ

2 SAMUEL 1:16

Chun, David chun a kuomah, “I thisen chu nangma lu chung ngeiah um raw se, nangma bâu ngeiin, ‘LALPA hrieknâl chu ka that a nih,’ tiin a phuong si cheh a,” a ta.

1 LALHAI 2:32

Chuongchun, ama nêka mi ṭha lem le mi fel lem pahni Nera naupa Abner, Israelhai sipai hotu le, Jether naupa Amasa, Judahai sipai hotu kha ka pa David hriet loa a thawh a, kâwlhnâma a that leiin LALPAIN a thisen chu ama lu chung ngeiah hung inlêttir a tih.

FESUOKNA 20:5

an kuoma chun kûnin an rawng i bâwl ding a ni nawh: LALPA i Pathien hi Pathien thikthusetak, pahai khawhlona chu nauhai chunga hung intlungtir hlaktu, a mi theida- tuhai chu an thla sâwng thum le sâwng li chen chunga khawm, hung intlungtir hlaktu le

NAMBAR 35:33

Chuongchun, in umna ram chu, sukpawrche ding a ni nawh, thisen chun ram chu in sukpawrche sih a, thisen suokna ram pawrche sâwpna ding chun thisen insuotu thisen ngawt naw chu hmang thei a ni si nawh a.

MATTHAI 21:44

Chun, chu lung chunga tlu chu kawi dar a ta; a idel lem chu râwt nawi tih” a ta.

THILTHAWHAI 18:6

Paulân a puon a thin a, an kuomah, “In thina maw chu nangnîn phur ro, kei chu ka hul a nih, tuta chen chu Jentailhai lai fe tâng ka tih,” a ta.

THILTHAWHAI 5:28

“Hi hming hin inchûktir lo ding kan ti tlat ta cheu kha; hre ro, in thu inchûktirin Jerusalem in suksip vawng ta hi; chu mipa sukhlum bul chu mîn tumtir in tum a ni hi,” tiin a suosal a.

THILTHAWHAI 7:52

In thlatuhaiin zâwlnei lai an suknawmnat naw tu am an um a? Mi feltak hung ding thu hril lâwktuhai kha an sukhlum a; chun, Mi Takzet chu inmantirtu le thattuhai nangni tuhin in nih in sawnnaw.

DÂN PAHNINA 19:10

LALPAIN hluo dinga a pêk cheu in ram sûnga pawitâwk lo thisen insuo a um nawh a, in chunga thisen a um nawna dingin.

DÂN PAHNINA 19:13

In lunginsiet ding a ni nawh a, in ta dinga ṭha dingin Israel rama inthawka pawitâwk lo thisen insuona chu in sukbo ding a nih.

JOSUA 2:19

Tukhawm i kawtkhâra in- thawka khawlaia suok taphawt chu ama lu chungah a thisen chu um a ta, keini chu thiemnaw changin um naw nîng ungah; chun, tukhawm in sûnga i kuoma um taphawt chu miin an chungah kut an thlâk chun kan lu chungah a thisen chu um a tih.