MATTHAI 27:1 - Pathien Lekhabu Inthieng (BSI)

¹ Chun, zîngkâr a hung ni chun, thiempu lalhai le vântlâng upahai po po chu Isu sukhlum dingin a chungthuah an inrâwn a;

MATTHAI 27:1 ပူးပေါင်းရင်းမြစ်များ

INPÂKNA HLABU 2:2

Hnuoia lalhaiin an ep huoi huoi a, Hotuhai khawm an inrâwn khâwm a, LALPA le a hrieknâl chunga chun:

INPÂKNA HLABU 31:13

Mi tamtak mi hêkna ka hriet sih a, Ka vêla ṭium um chu: An mi phier lai khan, Ka hringna mi lâkpêk an tum a.

INPÂKNA HLABU 71:10

A mi dotuhai chun ka chung- châng thu an hril sih a, Ka hringna inchântuhai chu an inrâwn bawk a,

MIKA 2:1

An khum laizâwla khawhlona suongtuotuhai le thil ṭha naw ngaituo suoktuhai chu an chung a rik de! Zîngkâra khuo a hung var hin chu chu an thaw hlak a, anni kut thil- thawtheina a ni si leiin.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk sih a; nangni hlak in lût si nawh a, mi a lût dinghai khawm in inlûttir phal ngai si nawh a.

MARKA 15:1

Chun, zîngkâr a hung ni phingleh thiempuhai chu upa- hai le Dân inchûktirtuhai le rorêltuhai po po leh an inrâwn a, Isu chu an phier a, an ṭhuoi a, Pilat kuomah an pêk nghâl tah a.

LUKA 13:1

Chun, chulaitak chun, tuhai amanih an lo um a, anni chun Galili rama mi, Pilatin an thisen an Pathien biekna sathathai laia a ipawlpêkhai chanchin Isu an hril a.

LUKA 22:66

Chun, khawvar phingleh, vântlâng upahai, thiempu lalhai le Dân inchûktirtuhai chu an inrâwn khâwm a, an rorêlnaa chun an ṭhuoi a;

JOHAN 18:28

Chun, Isu chu Kaiapha ina inthawk chun lal inah an ṭhuoi nâwk a. Zingkâr a na; chun anni chu lal inah an lût nawh, chuong naw chun, inthieng naw nîng an ta, Fekân Ruoiṭhe fa thei naw ni hai.

THILTHAWHAI 5:21

Chun, chu thu chu an hrietin khawvar hun vêla chun Pathien biekinah an va lût a, an inchûktir a. Nisienlakhawm, Thiempu Laltak le a ruolhai chu an hung a, rorêltuhai le Israel thlahai upahai po po an ko khâwm a, tirkohai chu hung inṭhuoitir dingin intângna ina chun mi an tir a.

RORELTUHAI 16:2

Chun, “Samson chu hitaka hin a hung ie,” tiin Gaza mihai chu an hril a. Chuongchun, an inhuol tah a, khawpui kul kawtkhâra chun zân- khawvâr an inchân a, zânkhawvâr chun an to ṭhiep a, “Khuo hung var phawt phawt sien, chuongchun, ei that ding annâwm,” an tih a.

1 SAMUEL 19:11

Chun, Saula chun David chu in tienga zîngkâra lo inchâna that dingin mi a tir a; chun, David nuhmei Mikal chun, “Vawizân hin i hringna i humhim naw chun, zînga hin an that ding che a nih,” tiin a hril a.